Actividades

O último programa de "Igualdade e Saúde" centrouse na coeducación

"No día a dia reproducimos estereotipos machistas sen nos decatar porque vivimos nunha sociedade patriarcal; as familias, os medios de comunicación e tamén o sistema educativo contribúen a perpetualos. A incoherencia entre o que pensamos e o que facemos (curriculum oculto) delata o peso da socialización do que non somos conscientes, unha influencia tan sutil que resulta moi eficaz. Polo tanto hai que estar alerta, e para desvelar a desigualdade teremos que por os lentes violeta". Con estas palabras de Chis Oliveira e Amada Traba arrancan Paula García e Carlota Vicente o terceiro podcast do seu programa "Igualdade e Saúde", centrado na coeducación.

A entrevista fixéronlla a Carme Moure, profesora no IES Xelmírez I de Santiago, das materias de Igualdade de xénero (2º ESO) e Coeducación para o século XXI (1º BAC).

 

Reparto de froita

 

O  IES  do  Milladoiro  participa  un  ano máis  no  Plan  de consumo  de  froita  promovido  e  subvencionado  polo  FOGGA (Fondo  Galego de  Garantía  Agraria)  e  a  Unión Europea. Grazas  a  el  repartiremos  froita  fresca (plátanos  e mandarinas tendo  en  conta  a  necesidade  de  adaptación  ao  contexto  da  covid-19)  a partir  do  vindeiro  luns, día 1,  e  ata  o día  12  de  febreiro. O  obxectivo  preferente deste  plan  no   noso  centro  é  o  alumnado de  1º  e  2º de  ESO, que poderá  recoller  froita  no primeiro  recreo. No  segundo,   o  resto  poderá  tomar  a  froita  sobrante.

Esta  acción  responde  á preocupación  pola  saúde  do  alumnado  que  fixo  ao  noso  IES  merecedor  do  distintivo "SELO  DE  VIDA  SAUDABLE".

Novo podcast no MillaFalaDoiro. Programa Igualdade e Saúde

Xa temos a segunda entrega do programa Igualdade e Saúde.

Dirixido por Carlota Vicente e Paula García. Nesta ocasión trataron o tema das mulleres na física. A entrevista fixéronlla a Encina Calvo, profesora no grao de Enxeñaría química da USC.

Estade atentas e atentos que xa vai saír en breve o podcast seguinte deste programa.

Sistema de ventilación no IES

Desde  principios  do  mes  de  novembro estivemos  a  traballar para  determinar  o  ACH (taxa  de  renovación  de  aire) dos  distintos  espazos  do centro e  así  poder  dar cun  sistema  de  ventilación  que  permitira  certo  grao  de  confort. Neste  documento dáse  conta  de  como  foi todo o proceso, así  como  das  súas  conclusións.

Programa "Igualdade e Saúde". Podcast 1

Hoxe, 25 de novembro, Paula García e Carlota Vicente estrean programa na Radio MillaFalaDoiro, a radio do IES do Milladoiro. Chámanlle Igualdade e Saúde e van tratar de todos os temas arredor da Igualdade de Xénero.

Neste primeiro programa entrevistaron a Luisa Feijoo, Concelleira de Benestar Social de Ames.

 

Os obxectivos do desenvolvemento sostible. Exposición

 

 

 

 

O  centro  acolle  desde hoxe  e  ata  o  día  21  de  xaneiro  a  exposición Os  obxectivos  do Desenvolvemento  Sostible. Un  camiño para  acabar  coa pobreza  e  as  desigualdades  alá  e  acolá.  A  exposición    está  organizada  polo  Fondo  Galego  de  Cooperación e Solidariedade;  chega  ao noso  centro   grazas  aos  Servizos  Sociais  do  Concello.

Escalada en rocódromo

O  pasado  19 de novembro  o  alumnado  de  2º  de  ESO dos grupos  C, D e E puideron  practicar  a  escalada  en rocódromo. A  actividade  foi  levada  a  cabo polo departamento de  Educación  Física.

                                         

Escalada en rocódromo

O  martes  12  o  alumnado de  2º  ESO A  e  2º  ESO B puido  practicar  a  escalada  en  rocódromo. A  actividade  foi  organizada polo  departamento  de  Educación  Física. Os  restantes  grupos  de  2º  levarán  a cabo a   actividade  o  día 19  de  novembro.

 

                                        

Reparto de froita

 

O IES do Milladoiro participa un  curso  máis no "Plan de consumo de froita" promovido e subvencionado polo FOGGA (Fondo Galego de Garantía Agraria) e a Unión Europea. Grazas a el, repartiremos froita fresca de xeito gratuíto en diversos períodos ao longo do curso, o primeiro deles do 4 ao 15 de novembro. O obxectivo preferente deste plan no noso centro é o alumnado de 1º e 2º  ESO, que poderá recoller a froita no primeiro recreo. No segundo, o resto do alumnado poderá recoller a froita sobrante.

 

Esta acción responde á preocupación pola saúde do alumnado que fixo ao IES do Milladoiro merecedor do distintivo  "SELO DE VIDA SAUDABLE".

 

 

Reparto de froita

O IES do Milladoiro participa no "Plan de consumo de froita" promovido e subvencionado polo FOGGA (Fondo Galego de Garantía Agraria) e a Unión Europea. Grazas a el, repartiremos froita fresca de xeito gratuíto, por segunda vez no curso, entre o 1 e o 12 de abril.

Obradoiro de prevención de condutas adictivas: reunión coas familias.

O martes 18 ás 18:30, no salón de actos do IES do Milladoiro, a psicóloga Belén Montesa dará a coñecer ás familias do alumnado de 2º e 4º de ESO o informe realizado tras o "Obradoiro de prevención de condutas adictivas" levado a cabo nestes cursos coa colaboración do Concello de Ames.

Obradoiro de relacións igualitarias

Dentro das actividades organizadas arredor do 25 de novembro, Día internacional para a non violencia contra a muller, o departamento de Orientación do noso centro organizou un "Obradoiro de relacións igualitarias" para 4º ESO, realizado por membros da ACPP (Asemblea de Cooperación pola Paz). Por indisposición da ponente, o venres 30 de novembro só puido realizarse con 4º ESO A. Os restantes grupos participarán neste obradoiro en canto sexa posible.

Segunda sesión do EPD_Lab

Continúa a andaina neste curso do Laboratorio de educación para o desenvolvemento que AGARESO (Asociación Galega de Reporteiros Solidarios) leva a cabo no noso centro, este ano con 2º ESO D.

Obradoiro de igualdade e convivencia positiva

Dentro das actividades celebradas no IES do Milladoiro para conmemorar o 25 de novembro, Día internacional para a non violencia contra a muller, o venres 23 tivo lugar un Obradoiro de igualdade e convivencia positiva promovido polo CIM do Concello de Ames.

Plan de consumo de froita

O IES do Milladoiro participa no "Plan de consumo de froita" promovido e subvencionado polo FOGGA (Fondo Galego de Garantía Agraria) e a Unión Europea. Grazas a el, repartiremos froita fresca de xeito gratuíto en diversos períodos ao longo do curso, o primeiro deles do 19 ao 30 de novembro.

Prevención de condutas adictivas no ámbito escolar - 1º de Bacharelato

O IES do Milladoiro, en colaboración co Concello de Ames, vai desenvolver neste curso un programa de prevención de condutas adictivas en 1º de Bacharelato.

Convócase as familias do alumnado de 1º de Bacharelato a dúas reunións informativas no Salón de actos do IES do Milladoiro:

  • 1ª reunión, previa ao traballo co alumnado: martes, 13 de marzo, ás 18:30. 
  • 2ª reunión, posterior ao traballo co alumnado: martes, 2 de abril, ás 18:30.

Saída ao rocódromo

O alumnado de 2º de ESO tivo a oportunidade de participar nunha actividade de escalada en rocódromo organizada polo departamento de Educación Física.

Rocódromo

Obradoiro sobre sexualidade e relacións coercitivas

A partir do xoves 22 de febreiro, o alumnado de 3º de ESO participará nas horas de titoría no obradorio "Sexualidade e relacións coercitivas" impartido por IGASEX3.

Fotos da saída a Andorra

Saída a Andorra-1

Galería fotográfica:  parte II, parte III e parte IV.

Obradoiro "O BO TRATO"

O Centro de Información á Muller  (CIM) do concello de Ames leva a cabo no noso centro o obradoiro O bo trato desde o luns 23 de xaneiro. Está conformado por catro sesións: dúas impartidas pola formadora especializada en educación emocional, Aixa Permuy, e outras dúas impartidas polas titoras e titores de cada grupo. Dirixido ao alumnado de 1º da ESO dos centros de educación secundaria amesáns, o obradoiro busca ser un espazo de reflexión sobre as maneiras nas que as mozas e mozos viven as súas relacións persoais no día a día.

Distribuir contido