Salvo que se indique outra data, as tarefas teñen de prazo para entregarse ata o venres de cada semana (incluído).
SEMANA do 8 ó 12 de XUÑO
Tarefa 14ª (8/6) Data de entrega: venres 12 de xuño.
Tedes en Agueiro unha tarefa de introdución ó deseño asistido por ordenador CAD. Tratade de empezala antes da videoconferencia para detectar dificultades.
SEMANA do 1 ó 5 de XUÑO
Tarefa 13ª (1/6) Data de entrega: venres 5 de xuño.
Tedes en Agueiro nova tarefa, sobre o tema de Electricidade. Recordade tela revisada antes da videoconferencia para poder preguntar dúbidas.
SEMANA do 25 ó 29 de MAIO
Tarefa 12ª (25/5) Data de entrega: venres 29 de maio.
Tedes en Agueiro nova tarefa. A desta semana é a mesma para todos. Non creo que teña dificultade, pero recordade tela revisada antes da videoconferencia para poder preguntar dúbidas.
SEMANA do 18 ó 22 de MAIO
Tarefa 11ª (18/5) Data de entrega: venres 22 de maio.
Podedes consultar en Agueiro as instrucións para realizar a tarefa desta semana. Recordade tela revisada antes da videoconferencia para poder aproveitar a conexión para preguntar dúbidas.
SEMANA do 11 ó 15 de MAIO
Tarefa 10ª (11/5) Data de entrega: venres 15 de maio.
Tedes en Agueiro as instrucións para realizar a tarefa desta semana.
IMPORTANTE: Lede a información referente a atrasos e erros de forma nas entregas.
SEMANA do 4 ó 8 de MAIO
Tarefa 9ª (4/5) Data de entrega: venres 8 de maio.
Tedes en Agueiro as instrucións para realizar a tarefa desta semana, que será a mesma para todos. É en parte de repaso, que aproveitarán os que teñan que recuperar a primeira avaliación, e en parte materia nova, pero que é importante que todos fagades, correspondente ás ferramentas do taller.
SEMANA do 27 ó 30 de ABRIL
Tarefa 8ª (27/4) Tedes en Agueiro as instrucións para realizar unha nova tarefa en Tecno12-18. Data de entrega: venres 1 de maio.
O alumnado que ten máis de unha avaliación suspensa, ten que ir tratando de facer o traballo marcado para as dúas avaliacións, aínda que entregue fóra de prazo.
Os datos de acceso a Tecno12-18 tedes que pedirmos a min. Non podedes empezar con esta parte mentres non teñades resoltas determinadas tarefas anteriores.
SEMANA do 20 ó 24 de ABRIL
Tarefa 7ª (20/4) Tedes en Agueiro as instrucións para realizar unha nova tarefa en Tecno12-18.
SEMANA do 14 ó 17 de ABRIL
(14/4) Ola rapaces! Espero que sigades todos ben e que puidérades gozar duns días de lecer, dentro do que nos permite este confinamento na casa. Hoxe comeza o terceiro trimestre, así que retomamos a actividade.
Esta semana, a tarefa é:
- Para os que fixestes entregas, ler a mensaxe que vos deixei a cada un en Agueiro e facer as correccións que vos indiquei.
- Para os que non comezastes ou levades atraso, aproveitade para vos poñer ó día!
NOTA IMPORTANTE: Tedes que ler con atención, seguir as instrucións e tamén tratar de buscar solucións cando se vos di que están ó voso alcance e ata onde buscalas. Boa parte do traballo destes días, tanto para min coma para vós, foi corrixir defectos de forma: tedes que entregar onde se vos indica, co título requerido, organizado como vos pido, etc. Pode parecervos algo sen importancia, pero a min dáme moita información sobre a vosa competencia lectora, a vosa capacidade de aprender sós, a vosa iniciativa, se valorades a boa presentación, etc.