Lingua Galega

DEPARTAMENTO DE LINGUA GALEGA E LITERATURA

 

Membros do departamento de Lingua galega e literatura:

    Mª Belén Iglesias Gómez

   ( Profesora en 3º e 4º de ESO) 

  

 

 

 

 

    Javier Cabanas Cao

   ( mestre adscrito en 1º e 2º de ESO)

 

 

 

CONMEMORACIÓN DO DÍA DE ROSALÍA DE CASTRO

22/02/2019 20:46
Africa/Addis Ababa
Hoxe celebramos na biblioteca a nosa homenaxe a Rosalía de Castro. Os Atrapasoños leron unha selección de poemas da escritora nun acto protagonizado polo alumnado de 3º de ESO. 

 

Do XIX ao XXI Libre o meu pensamento! era o lema proposto  este ano para conmemorar esta data. A rapazada berrou  esta consigna  en varias ocasións despois da lectura de textos significativos sobre a emigración, a marxinación da muller ,  a defensa da lingua , etc.

 

Andrea e Laura acompañaron algunha das composicións coas súas pandeiretas, escoitamos versións musicadas das súas poesías e ao final , coa axuda da interpretación ao piano de Juan Vilas, cantamos todos " Adiós ríos, adiós fontes".

 

Cada participante levou como agasallo un minilibro cos poemas de Rosalía e unha flor.

 

VISITA AO CENTRO DE ANDREA MACEIRAS

12/02/2019 22:24
Africa/Addis Ababa

 

 

                      Hoxe visitou o noso centro Andrea Maceiras, autora do libro O que sei do silencio , lido polo alumnado de 3º e 4º de ESO este trimestre. Andrea falounos do proceso da escrita e conversamos con ela sobre o acoso escolar , que é o tema central do libro . Ao final asinou exemplares dos seus libros a todos o que llo pediron.

OBRADOIRO DE TEATRO

21/01/2019 15:20
Africa/Addis Ababa

          

           

Máis fotos no blog na biblioteca

 

CONTACONTOS INGLÉS- GALEGO

19/12/2018 12:10
Africa/Addis Ababa

                             

 

Hoxe o alumnado do centro  asistiu á  actividade de contacontos en inglés e galego, da man das narradoras Patricia McGill e Charo Pita.  Estas contadoras profesionais versionaron algúns relatos da tradición oral  nos que apareceron bruxas,cabaleiros, paxariños metidos en problemas, damas encantadas e ata o mesmísimo rei Artur.  A actividade,organizada polos departamentos de Inglés, Galego e Biblioteca , desenvolveuse  en dúas sesións ( a primeira para o alumnado de 3º e 4º de ESO  e a segunda para o alumnado de 1º e 2º ). Foi moi amena e interesante.

 

MOSTEIRÓN CONTRA A VIOLENCIA MACHISTA

26/11/2018 18:54
Africa/Addis Ababa

 

Para conmemorar o Día contra a Violencia Machista, A Esperela botou man do poemario de Carlos Negro "Masculino Singular". Seleccionamos varios poemas visuais e fixemos a nosa representación nun recanto de reflexión. O alumnado de 3º preparou unha performance para expresar a nosa repulsa contra o maltrato.

 

 


                                                                       Fachada do CEIP

" SOMOS UN POBO DE ARTISTAS", OBRADOIRO DE XURXO SOUTO.

19/11/2018 16:10
Africa/Addis Ababa

Hoxe recibimos na biblioteca A Esperela  ao polifacético Xurxo Souto que nos fixo un percorrido pola música galega das últimas décadas. Coma sempre  , encheu a súa intervención de anécdotas e saberes das nosas xentes, que como el di "nunca nos contan". Encheu de enerxía os nosos corazóns ao recordarnos tantas cousas valiosas que nos rodean e que ás veces nin sequera vemos. Grazas, Xurxo.

CONCERTO DE PIANO

Hoxe no primeiro recreo recibimos a visita de Ander, un estudante de piano que nos ofreceu un concerto de piano con 3 pezas de J.S.Bach, F. Liszt e Schubert

OBRADOIRO DE DOBRAXE

19/10/2018 13:00
Africa/Addis Ababa

O Departamento de Lingua Galega e a nosa biblioteca, A Esperela, levamos o alumnado a un obradoiro de dobraxe organizado pola   Biblioteca da Casa da Cultura Pintor Lloréns de Sada. A rapazada saíu encantada!!

 

 

SAÍDA AO TEATRO

18/10/2018 11:00
Africa/Addis Ababa



Hoxe, o alumnado de cuarto de ESO asistiu á representación de Eroski Paraíso , una obra da compañía Chévere que amosa por medio da ficción moitas das transformacións sufridas na nosa sociedade nas últimas décadas . O espectáculo convida á reflexión sobre temas como a emigración e o desarraigo. A obra  , na XXI edición dos premios María Casares , recibiu os galardóns nas categorías de mellor espectáculo, mellor dirección para Xesús Ron, mellor actriz protagonista para Patricia de Lorenzo e mellor música para o grupo muradán Terbutalina.Desfrutámola moito, agora toca a reflexión na aula sobre os diferentes temas que nela se tratan. A actividade foi organizada polo Departamento de Lingua Galega.

Distribuir contido