Skip to Content

Complementarias

O TSEASD RECIBE Á ASOCIACIÓN AMENCER

Varios membbos da asociación AMENCER que traballa con persoas que padecen parálise cerebral viñeron ao noso instituto para compartir un tempo de lecer co alumnado do ciclo superior TSEASD o 26 de novembro de 2019.

25 DE NOVEMBRO: EN LOITA CONTRA A VIOLENCIA DE XÉNERO

Manifesto 25N redactado por Natalia Lema, Carmen Martínez e Eva Soto de 2º de Bacharelato para ler no Auditorio Municipal, no acto colectivo de todos os centros do concello, e máis no vestíbulo do centro no segundo recreo.

Performance en memoria das 52 vítimas da violencia machista no que vai de 2019, a cargo do alumnado de 2º ESO, realizada no vestíbulo do centro no segundo recreo.

Manifesto 25 N


De negro. Hoxe, como cada 25 de novembro, vestimos de negro. Hoxe xuntámonos, de negro (tódolos centros educativos de Vilagarcía) para denunciar a violencia que sufrimos mulleres e nenas en todo o mundo. E para berrar claro e moi alto a nosa liberdade.

As estatísticas a nivel mundial son estremecedoras (nenas sen dereito á educación, mulleres queimadas, mutiladas, asasinadas, obrigadas a casar, a prostituirse…). No estado español increméntase o número de violacións,  de asasinatos de mulleres por parte de exparellas ou parellas, de secuestros para o negocio da prostitución, etc..
Nun estado que se di democrático e que celebra con pompa os aniversarios da súa Constitución,  esas cifras producen vergoña.  Queremos berrar que non é democrático ningún lugar onde a xustiza sexa patriarcal, onde exista fenda salarial entre homes e mulleres e, sobre todo, onde decisións como  a de iniciar e romper  unha relación ou pasear e divertirse de noite, ou dispoñer e decidir sobre o propio corpo sexan privilexios duns e non DEREITOS de todas e todos.

Por iso queremos unir o noso berro ao das mulleres que nos precederon, todas as nosas avoas,  todas  as científicas ignoradas, as filósofas, as artistas, as escritoras silenciadas, as bruxas queimadas, as amas de casa invisibles,  ao de todas as mulleres insultadas, explotadas, prostituidas, maltratadas ou  asasinadas.

Aínda que o patriarcado se empeñe en dividirnos e educarnos para ser rivais, todas debemos unirnos nesta loita, como irmás e amigas e animar para que se sumen ás nosas rivindicacións os nosos amigos e compañeiros. Quen quere quedar fóra da loita polo que é simplemente  XUSTO?

En tódalas épocas históricas alguén soñou con cambiar o mundo. As utopías parecen imposibles mentres o son. Nós queremos un mundo de liberdade, de cooperación, de axuda e coidados mutuos, non este mundo de competitividade e rivalidade no que as mulleres temos que denunciar, aprender a desconfiar, aprender a protexernos. Como di a a nosa poeta Ana Romaní  “Non queremos un sitio, queremos outro lugar”.

Por iso (desde este auditorio e)  subliñándoo en NEGRO, berramos a nosa dignidade.

Por mundo EN IGUALDADE E sen VIOLENCIAS.

                                                                                          Natalia Lema Álvarez
                                                                                  Carmen Martínez Caramés
                                                                                                Eva Soto Dorado

                                                                                                            2º Bach

O CICLO TSEASD COA ASOCIACIÓN CON ELES

No marco da colaboración establecida entre o ciclo superior TSEASD e a asociación Con eles houbo un primeiro contacto para preparar as actividades de Marzo sen Fronteiras deste ano. Aquí queda como testemuña este vídeo.

O CICLO SUPERIOR VISITA O SAIAR

O xoves 14 de novembro de 2019 os profes que dirixen o proxecto MARZO SEN FRONTEIRAS e o alumnado de segundo TSEASD que o fai posible, fomos pasar unha mañà ao centro ocupacional SAIAR onde nos explicaron como funcionan os obradoiros de cestería, mobles, xardineria e encadernación. Estivemos toda a mañá con eles e os seus labores.
O proposito foi coñecelos para adaptar as actividades que se levarán a cabo este ano no evento o 11 de marzo en Fexdega. Pasámolo en grande e traballamos un montón. O video é o fiel reflexo diso.

ENCONTROS DAS LECTORAS E LECTORES DO COLE E DO INSTITUTO DE CARRIL

Rapazas e rapaces de 2ºESO que forman parte do clube de lectura "Tira da Páxina" do noso instituto tiveron un encontro coas lectoras e lectores máis peques do colexio do Carril que forman parte do clube de lectura "Os lóstregos". Houbo lecturas compartidas ao longo de dúas sesións e o público, esixente como era de esperar, non deu queixa. Parabéns!

O CICLO SUPERIOR TEN UNHA XORNADA COS MAIORES

Día 7 de novembro - concello de Sanxenxo - Pavillion de Baltar

O grupo de segundo do ciclo superior TSEASD traballou con persoas da terceira idade e co técnico especialista en actividades físicas nestas idades: Nacho Rebollo para o módulo de "Actividades Físicas para a inclusion social". Queremos agradecer  a todos eles, tecnico e usuarios, que nos permitiran traballar conxuntamente

1º E 2º DO CICLO SUPERIOR FIXERON ACCROBRANCHE

 
Para aumentar as imaxes fai clic en cada foto
 
Esta actividade multiaventura para os dous cursos do Ciclo Superior  foi realizada no Ecoparque de Marín o día 8 de outubro. A actividade está composta de circuitos suspendidos a diferentes alturas e dotados dun número variable de xoogos de diversa dificultade e con tirolinas de ate 120 metros.
 
 

O CICLO SUPERIOR FAI PAINTBALL

O  28 de outubro o alumnado de 2 curso do ciclo superior TSEASD realizou no concello de Caldas Reis no Campo do Lobo unha sesión de Paintball. A práctica desta actividade pertence aos módulos de "Dinamización grupal" e ao de "Actividades de lecer e tempo libre". Como mostra desta actividade quedan estas fotos.
 Preme en cada imaxe para ampliar

XORNADA DE CONTACONTOS EN FRANCÉS

 VER ALBUM DE FOTOS

Fantástica e divertida sesón de contacontos titulada "Conta comigo" na que o alumnado de 1º e 2º da ESO puido seguir as historias tradicionais contadas ao redor do lume e que transmiten os saberes ancestrais dos pobos africanos.

Esta é a presentación do contacontos:

 

 

 

 

Me llamo Samuel Mountoumnjou. Nací en Foumban, una ciudad del oeste de Camerún que sigue conservando muchos elementos de su cultura y de sus tradiciones. En ese contexto me crié, aprendiendo el bamoun, mi lengua materna. Pasando los años, aprendí a apreciar las metáforas y la poesía de ese idioma así como la riqueza literaria y cultural de sus relatos. Escuchando a mi mamá hablar o contar, y a muchas personas mayores del pueblo también, sentí nacer y crecer en mí la pasión por los cuentos y, siendo aún adolescente, me inicié en la narración.

ANDAINA POLA ILLA DE AROUSA DO ALUMNADO DE 1º E 2º DO CICLO SUPERIOR

Coma todos os anos, o alumnado de primeiro (AF) e segundo (TSEASD) de ciclo superior xunto co profesorado fixo unha andaina de 18 km. pola Illa de Arousa.
 
Durante a andaina fixeron uns xogos de dinamización grupal para romper o xeo entre os/as membros dos grupos. Estes xogos foron deseñados e preparados polo alumnado de 2º como parte da súa preparación profesional.
 
 Para aumentar/descargar fai clic na imaxe
 

 
 
 
Distribuir contido


by Dr. Radut