Peludos invisibles: proxecto solidario

Fabián, María e Raquel cumpriron os obxectivos do seu proxecto efímero titulado "Peludos invisibles" vendendo os 100 chaveiros cun fin solidario: doar as ganancias á protectora canina de Sanxenxo. O proxecto estaba programado para a semana do 15 ao 19 de xaneiro, pero en dous días lograron vender todo. Parabéns emprendedores!

En busca do emprendemento

Comezamos o segundo trimestre "emprendendo". O alumnado do módulo de Empresa e iniciativa emprendedora compartiu dúas sesións con expertos no mundo da empresa para profundizar no concepto do emprendemento.

O xoves 11 de xaneiro, o técnico do IGAPE Enrique Armesto e o socio fundador da empresa "Mediación móvil" Ignacio Fernández charlaron sobre a opción do autoemprendemento.

O luns 15 de xaneiro, Teresa Balado, asesora de "espazo coop" charlou sobre a formación de sociedades cooperativas.

Última chamada para participar na edición da revista do centro

Aínda estás a tempo de participar na edición da revista do centro deste curso. Anímate a participar cun escrito, fotografías, entrevistas,... ou o que queiras. O prazo está aberto ata finais de xaneiro

Proxectos efímeros 2018

Despois dun primeiro trimestre ideando e planificando un proxecto efímero para realizar no centro, este mes de xaneiro comeza a súa posta en marcha. Os proxectos efímeros están ideados polo alumnado de 2º curso dos ciclos formativos para o módulo de Empresa e iniciativa emprendedora.  Esperamos a vosa participación nas distintas actividades, concursos, torneos, etc. que terán lugar na sesión do recreo. 

 

Felices festas

Autor: Alexandre Martínez Pérez (ciclo medio de Preimpresión dixital). Gañador do concurso de postais navideñas. 

De Erasmus a Verona

A alumna Helena Pazos trasládase a Verona, entre o 8 de xaneiro e o 30 de maio, para realizar as prácticas de ciclo de Preimpresión dixital nunha empresa de Artes Gráficas dentro de programa europeo KA102. Desexámoslle unha feliz experiencia. @ERASMUS+

Listaxes definitivas dos programas europeos

Publicadas as listaxes definitivas do alumnado solicitante de Programas Europeos:

Lista definitiva de ciclos medios

Lista definitiva de ciclos superiores

Mobilidade Erasmus+ KA107 en Bosnia

A Universidade Visoka Skola (Bosnia) recibe a visita dun grupo de docentes de Galicia  que está a realizar un programa de mobilidade Erasmus+ KA107 para tratar as relacións comerciais entre Galicia e Bosnia. Francisco Palos, docente da familia profesional de Artes Gráficas, representa ao noso centro nesta visita. @ERASMUS+

 

Listaxes provisionais dos programas europeos

Publicadas as listaxes provisionais do alumnado solicitante de Programas Europeos:

Lista provisional de ciclos medios

Lista provisional de ciclos superiores

Decoración do centro con motivo do Nadal

O alumnado de 2º da FP básica de Agroxardinería e composicións florais está a realizar estes días unha actividade para decorar os corredores e zonas comúns do centro con motivo do Nadal.

Tamén, o Equipo de Normalización Lingüística convou o tradicional concurso de deseño de postais de felicitación de festas con data límite de entrega o día 15 de decembro ás 11.30 horas.