Relación de vacantes que oferta o IES Plurilingüe Pintor Colmeiro (Silleda – Pontevedra) en ESO e bacharelato para o curso 2018-2019:
- 1º ESO: 19 prazas (obtivo praza todo o alumnado dos centros adscritos que a solicitou)
- 2º ESO: 5 prazas
- 3º ESO: 23 prazas
- 4º ESO: 14 prazas
- 1º BAC: 24 prazas
- 2º BAC: 27 prazas
O prazo para a presentación de solicitudes de admisión estará aberto entre o 1 e o 20 de marzo de 2018, ambos os dous incluídos.
Notas de interese:
1. O alumnado que estea matriculado no IES Pintor Colmeiro neste curso ten garantida a súa permanencia no centro para cursar ensinanzas de ESO ou bacharelato. En consecuencia, non terá que presentar ningunha documentación.
2. Cada alumna e alumno só pode presentar unha única solicitude no centro no que solicite praza en primeiro lugar.
3. O alumnado que ten garantía de permanencia nun centro, se presenta solicitude de admisión noutro distinto deberá comunicalo, ao mesmo tempo, ao centro de orixe.
4. O alumnado que ten reservada praza nun centro, se presenta solicitude de admisión noutro distinto deberá comunicar a renuncia á reserva antes do inicio do prazo de presentación de solicitudes de admisión.
Máis información (acceso á normativa e aos formularios) nesta ligazón.
