O noso instituto foi seleccionado polo Ministerio de Educación, Cultura e Deporte para participar no programa educativo Rutas científicas, artísticas e literarias, dentro do cal realizaremos diversas actividades e visitas por Madrid, Toledo, Cuenca e outras localidades da zona.
O roteiro será realizado por alumnado de 2º ESO e desenvolverase do 1 ao 7 de novembro.
Queremos agradecer a súa colaboración á Mostra do Encaixe de Camariñas, que nos proporciona os agasallos para intercambiar co instituto co que compartimos roteiro, a Industrias Cerdeimar, que nos entregou unha selección dos seus produtos para que os nosos compañeiros de viaxe os poidan degustar, e ao Concello de Camariñas, que subvenciona o 25% do custo dos desprazamentos entre o centro e os lugares de comezo e remate da actividade.