CAMPAÑA DE DIVULGACIÓN DE DOAZÓN E TRANSPLANTE DE ÓRGANOS

Versión para impresora

Nas horas centrais da mañá do día 8 de novembro un médico e unha enfermeira da Oficina de Coordinación de Transplantes do SERGAS viñeron ao noso centro. Esta charla para o alumnado de Bacharelato promove a doazón de órganos e tecidos que tantas vidas ten salvado e poderá salvar no futuro.

O alumnado do ciclo superior tivo unha sesión organizada especificamente para eles polo departamento de Educación Física tanto polo interese que teñen para este colectivo todos os temas relacionados coa saúde como pola necesidade de espertar a súa solidariedade e salvar vidas.

Podedes acceder á edición electrónica de A vida o mellor agasallo. Preguntas arredor da doazón e do trasplante facendo clic neste título ou na portada do libro que está aquí abaixo. Trátase dun libro de preguntas e respostas que tenta resolver as dúbidas máis frecuentes sobre a doazón de órganos e tecidos editado en galego e en castelán pola Consellería de Sanidade e pola Oficina de Coordinación de Transplantes.