Skip to Content

Actividades

EXCURSIÓN DO ALUMNADO DE RELIXIÓN DE 4º Á DIOCESE DE TUI-VIGO

 

O luns 7 de outubro, nunha xornada na que o bo tempo acompañou, o alumnado de 4º de ESO visitou a Diocese de Tui- Vigo onde viron o claustro e a catedral nunha visita guiada, ademáis de contemplar dende a torre as fermosas vistas do río Miño e terras portuguesas. A continuación, dirixímonos á veciña localidade da Fortaleza para xantar e dar un paseo polas súas rúas e tendas. Pola tarde, realizamos una ruta circular de sendeirismo, de dificultade media, polos muíños do Folón e do Picón. As vistas desde arriba son realmente bonitas, e a cantidade de muíños tamén impresiona bastante.

Rematamos a xornada en Baiona, uns mollando os pés na praia, outros dándolle uns toques ó balón, visitando a réplica da carabela “Pinta” ou, simplemente tomando un refresco. 

 

VISITA Á EXPOSICIÓN DE LEONARDO DA VINCI

O 26 de maio, o alumnado de Cultura Clásica e Relixiòn fixeron un percorrido polo casco històrico, para a continuaciòn visitar a exposiciòn sobre Leonardo da Vinci no Mosteiro de San Martìn Pinario.

III XORNADA DE XOGOS TRADICIONAIS

No día de hoxe,con motivo da celebración do Día das Letras Galegas,adicadas este ano a Antón Fraguas,celebrouse no instituto a III Xornada de Xogos Tradicionais, coordinada polo profesor Horacio Souto. 
Nela participaron rapaces e rapazas do noso centro,e tamén do IES Maruxa Mallo e do CEIP Castelao,que foron convidados a pasar a mañá connosco.Puidemos disfrutar dos 25 xogos que estaban organizados por outros compañeiros,e pasar así unha xornada moi amena.
(Carmen Míguez)
 
   
   
   
   

PARTICIPACIÓN NO CORRELINGUA 2019

A convocatoria deste ano do Correlingua tiña por lema "O galego é a fórmula". Con este punto como referencia, os e as estudantes dos catro grupos de 2º e 4º ESO traballaron durante algunhas sesión do mes de xaneiro na elaboración de cadanseu manifesto para participar nun concurso. Aínda que aos nosos textos non lles faltou xenio nin xeito, o manifesto gañador foi o titulado "Temos química coa nosa lingua", que elaboraron alumnos e alumnas de 4º ESO do IES de Carral. Desde aquí queremos darlles os nosos parabéns.
Calquera traballo debe ter a súa recompensa e así foi como o luns 6 de maio nos dispuxemos rumbo a Santiago de Compostela para desfrutar dunha andaina polo casco antigo, para escoitar o manifesto gañador da boca de Sofía Martínez Barbeito (2º ESO A), quen xenerosamente subiu ao escenario para lelo acompañada por unhas cantas compañeiras, e para bailar ao son da música de Pauliña, a cantante cambadesa.
Pola nosa banda, consideramos que tanto a elaboración dos manifestos como a participación no Correlingua son actividades útiles desde o punto de vista pedagóxico porque, partindo dun marco lúdico, fomentan o traballo en grupo, exercitan a creatividade, propician o coñecemento do formato do manifesto e contribúen a seguir forxando o uso e transmisión do galego. 
Só nos resta darlles as grazas á organización e a todo o profesorado e alumnado implicado. Procuraremos recuncar!

 

CHARLA SOBRE DINAMOMETRÍA E APRIETES

Unha das actividades incluídas na X Semana Cultural foi unha charla que Ramón López, delegado de SNA Europe, impartiu ao alumnado de 1º de Automoción. Foi unha gran charla, na que coñeceron de primeira man a mellor ferramenta e a forma de utilizala

 

 

OBRADOIRO CON YOLANDA CASTAÑO

O martes 30 de abril visitounos a escritora Yolanda Castaño para impartir en 2º ESO un obradoiro. O suxestivo título do obradoiro, "A poesía non morde", non nos deixou indiferentes. Fixemos da man da autora un periplo polas orixes populares da poesía, recalamos unha vez máis na riqueza expresiva das figuras literarias e chegamos a porto exercitándonos como poetas en potencia.

Foron un par de horas ben proveitosas!

EXCURSIÓN A PONDE DE LIMA E MONÇAO

A maior parte do alumnado de 2ª Lingua Estranxeira Portugués asistiu, no día 12 de abril, a unha excursión a Ponte de Lima e Monção para ter un contacto directo coa lingua e a cultura portuguesa.

En Ponte de Lima a rapazada realizou dúas actividades guiadas en portugués: a Rota do Caminho de Santiago e a visita ao Museu do Brinquedo.

Finalmente, en Monção, a visita tiña como obxectivo coñecer o Palácio da Brejoeira, de principios do XIX, e que hoxe se dedica á produción vitivinícola de uva albariña. Vimos as dependencias, adegas, capela, teatro e horta e o percorrido foi guiado tamén en portugués.

ENCONTRO CON VICTOR F. FREIXANES

No día 2 de abril, a comunidade educativa do IES nº 1 de Ordes deu a benvida ao centro ao escritor e académico da RAG Víctor F. Freixanes, que falou do  seu libro Cabalo de ouros, lido en 2º de bacharelato, alumnado co que mantivo o encontro. Foi presentado por Antonio Villaverde Rey, de 2º bach. C.

 

 

VIAXE DO ALUMNADO DE LATÍN E RELIXIÓN A ROMA E FLORENCIA

Os departamentos de Latín e Relixión do IES Nº 1 de Ordes organizan cada curso escolar unha viaxe cultural co alumnado de primeiro e segundo de Bacharelato a destinos que relacionados coas súas respecticvas materias.

No curso 2019/2020 o destino elixido foron  as cidades de Roma e Florencia. A duración da viaxe foi de 6 días nos que os 34 alumnos/as  visitaron os lugares máis emblemáticos de cada unha destas cidades.

En Roma fíxose unha visita guiada ao foro e ao Coliseo  e o circo Máximo e unha visita guiada aos Museos Vaticanos e Capela Sixtina.

O resto das visitas na cidade de Roma foron coordinadas polas profesoras acompañantes: visitamos  os Museos Capitolinos,  o museo nacional de arte romana ( no Palacio Massimo), O Panteón,  o altar da Ara Pacis, ….

Tamén visitamos as prazas máis importantes da cidade (  Praza de San Pedro, Praza Navona, Praza de España, Praza da Rotonda, Praza Venecia, Praza do Popolo), o barrio do Trastévere,

O mercado dei Fiore, etc.

Poidemos ver in situ a Pietá e o Moisés de Miguel Ángel, o Éxtase de Santa Teresa, os mosaicos de Santa Prassede, de Santa María en Trastévere, Santa María Maiore. ..

Na cidade de Florencia percorremos os lugares máis turísticos da cidade da man dunha excelente guía e visitamos pola nosa conta os Uffizzi e a Galeria da Academia.

VIAXE A PROVENZA

(5-11 DE ABRIL DO 2019)

O Alumnado do noso centro ,xunto do Xelmirez II de Santiago de Compostela, está realizando unha viaxe cultural por esta preciosa rexión francesa. Visitando:

Carcassonne

Montpelier

Montpelier

Nimes

Nimes

Nimes

Fondation Van Gogh (Arles)

Orange

Avignon

Aix-en-Provence

La Camargue

Marseille

Marseille

Distribuir contido


by Dr. Radut