Skip to Content

HORARIO DOS EXAMES DE SETEMBRO 2019

No seguinte enlace pódense atopar as datas e o horario dos exames de setembro de 2019:

HORARIO

100% DE APROBADOS NA ABAU ENTRE O ALUMNADO DE CURSO COMPLETO

Todo o alumnado que se presentou ás probas despois de ter cursado completo 2º de Bacharelato aprobou. E se temos enconta tamén ao alumnado que estaba repetindo segundo e só cursou algunhas materias soltas, o resultado é un 98.57 % de aprobados. Iso que este curso foi un dos que maior número de alumn@s se presentaron ás probas (70).

Parabéns a tod@s e que teñades un magnífico futuro.

GRADUACIÓN ALUMNADO 2º BACHARELATO 2018/2019

No día 23 de maio, celebrouse na Casa da Cultura de Ordes o xa tradicional acto de graduación do alumnado de 2º bacharelato. Unha promoción moi boa a nivel académico, na que cómpre salientar unha alumna e catro alumnos, que foron as 5 matrículas de honra deste ano. Trátase de Iván Blanco Calviño, Sara Castro Peña, Adrián González Viqueira, Jorge Noya Botana e Antonio Villaverde Rey. E máis houbese, pois neste curso o talento e as ganas de estudar desta promoción superaron o número de matrículas correspondente á cantidade de estudantes.

Despois dos discursos de despedida de rigor por parte do profesorado, alumnado  e director, recolleron cadanseus diplomas das mans das persoas titoras. Eles, e sobre todo elas, ían enfeitados coas súas mellores galas e os peiteados máis coidados.

Finalmente, a xornada clausurouse con música popular cantada en galego: pandeiretas, gaitas e tambor, acompañados dunha letra creada e para a ocasión e cantada polos participantes e o público alí congregado.

Só resta desexar boa sorte para as ABAU que comezan o vindeiro 12 de xuño.

PRÁCTICAS DE FP NO EXTRANXEIRO - PROGRAMA ERASMUS +

Aberta convocatoria para a realización das prácticas de FP no estranxeiro.

MÁIS INFORMACIÓN

PARTICIPACIÓN NO CORRELINGUA 2019

A convocatoria deste ano do Correlingua tiña por lema "O galego é a fórmula". Con este punto como referencia, os e as estudantes dos catro grupos de 2º e 4º ESO traballaron durante algunhas sesión do mes de xaneiro na elaboración de cadanseu manifesto para participar nun concurso. Aínda que aos nosos textos non lles faltou xenio nin xeito, o manifesto gañador foi o titulado "Temos química coa nosa lingua", que elaboraron alumnos e alumnas de 4º ESO do IES de Carral. Desde aquí queremos darlles os nosos parabéns.

 

MÁIS

 

 

Resolución do VIII Premio de Poesía Carme Villaverde

Xa temos o veredicto do xurado do VIII Premio de Poesía Carme Villaverde. A gañadora é Alicia López Besteiro, alumna de 2º de bacharelato do IES Sanxillao de Lugo.

Parabéns Alicia ¡¡¡

CHARLA SOBRE DINAMOMETRÍA E APRIETES

Unha das actividades incluídas na X Semana Cultural foi unha charla que Ramón López, delegado de SNA Europe, impartiu ao alumnado de 1º de Automoción. Foi unha gran charla, na que coñeceron de primeira man a mellor ferramenta e a forma de utilizala.

 

MÁIS

OBRADOIRO DE YOLANDA CASTAÑO

 

O martes 30 de abril visitounos a escritora Yolanda Castaño para impartir en 2º ESO un obradoiro. O suxestivo título do obradoiro, "A poesía non morde", non nos deixou indiferentes. Fixemos da man da autora un periplo polas orixes populares da poesía, recalamos unha vez máis na riqueza expresiva das figuras literarias e chegamos a porto exercitándonos como poetas en potencia.

Foron un par de horas ben proveitosas!

 MÁIS

Distribuir contido


by Dr. Radut