Skip to Content

Curso 2019-2020

Festival de Entroido 2020

Neste I Festival de Entroido do IES Perdouro conducido por Cristian, houbo moi boas participacións.

Samuel estaba aos mandos da música, Alejandra e Lucía inmortalizaron o acto facendo fotos e vídeos. Os xuices tomaron moi en serio o seu traballo: grazas a Susi, Sandra e Noé!!

Os premios foron donados polas tendas de Burela. Os Trofeos foron maquetados e impresos coa impresora 3D no taller de tecnoloxía así como uns chaveiros. Os diplomas estaban listos. O patio estaba engalanado de globos e guirnaldas. Entón xa podía comezar o desfile e a festaaaaaa!!! O noso grupo de gaitas abriu o acto acompañado por pandeiretas e tambor.

Accede aquí á reportaxe fotográfica. Parabéns a todos/as os participantes así como o público!! Que viva o entroido!!!
 
Para acceder á entrega de premios pica aquí.

Entroido tradicional en Galicia

O alumnado de 4º ESO TIC fixo un traballo de investigación sobre o entroido tradicional en Galicia e realizou 22 carteis que se expoñen na entrada do centro.
 
Para acceder aos carteis pica aquí.

 

Obradoiro de Ciberseguranza na Fundación ABanca

VISITA A LUGO: XINCANA HISTÓRICO-LITERARIA E CHARLA SOBRE PROTECCIÓN DA IDENTIDADE EN INTERNET 
 
O venres 14 de febreiro, o alumnado de 1º ESO fomos a Lugo acompañados por Charo, Santiago, Mª José e Alicia. Saímos ás 10:15h.
... Unha vez en Lugo, fixemos unha xincana. A actividade consistía en facer grupos de 3 ou 4 persoas da mesma clase para buscar as respostas a unhas preguntas polo centro da cidade. Unha das fichas trataba sobre escritores galegos ... seguir lendo a crónica de Fábio de Barros Gomes e Carla Lavinia Martins Sanyang – 1º ESO B no blogue de Perdourando.

Conferencia "Mitos románticos, violencia de xénero e estereotipos nas series para adolescentes"

O pasado xoves 13 de febreiro, o alumnado de 1º de BAC acudimos a unha conferencia que tiña como título: “MITOS ROMÁNTICOS, VIOLENCIAS DE GÉNERO Y ESTERIOTIPOS EN LAS SERIES PARA ADOLESCENTES”.
A conferencia foi impartida por María José Masanet, unha profesora da Universidade de Barcelona. Ela ten o doutorado de audiovisuais e telecomunicacións e adícase a analizar diversas cuestións entre elas das que nos falou. A idea principal desta conferencia foi como analizar os mitos románticos, a violencia de xénero e os estereotipos de personaxes de series para adolescentes, actuais ou pasadas. A dinámica da conferencia foi a seguinte: a través de pequenos fragmentos destas series e foros de comentarios das mesmas, fomos comentando o contido do amor romántico, irracional… O ideal de amor mostrado nas obras para adolescentes provocou o surdimento de creenzas falsas sobre o que é, e o que non, unha relación afectiva saudable. A ponente advirtíu ter moito ollo, ser críticos, e ensinou a detectar o mito do amor romántico, as relacións amorosas prexudiciais e tóxicas.

Olimpiada Xeolóxica en Viveiro

Alba Geada mellor clasificada para a olimpíada estatal que se celebrará en Cuenca o próximo 28 de marzo. 
 
Hoxe desenvolveuse en Viveiro a fase territorial da Olimpíada xeolóxica da sede de Lugo onde participaron un total de 60 alumnxs de 4° ESO e 2° de bach que fixeron probas prácticas e teóricas.
Alba Geada Bernal, alumna de 4°ESO, clasificouse xunto a Claudia Casal do IES Vilar Ponte de Viveiro para formar parte do equipo galego na XI Olimpíada Estatal de Xeoloxía que se celebrará o 28 de marzo en Cuenca.

Moitos parabéns para a nosa campiona de xeoloxía!! Alba Geada Bernal!!

Accede á reportaxe fotográfica aquí.

Nota de prensa na Voz de Galicia

Viaxe á Coruña

O alumnado de 2º da ESO emprendemos viaxe á Coruña o pasado 9 de xaneiro. A nosa primeira parada foi no Museo Nacional de Ciencia e Tecnoloxía, onde as actividades se dividiron en dúas partes: visita guiada por algunhas das salas do museo e un taller de meteoroloxía.
Na visita guiada vimos, en primeiro lugar, as partes dun avión. Ensináronnos un motor do aeronave, unha pequena parte dunha á e vimos tamén como sería a clase business deste avión. A cada momento fomos descubrindo os distintos tipos de materiais e sorprendentes datos sobre os avións. Despois dos coñecementos de aeronáutica, pasamos á “sala do século XX”. Nesta sala vimos diferentes obxectos das distintas décadas deste século.
Na parte do taller de meteoroloxía, tivemos unha pequena charla duns dez minutos aproximadamente. Primeiro, aprendemos o que eran os anticiclóns, ciclóns ou borrascas e as diferenzas entre eles. Tamén tivemos a oportunidade de facer un pequeno experimento. Para comezar .... seguir lendo a crónica de Paula López Martínez 2º ESO B no blogue de Perdourando.

A HISTORIA DO POP por Javier Becerra

O pasado día  21 de xaneiro, Javier Becerra estivo na biblioteca do IES Perdouro para falar do seu libro e da súa selección de música pop.

Antes de que surxira a música pop, ó redor do anos 50, había un estilo de música diferente, e cantantes destacados como Frank Sinatra ou estilos como o jazz. Mais a xuventude quería un cambio no estilo de música, aínda que a xente maior tivera medo ós cambios.

Entón, nos anos 50 é cando aparece o rock and roll. Unha das figuras máis destacables foi Elvis Presley, o rei do rock and roll. O seu movemento de pernas era moi provocativo. Frank Sinatra dicía que a súa popularidade duraría 3 meses.

En Inglaterra aparecen Os Beatles. ... seguir lendo a crónica de Iago Mon de 2º ESO B no blogue de Perdourando

Día da Muller e a Nena na Ciencia - Mulleres afroamericanas na ciencia

Desde a titoría de 3º de PMAR, e inspirándonos na película "Figuras ocultas", quixemos dedicar o día da muller e da nena na ciencia a Mary Jackson, Katherine Johnson e Dorothy Vaughan, tres científicas afroamericanas que na súa época sufriron a discriminación racial e de xénero, pero sen as cales a carreira espacial norteamericana non sería posible. Con este pequeno traballo esperamos facer visibles os seus grandes logros e contribuír a outorgarlles o prestixio que se merecen.
Ver a tres biografías realizadas aquí.

Finais Campionatos San Xoán Bosco 2020

Os Campionatos de San Xoán Bosco, organizados pola A.C. “Os Matos”, é unha das actividades anuais do I.E.S. Perdouro. Durante o mes de xaneiro, o alumnado de 1º e 2º de ESO participou en diversas modalidades lúdicas e deportivas, que remataron na tarde do luns 3 de febreiro.

Os participantes puxeron ilusión e gañas nas distintas  modalidades que se ofertaban:

  •     Individuais:  4 en liña, Damas e Xadrez;
  •     Parellas: Construción de Puzzles;
  •     Equipos: Baloncesto e fútbol sala.
As primeiras eliminatorias, e as finais individuais e de parellas, desenvolvéronse nas instalacións do centro durante os recreos. As finais de grupos disputáronse no pavillón polideportivo dos institutos o día 3 de febreiro pola tarde e foron arbitrados por Antón Niñe, presidente de honra da asociación, e polos alumnos de 3º de ESO  A, Raúl Fernández e Antón Expósito e demais compañeiros/as de clase que se encargaron da música, das fotografías e do contador.
 
Da organización e coordinación dos Campionatos nos recreos encargaronse os alumnos/as Alejandra, Cristian e Serxio na modalidade individual e Manuel na modalidade por equipos.

Os vencedores das distintas modalidades, que recibiron as súas correspondentes medallas, son:
 
XOGOS 1º POSTO 2º POSTO
4 en liña Laura Alonso Fernández 1º ESO A Noa Martínez Casas 2º ESO B
Damas Fabio de Barros Gomes 1º ESO B Iago Mon Fraga 2º ESO B
Xadrez Raúl Cayón Fernández 2º ESO A Alexandre García Pousa 1º ESO C
Puzzles Yorel Ladra Ballesteros & Lucas Fidalgo Mendes 2º ESO C Noelia Fernández Fernández & Zoe Arias Lamelas 1º ESO A
Baloncesto Equipo 2º ESO A Equipo 1º ESO C
Fútbol Sala Equipo 2º ESO C Equipo 1º ESO C

Felicitamos aos participantes e ao público polo bo ambiente creado nestes días! Moi boa afición!!

Accede á reportaxe fotográfica da entrega de premios aquí.

Conferencia "Series de televisión e mitos románticos" a cargo de Masanet

María José Masanet (Doutora en Comunicación Social e licenciada en Comunicación Audiovisual. Profesora da Universitat de Barcelona) impartirá unha conferencia sobre Series de televisión e mitos románticos destinada ao alumnado de 1º de Bach o vindeiro xoves 13 de febreiro.

Viaxe a Sargadelos e San Cibrao (17-01-2020)

A primeira parada na nosa viaxe foi en Sargadelos onde visitamos o antigo complexo industrial, o cal albergaba unha fábrica de siderurxia e outra de cerámica. Dúas fabricas máis, unha de productos téxtiles e outra de vidro completaban o proxecto de Antonio Raimundo Ibáñez, dono do complexo, aínda que estas últimas non chegaron a materializarse polo asasinato do seu dono. Ibáñez, nacido en Asturias, traballaba durante a súa mocidade na casa comercial Guimarán en Ribadeo. Ali comezou a forxar a súa fortuna investindo os cartos do amo en aceite, o cal tamén o levaría ó despido, por realizar este acto sen consentimento dos seus superiores. Durante os seguintes anos casou e seguiu aumentando o seu capital ata 1796 cando abriu a súa primerira fábrica, a siderúrxica, á que lle seguiría a de céramica uns anos despois.

Charla sobre doazóns

O pasado martes 28 de xaneiro de 2020, os alumnos e alumnas de 4º da ESO así como o alumnado de Anatomía de 1º de BAC fomos a unha charla dada por Antonio Carcedo, un membro de ADOS (Axencia de Doazón de Órganos e Sangue). Nesta charla, que durou aproximadamente dúas horas, informáronnos sobre os compoñentes do sangue, os procesos de doazón de sangue e medula e os requisitos necesarios para poder ser doante. Explicáronnos tamén que agora contan con novas tecnoloxías que melloraron e impulsaron a doazón de sangue, como o incremento das unidades móbiles que se moven por todas as provincias de Galicia. Fixo especial fincapé na importancia de doar sangue e tamén medula, xa que moita xente ten medo a facelo, cando isto non é prexudicial para a saúde e pode salvar moitas vidas.
Pareceunos unha charla moi interesante e sobre todo necesaria para concienciar á xente de que a doazón é algo imprescindible. Aprendemos cousas novas que considero moi importantes para a nosa formación e tamén coñecemos como facer no caso de que decidamos facernos doante. 
 
Cecilia Gacía López -1º Bacharelato

Proxecto Fundación Expomar : charla Mariñeiros da Moncloa e obradoiro de nós Mariñeiros (15/11/19)

O día 15 de novembro os alumnos e alumnas de 4º ESO do IES Perdouro tivemos unha charla na biblioteca do centro que organizaba a Fundación Expomar, na que membros da Asociación de Mariñeiros Xubilados A Moncloa viñeron contarnos as súas vivencias, respostarnos todas as nosas preguntas e ensinarnos nós mariñeiros.
Na primeira parte da charla, contáronnos algunhas experiencias, como era a súa xornada de traballo e o día a día no barco. Despois, algúns dos alumnos formularon preguntas que tiñan preparadas.
Na última parte, dividíronnos en grupos e en cada un deles un ex-mariñeiro ensinounos a facer algún dos nós máis coñecidos e tamén nos explicaron cales eran os máis usados e por que.
Foi unha charla interesante na que nos achegamos algo máis ao mundo do mar tan presente na nosa vila. 
Accede à reportaxe fotográfica aquí.
 
Martín González Cabanas – 4º ESO B

Visita a Lugo: Fundación TIC e Domus do Mitreo (11/12/19)

Na chegada do alumnado do IES Perdouro ao edificio da Fundación TIC, localizada na localidade de Lugo, fomos recibidos por Laura, docente da escola, que nos presentou as instalacións por medio dun vídeo que recollía os lugares que iamos percorrer, como tamén os ciclos formativos que se podían cursar.
Na primeira sala, mostráronnos o plató, de grandes dimensións, onde se gravan as reportaxes, actuacións e telediarios. Un gran teito, con diversos focos que o acompañan, ... seguir lendo a crónica de Beatriz Botelho Melo – 4º ESO A Luis López Ramos - 4º ESO B  no blogue de Perdourando.
 
 

Presentación do libro "Navegando a bordo do San Lorenzo de Foz"

Antón Niñe naceu no concello de Barreiros en 1958. Foi durante moitos anos profesor de Relixión no IES Perdouro de Burela, tamén é autor de libros e foi presidente da A.C. Os Matos de Burela.
En outubro publicou un libro titulado Navegando a bordo do San Lorenzo de Foz. O seu libro ten 5 capítulos e conta a historia dun barco de cabotaxe. Dedicou varios anos a investigar nos arquivos do barco, nas bibliotecas e a falar cos tripulantes. Escribiu este libro para gardar a memoria do barco, de seu pai (que foi patrón do mesmo) e dar a coñecer desta embarcación.
O barco foi construído en 1944 nun estaleiro de Asturias e despezárono en 1965. Navegou 21 anos, 19 deles seu pai estivo a bordo, 4 de mariñeiro e 15 de patrón. Como era un barco de cabotaxe transportaba moitos tipos de mercadorías como madeira ou cemento. O barco levaba 9 tripulantes entre o patrón, o fogoneiro, o cociñeiro e os mariñeiros.
Distribuir contido


by Dr. Radut