Skip to Content

O ALUMNADO DE FRANCÉS CELEBRA A FESTA DA"CHANDELEUR"

Cada 2 de febreiro celébrase a festa da Chandeleur en Francia (a Candelaria en España). Esta festa inicialmente de orixe relixiosa foise volvendo pouco a pouco unha xornada na que as familias se xuntan a facer e comer crêpes.

O alumnado de francés tamén preparou o amoado e probou a elaborar por si mesmo a súa propria crêpe. O arrecendo era incrible e as crêpes estaban deliciosas. Podedes ver aquí o album de fotos.

ALBUM DE FOTOS

UNHA CLASE DIFERENTE PARA O TSAAFD

O 2 de febreiro ás 8 da mañá o alumnado de 1º do ciclo superior TSAAFD tivo unha clase diferente. Utilizando materiais de esvaramento non habituais o alumnado estivo traballando o equilibrio nas aulas de patinaxe. "Moi divertido e enriquecedor" - afirmou profesorado e alumnado. Velaí quedan estas imaxes testemuñas da actividade.

VER ALBUM DE FOTOS

ENCONTRO DE 2º DA ESO CON VARIOS EX-PARLAMENTARIOS GALEGOS

Polo Día da Paz, que se celebra o 30 de xaneiro, catro ex-deputados da nosa comunidade autónoma viñeron ao instituto de Carril para explicar o funcionamento do parlamento de Galicia , institución fundamental do noso sistema democrático. 

Os nosos visitantes de honra, Rosa Oubiña Solla (PP de G), Xulio Pardellas de Blas (PS de G), Francisco Durán Trigo (BNG) e Juan Manuel Fajardo Recouso (Alternativa Galega de Esquerdas), tiveron tamén tempo para responder ás preguntas do alumnado que amosou un gran interese.

A actividade estivo organizada por Bibliomalveiras e mais o profesorado da materia de CC.SS. e de Oratoria para amosar ao alumnado un exemplo de resolución de conflictos mediante o debate e a toma de decisións consensuada sen recurrir nunca á violencia.

Para obter información detallada desta actividade podes visitar o blogue de Bibliomalveiras.

Xulio Pardellas Juan Manuel Fajardo Rosa Oubiña Francisco Durán

SEMANA BRANCA 2018

Xa está á vosa disposición o album de fotos da "Semana branca" do 2018.

  • Alumnado:  TSAAFD.
  • Datas:        Do 20 ao 27 de xaneiro do 2018.
  • Lugar:        Estación de GrandValira,  Andorra

VER ÁLBUM DE FOTOS

CHARLA PARA O TSAAFD DA DIRECTORA DO CENTRO "BATA"

O alumnado do TSAAFD asistíu hoxe, 30 de xaneiro, a unha charla de YOLANDA HERAS, directora de BATA. Este centro ten como obxectivo mellorar a calidade de vida das persoas cons transtornos do espectro autista (TDH) e das súas familias.
 VER ALBUM DE FOTOS
 
Desde hai anos colabora co ciclo nos  módulos de segundo curso:  Actividades Fìsicas para persoas con Discapacidade e  Proxecto Integrado .  Ademais participa no evento MARZO SEN FRONTEIRAS, xunto cos otros catro centros de educaciòn especial. E todos eles e nós, co proxecto MARZO SEN FRONTEIRAS, temos como obxectivo promover a inclusiòn desta persoas con discapacidade como cidadáns de pleno dereito nunha sociedade xusta e solidaria. Este ano estamos traballando desde principio de curso nese proxecto para o que xa temos data e lugar: o 21 de marzo en Fexdega.
(Preme nas imaxes para amplialas)
 

CHARLA SOBRE PATENTES PARA O ALUMNADO DE ECONOMÍA

Juan Manuel Garrido profesor de enxeñería química da Universidade de Santiago de Compostela deunos unha charla sobre patentes. Como investigador, el e o seu equipo patentaron un dispositivo para extraer fósforo das feces e orina humana. Ese fósforo é fundamental para os fertilizantes do campo. Esa investigación levouse á práctica e implementouse nunha pranta de extracción de fósforo que se atopa en Goián.

(Fai clic na imaxe para ampliala)

CHARLAS DE ORIENTACIÓN UNIVERSITARIA

 A Universidade de Santiago está desenvolvendo un programa chamado "A Ponte entre o Ensino Medio e a USC" para o curso 2017-2018. A primeira das actividades deste programa  é a das visitas aos Institutos e Centros de Formación Profesional para dar unha charla informativa. No noso a persoa encargada de facelo foi María Teresa Flores, profesora da Facultade de Física e colaboradora da USC neste programa.  

A charla estivo dirixida ao estudantado de 2º de Bacharelato e de 2º curso do Ciclo Formativo Superior. Todos e todas estiveron moi interesados/as pola información proporcionada e fixeron moitas preguntas, sobre todo os/as de Bacharelato. 

(clic nas imaxes para agrandalas)

QUERES CONSULTAR AS REVISTAS DO INSTITUTO DESDE 1988?

Por fin están disponibles para quen queira consultalas as revistas editadas polo alumnado do instituto desde a súa inauguración. Poderemos disfrutar do traballo xornalístico dos vosos pais, tios e coñecidos que pasaron polo instituto de Carril de dende 1988 ata a actualidade. Queres botar unha ollada?

       
 AGARRAME LA CHURRA (1995)  BULE-BULE (1994)  A GANCHA (2010-2013)  A GRAMALLEIRA (1988-1991)
       
 O BICHO (1990-1991)

 O CAPADOR DO POBO  (1990-97)

 O NOSO (2009)  REBELIÓN EN EL AULA (1992)

 

ORIENTACIÓN PROFESIONAL E UNIVERSITARIA

TSAAFD: SESIÓN DE CROSSFIT

Sesión de Crossfit  na instalación  de Old Metal CrossFit Vilagarcia para 1º TSAAFD.

(Preme na imaxe para agrandala)

VER ALBUM DE FOTOS

MARZO SEN FRONTEIRAS PREMIADO EN BRUXELAS

Hoxe, 24 de novembro de 2017, o noso centro educativo recibíu unha mención especial polo proxecto MARZO SEN FRONTEIRAS, realizado o curso pasado. O premio foi entregado aos autores do proxecto, Concepción Pérez Alonso e Luís Garrigós Villalba, en Bruxelas no transcurso da  European Vocational Skills Week.

Parabéns ao alumnado e ao profesorado do Ciclo Superior e a todos os centros participantes. 

(Podes facer clic sobre as imaxes para amplialas) 

   As imaxes recollen o diploma acreditativo da concesión do mesmo que ven asinado pola Comisaria europea de Emprego, Asuntos Sociais, Habilidades e Mobilidade Laboral, o momento da entrega do premio e aos dous profesores que foron a Bruxelas a recollelo.

Marzo sen fronteiras é un proxecto integrado no que o alumnado do Ciclo Superior de Actividades Físicas e Deportivas ten que configurar  as actividades a realizar todos os mércores do mes de marzo con diferentes colectivos de persoas con discapacidade da comarca do Salnés. Están a cargo non só do deseño e preparación das actividades senón tamén da busca de patrocinadores, do deseño dos cartaces, do catering e da monitorización de cada unha das sesións. É un traballo en grupo moi enriquecedor. A finalidade destas actividades é mellorar a calidade de vida destas persoas por medio dunha actividade física lúdica e estimulante.

Aquí podes ler a nova publicada pola Xunta :         


PRENSA

(Preme nas iconas)

             1    2  

                  


RADIO

 

 


RECEPCIÓN NO CONCELLO DE VILAGARCÍA :

    


Para ver imaxes do Marzo sen Fronteiras premiado podes facer clic nestas ligazóns ou visitar o album de fotos de outros cursos anteriores.

CONTRA A VIOLENCIA DE XÉNERO

O noso instituto, comprometido coa loita contra a violencia contra as mulleres, participou nunha marcha convocada polo concello de Vilagarcía e na que participaron  todos os centros da localidade. Aquí abaixo tendes unha imaxe do evento.

(Para aumentala, fai clic na imaxe)

Se premes na imaxe que está aquí abaixo podes ler o blogue sobre igualdade de xénero do alumnado de 1ºESO do noso centro educativo: 

Para ler a  nova na páxina do Concello preme na imaxe inferior:

CONTACONTOS EN FRANCÉS: "AFRIQUE CONTÉE"

Samuel Mountoumnjou, profesor e mediador intercultural, estivo de xira por Galicia na súa faceta de contacontos por segundo ano consecutivo. E tamén pasou polo noso centro educativo para deleitar ao alumnado de francés coas historias tradicionais africanas que el recibíu dos seus maiores. E por suposto a lingua utilizada foi o francés porque como xa sabemos, esta é a lingua oficial ou lingua de uso en moitos paises do mundo e sobre todo do continente africano.

Estes contos transmiten a sabiduría acumulada de xeración en xeración e que constitúen parte do valioso patrimonio inmaterial do pobo camerunés. Nesta ocasión os temas tratados nos contos foron a ingratitude, a astucia, a confianza en si mesmo ou as consecuencias da mentira. Os protagonistas son ás veces humanos e outras veces animais como crocodilos, avestruces, lebres ou monos. 

Velaí unhas imaxes do alumnado que asistíu ás sesións de contacontos adaptados de 1ºESO a 2º Bacharelato.

 (Para ampliar as imaxes, fai clic nelas)

 

SEMANA DA CIENCIA 2017: MARIA SALOMEA SKLODOWSKA

Outro fermosísimo retrato 
realizado polo alumnado
de Bacharelato Artístico.

A directora do instituto do Carril, Rosa Gómez,  presentou a semana da ciencia 2017 dedicada este curso a homenaxear a Maria Sklodowska-Curie.

Organizada e coordinada por Bibliomalveiras,  a semana comezou o 7 de novembro, día no que se celebra o 150 aniversario do nacemento desta gran científica. Varios elementos converxen nela: este ano celébrase o 150 aniversario do nacemento de Marie Curie, o instituto do Carril está ubicado na rúa Marie Curie,  e ademais o mes de novembro está dedicado á ciencia en galego en toda a rede de bibliotecas das escolas públicas de Galicia. 

Detrás das persoas que falan nos vídeos pódese apreciar o cartaz creado por alumnado do Bacharelato artístico e presentado pola súa profesora, Águeda.  Pola súa banda, a profesora de Lingua e Literatura Galega, Teresa Escariz, leu en voz alta a biografía de Marie Curie. Para completar o retrato desta muller senlleira e da súa época unha alumna de Bacharelato, Elena Rodríguez Ouviña,ofreceunos unha interpretación ao violín do Concerto nº2 de Henryk Wieniawsky.

(Para ampliar os vídeos, fai clic para reproducir e despois preme no logo de Youtube)

A axenda desta xornada de presentación estivo centrada na faceta máis íntima e persoal de Marie Curie cunha lectura pública de varios fragmentos do seu diario, escrito entre 1906  e 1907 que reflexa o dó polo pasamento do seu home, Pierre Curie. A lectura faise en varias linguas: o francés, lingua orixinal na que ela escribíu o texto, o galego, o castelán, o portugués, o euskera,  o alemán, o inglés, o italiano e por último o valenciano. Esa mesma tarde o un membro do departamento de Bioloxía e Xeoloxía, Xela, e máis un profesor que ata o ano pasado formou parte do mesmo departamento, Manuel Chouza, deron unha charla ao alumnado de ciencias de 3º, 4º da ESO e 1º e 2º Bacharelato co título Contra o ninguneo das mulleres científicas impúxose Marie Curie

                       

Durante esta mesma semana o alumnado de Cultura Científica de 4ºESO preparou unha charla destinada ao alumnado de 3ºESO sobre a contribución á ciencia de 18 mulleres científicas. Ademais de pasar polas aulas de 3ºESO deixaron as fichas destas 18 mulleres nunha exposición no primeiro andar do noso centro.

Podes seguir con máis detalle as actividades da semana das ciencias no blog de Bibliomalveiras premendo nas seguintes ligazóns:

CONCEDIDA A CARTA ERASMUS 2014-2020 AO NOSO INSTITUTO

A Comisión Europea ven de conceder ao IES Miguel Angel González Estévez a Carta Erasmus de Educación Superior 2014-2020. Toda a comunidade educativa verase favorecida por esta concesión, o que é motivo de satisfacción para todos nós. Queremos agradecer a todas as persoas implicadas neste proxecto o seu  esforzo para acadar esta Carta Erasmus que amplía as posibilidades de formación do noso alumnado. Parabéns a todos e todas.


Os centros de educación superior [...] deberán contar cunha Carta Erasmus de Educación Superior para solicitar e poder participar na mobilidade persoal vinculada á aprendizaxe e/ou na colaboración en materia de innovación e boas prácticas no marco do Programa.

http://www.sepie.es/

(Clic na imaxe para ampliar)

Distribuir contido


by Dr. Radut