Olla para ela!, Actividades, Novas, Plan de igualdade, Elas

Dende a Biblioteca conmemoramos o 25N, Día internacional da eliminación da violencia contra as mulleres, coa exposición dos carteis presentados ao concurso na categoría de "imaxe gráfica".

Súmase á exposición o "Manual dos modais básicos", no que alumnas de 4º B (Naira, Judith e Siomara) abordan certos temas tabú relacionados co xénero, a sexualidade e o colectivo LGBTIQA+. Aínda que este traballo non está directamente relacionado co obxectivo do 25N, consideramos que nesta semana é importante recordar as palabras RESPECTO e IGUALDADE.

De entre os presentados no centro, estes son os carteis escollidos para enviar ó Concurso de imaxes gráficas e pezas audiovisuais contra a violencia de xénero, convocado pola Consellería de Educación:

	Ainhoa Rodríguez Pose (2ºB)	Marcos González López (3ºB)

Un grupo de rapaces de 3º ESO e 4º ESO coordinados por excompañeiros do centro (Silvia Lijó e Emilio Roca) e apoiados pola educadora familiar dos Servizos Sociais do concello de Camariñas (Ali Trillo), o orientador do centro (José Rodríguez) e a biblioteca, fixeron unha reflexión sobre a violencia de xénero neste ano 2020. Neste vídeo poderedes ver o traballo realizado.

Alumnos de 3º e 4º ESO decidiron espontaneamente que cada venres se xuntarían na súa hora de lecer para solidarizarse con algunha causa que teña relevancia social. Con tal fin, deciden a temática e o seu vestiario con antelación e xúntanse para sacar unha foto que inmortalice o momento. O venres 13 combinaron as súas roupas para facer unha composición LGTBI. A idea é que cada vez sexan máis os compañeiros que se sumen a esta iniciativa e acompañar ese momento solidario con algún tipo de discurso.

Parabéns pola vosa solidariedade!!!