Normalización

O alumnado do IES Monte Castelo,  participou no maratón que organizou a delegación de cultura do Concello de Burela,  coa finalidade de fomentar a lectura de textos en galego.

NORMALIZACIÓN LINGUÍSTICA  colabora na tradución de haikus ao galego na exposición que fixeron os departamentos de artes e biblioteca.

O alumnado de 4º da ESO segue a visitar as institucións gobernamentais coa finalidade de coñecer o seu funcionamento. Despois de visitar o Congreso de Deputados desprázanse a Santiago para coñecer o Parlamento de Galicia.

Aproveitaron esta saída para visitar outros lugares de interese : Museo  do Pobo Galego, Cidade da cultura ...

A Vicepresidenta Segunda da Deputación, Lara Méndez, recibiu 
no Pazo de San Marcos a 40 alumnos de 3º e 4º da ESO do colexio Monte
Castelo de Burela logo de que os rapaces se interesasen por coñecer a
actividade que está a desenvolver o organismo provincial

Os días 13,14 e 15  un
grupo de 29 alumnos de 2º de BAC acompañados de catro profesor@s (
Carme Cociña, Manuel Parga, Herminia Pernas e Nicole Somoza ) fixemos
unha visita cultural a Madrid.

O luns 13 visitamos  as Cortes, o Madrid dos Austrias e o dos Borbóns. Pernoctamos nun albergue xuvenil da rúa Mejía Lequerica.

O
martes 14 visitamos o Escorial pola mañá e o Museo do Prado e o xardín
Botánico pola tarde (aquí fixéronse dous grupos, os de Ciencias por un
lado e os de Humanidades e Ciencias Sociais polo outro).

Pola noite disfrutamos do último espectáculo de La Fura dels Baus : Degustación de Titus Andrónicus.

O mércores 15 visitamos os palacios de La Granja e Riofrío pola mañá. Pola tarde regresamos a Burela despois de pasear polo casco histórico de Segovia.

 

Na IV Conferencia Mundial sobre Mulleres, celebrada en
Beijing (China), en setembro de 1995, recoñécese que a violencia contr as
mulleres é un obstáculo para a igualdade, o desenvolvemento e a paz dos pobos,
impedidndo que as mulleres teñan os seus dereitos e liberdades fundamentais.

A violencia é un feito frecuente dentro das familias, nos
lugares de traballo, na escola e na sociedade en xeral.

Que entendemos por violencia de xénero? Segundo a
Declaración sobre a Eliminación da Violencia contra a Muller das Nacións Unidas
en 1994, a violencia de xénero ten que ver con todo tipo de violencia que se
exerce coas mulleres polo simple feito de selo, e inclúe malos tratos de
parella, agresións físicas ou sexuais de estraños, trato social denigrante,
culturización negativa da igualdade e un longo etcétera. Unha das claves
principais para erradicar a violencia de xénero está na educación en igualdade
xa que pode MODIFICAR actitudes, SENSIBILIZAR para desmarcarse de estereotipos
sexistas que sustentan a desigualdade; ESTABLECER formas alternativas que
fomenten o equilibrio de poder para IR CREANDO modelos nos que non se tolere a
violencia. Trátase de APRENDER A RECOÑECER as SITUACIÓNS NON IGUALITARIAS que
se producen dun xeito oculto e tan sutil   que fai que en moitos
casos sexa aceptada por moitas persoas.

LORENA ÁLVAREZ DOMÍNGUEZ, ex-alumna do IES  MONTE
CASTELO, licenciada en Filosofía e Letras, subcampeoa de España na modalidade
de Goshin Shobu ( Defensa Persoal), vai tratar de desmontar para nós os falsos mitos
que existen sobre a violencia de xénero ( só se dá en familias pobres,
marxinais, inmigrantes; non nos debemos inmiscir en asuntos de familia,
isto nunca nos vai suceder, "cando unha muller di non, quere dicir
si"...).

É un convite á reflexión para que nos cuestionemos a
educación recibida e para, deste xeito, poder cambiar o noso futuro.

Carme Cociña

Un ano máis o alumnado da ESO celebrou a festa popular do Magosto,  realizando actividades deportivas para rematar cunha degustación de castañas asadas.

Realizada o 20de outubro co alumnado de 4º ESOe 2º BAC. Os departamentos responsables foron o de CC.SS., Latín,  Ciencias Naturais e  Normalización Lingüística.
Escolleuse este nivel porque acaía moi ben como actividade interdisciplinar partindo dun enfoque filolóxico integrador para favorecer o uso das capacidades deductivas dos alumnos que foron adquiridas a través da resolución das tarefas a realizar.
Tendo en conta a paisaxe como obxectivo interdisciplinar, os seus obxectivos foron:
•    Descubir aos alumnos a pervivencia do mundo clásico no mundo actual: aspectos lingüísticos, históricos, económicos e medioambientais.
•    Comparar os cambios económicos aportados pola presenza romana coas transformacións da Revolución Industrial.
•    Comprender a influencia do Camiño de Santiago no devir da nosa historia.
•    Implicar ao alumnado na conciencia medioambiental.