You are hereFOL

FOL


Pulseras lilas: un proxecto para darlle voz ás mulleres

Sara, María e Julia, alumnas de 2º do ciclo medio de Farmacia e Parafarmacia, organizaron o proxecto "Pulseras lilas" coa idea de concienciar sobre a igualdade de mullleres e homes. Ao longo de dous días repartiron pulseras lilas entre os membros da comunidade educativa, recopilaron frases/ideas dos participantes e remataron cunha fotografía de todos amosando as pulseras lilas.

Parabéns pola iniciativa e polo éxito do proxecto!

 

I Feira do emprendemento

Os días  26, 27 e 28 de febreiro de 2019 celebramos no centro a primeira edición da Feira de Emprendemento, onde os alumnos e alumnas do  ciclo de grao superior de Anatomía  Patolóxica  e do ciclo de grao medio de Impresión  Gráfica, presentaron as  ideas de negocio xeradas no módulo de EIE á comunidade educativa do instituto.

Parabens por esas ideas de negocio!

 

Experiencias emprendedoras

Este xoves 21 de febreiro visitaron o noso centro dous empresarios de éxito: Oliver da Silva, promotor do negocio Chiringuito Sinás, e Jaime Feijoo, promotor do negocio  J.F.H. Entrenador Personal. Os dous contaron o seu percorrido emprendedor e deron consellos e recomendacións ao noso alumnado de segundos cursos dos ciclos medios e superiores do centro.

Unhas experiencias moi interesantes de como é o  camiño para acadar o éxito. Grazas pola vosa participación!

Con dones e doñas: un proxecto de alumnado de 2º de preimpresión dixital

Os alumnos de 2º de Preimpresión Dixital, Daniel, Yolanda, Carlos, Carla, Araceli e Santiago, entregaron o recaduado no seu proxecto efímero "Con dones e doñas" á Asociación Galega de Persoas afectadas polo VIH, AGAVIH. Na foto inferior, Cándida, a representante da asociación, recibe a hucha cos 63 euros recaudados.

Do 12 ao 14 de febreiro, os 6 alumnos levaron á practica a súa idea de proxecto para o módulo de EIE cuxo obxectivo era concienciar da importancia da prprevención e saúde sexual. Em 3 recreos repartiron preservativos personalizados con pegatinas e folletos informativos. O alumnado contou coa colaboración do centro Quérote +, que doou 100 preservativos.

Parabéns ao alumnado pola iniciativa e grazas ás entidades colaboradoras. 

 
 

 

Orientacións académicas e profesionais tras rematar un ciclo

"Emprego e formación" é unha web con información de interese para o alumnado que remata os ciclos formativos: que estudar despois, onde atopar ofertas de emprego, como redactar un currículum ou a importancia de facer unha autoanálise de cara a un futuro laboral e académico de éxito son algúns dos temas que se recollen na web. 

Pincha na imaxe para acceder á web 

https://empregomontecelo.wixsite.com/emprego

https://empregomontecelo.wixsite.com/emprego)">https://empregomontecelo.wixsite.com/emprego

Os departamentos de Orientación e de FOL colaboran na web "Emprego e formación"

 

Charlando sobre a importancia de crear unha marca persoal

Santiago Martínez, especialista en oratoria, visitou o noso centro o martes 20 de febreiro para impartir unha charla sobre a importancia de crear unha marca persoal para enfrontarnos ao mundo laboral. O alumnado do módulo de FOL dos 5 ciclos formativos que se imparten no noso centro asistiu e participou co diferentes preguntas sobre a temática.

Semana de torneo e recollida solidaria

Esta semana, dous grupos de alumnos están a por en marcha o seu proxecto efímero para o módulo de EIE. Salva, Miguel, Anxo, Estefanía, Moisés e Elías organizan o torneo "Fifa for fun" no que participarán unha veintena de alumnos co obxectivo de gañar a copa de campión. Por outra banda, Cristina, Fátima e Sara están a levar a cabo unha recollida solidaria de alimentos, revistas e libros e a cambio da participación regalan unha piruleta. Parabéns aos dous grupos por poñer en marcha os dous proxectos.

 

Finanzas para mortais

O xoves 25 de xaneiro e o 2 de febreiro, o alumnado de 2º curso dos ciclos formativos asiste ás conferencias tituladas "Como labrarme un futuro?" dentro do programa Finanzas para mortais. O relator, Miguel Albaladejo, explica as diferenzas entre ser asalariado e autónomo e as distintas formas de financiamento para autoempregarse.

Peludos invisibles: proxecto solidario

Fabián, María e Raquel cumpriron os obxectivos do seu proxecto efímero titulado "Peludos invisibles" vendendo os 100 chaveiros cun fin solidario: doar as ganancias á protectora canina de Sanxenxo. O proxecto estaba programado para a semana do 15 ao 19 de xaneiro, pero en dous días lograron vender todo. Parabéns emprendedores!

En busca do emprendemento

Comezamos o segundo trimestre "emprendendo". O alumnado do módulo de Empresa e iniciativa emprendedora compartiu dúas sesións con expertos no mundo da empresa para profundizar no concepto do emprendemento.

O xoves 11 de xaneiro, o técnico do IGAPE Enrique Armesto e o socio fundador da empresa "Mediación móvil" Ignacio Fernández charlaron sobre a opción do autoemprendemento.

O luns 15 de xaneiro, Teresa Balado, asesora de "espazo coop" charlou sobre a formación de sociedades cooperativas.