O músico Iván Pérez visita o noso centro

O vindeiro día 20 o músico Iván Pérez membro do grupo True Mountains virá de visita o IES Montecelo para intercambiar opinións sobre música e cultura en xeral co alumnado de FP básica do centro.

Ademáis, Pérez ofrecerá un concerto no centro onde poderemos deleitarnos co seu carisma e paixón escoitando os seus temas, entre os que se inclúe "No hay perdedor", cuxa letra foi escrita por Gabriel Jesús Molina Medina, alumno de 1° de FP básica de Artes Gráficas do IES Montecelo, no marco dun concurso de poesía do módulo de Comunicación e Sociedade.

 

Primeiro número de Montesfera, o periódico estudantil da FP Básica do IES Montecelo

Sae o primeiro número do periódico Montesfera que será o medio  de expresión do alumnado de FP básica. Nel inclúense artigos de fondo e de opinión sobre temas que lles preocupan, tales coma o uso das drogas, o aborto, a educación sexual e a mesmísima FP Básica.
Tamén mostran os seus gustos, preferencias e coñecemento mediante mini reportaxes sobre temas de índole diversa cos que as lectoras poidamos aprender cousas novas. Por exemplo sobre o Mushin, o Jeet Kun Do ou a República Dominicana.
Ademais este número inclúe o poema gañador de Gabriel Jesús Molina Medina alumno de 1° de FP básica. Poema que será musicado polo artista Iván Pérez alma do grupo True Mountains que en breve ofrecerá un concerto no noso centro.

De excursión a Soutomaior

Este mes de maio, o alumnado de FP básica disfrutou dun día cultural visitando Soutomaior.

Os proxectos Climobil Solar e Memorflex visitan Vilalonga

Os  proxectos de innovación do noso alumnado de FPB Climobil Solar e Seguridade Memorflex no VIII FORO DA INNOVACIÓN DO AUTOMÓBIL DE VILALONGA

 

Vémonos no FP Innova!

O proxecto Permacultura entra na fase final de exposición no FP Innova 2019, que se celebra na Cidade da cultura do 8 ao 10 de maio.

 

Vídeo presentación do proxecto Memorflex

Presentación de MEMORFLEX, o proxecto de innovación que participa en Proxecto Innova, realizado polo alumnado de FP Básica de Mantemento de vehículos

 

Seguimos "Intercambiando experiencias"

Como continuación do programa “Intercambiando experiencias”, o pasado 27 de marzo o grupo de 1º curso de ciclo básico de Peiteado e Estética visitou, xunto coa súa titora e a orientadora, as instalacións do CEE Pontevedra, onde foi recibido polo equipo directivo e un numero grupo de alumnos que están a cursar os programas adaptados de formación profesional.

Despois dunha actividade de presentación grupal no xardín, visitaron os tres talleres onde desenvolven os programas formativos: xardinaría, restauración e artes gráficas, e os propios alumnos explicaron qué aprendizaxes están a acadar, qué proxectos teñen cara o futuro e amosaron algúns dos seus traballos.

Con esta visita estreitáronse aínda máis os lazos de amizade entre o alumnado e ámbolos dous centros, e xa estamos desexando compartir outra nova xornada.

Mercadillo de plantas

Os días 1 e 2 de abril, o alumnado de FP básica está a organizar un mercadillo de plantas na entrada do centro.

Proxecto Permacultura: segue os seus avances no seu Instagram

O proxecto de innovación Permacultura que está desenvolvendo a familia profesional de Agraria xa ten instagram para seguir os seus avances!  @proxecto_permacultura

 

Pulseras lilas: un proxecto para darlle voz ás mulleres

Sara, María e Julia, alumnas de 2º do ciclo medio de Farmacia e Parafarmacia, organizaron o proxecto "Pulseras lilas" coa idea de concienciar sobre a igualdade de mullleres e homes. Ao longo de dous días repartiron pulseras lilas entre os membros da comunidade educativa, recopilaron frases/ideas dos participantes e remataron cunha fotografía de todos amosando as pulseras lilas.

Parabéns pola iniciativa e polo éxito do proxecto!