|
|
|
|
|
A educación non pode esgotarse en si mesma, non debe ser un saber para saber, senón que debe converterse nun saber para vivir, é dicir, para desenrolarse adecuadamente como persoa, para relacionarnos, para traballar, para mellorar nosas expectativas ao longo da nosa vida. Nesta dirección apuntan as competencias básicas. Temos a obriga de reflexionar a carón do "para que" educamos, o que nos permitirá ir introducindo modificacións para facer máis eficiente este sistema. Os sistemas educativos europeos tenden a aproximarse, a ter obxectivos comúns, a tratar de abordar os problemas dende perspectivas semellantes, e a empregar os mesmos instrumentos para avaliar os seus resultados. Nesta liña de converxencia, a Unión Europea, estableceu obxectivos, criterios comúns na delimitación e definición das competencias básicas e recomendou os países membros a paulatina adaptación dos seus sistemas educativos a ese marco legal. Estas recomendacións concretáronse nas normativas que outorgan especial relevancia as competencias básicas. A participación por parte deste grupo de profesores no Proxecto COMBAS ten como obxectivo facer modelos, establecer orientacións, facer exemplificacións e instrumentos que faciliten a tarefa na concreción das competencias no currículo. |
COMBAS NOSO CENTRO
- 446 lecturas
