Skip to Content

Novas en Bibliomalveiras

QUERES CONSULTAR AS REVISTAS DO INSTITUTO DESDE 1988?

Por fin están disponibles para quen queira consultalas as revistas editadas polo alumnado do instituto desde a súa inauguración. Poderemos disfrutar do traballo xornalístico dos vosos pais, tios e coñecidos que pasaron polo instituto de Carril de dende 1988 ata a actualidade. Queres botar unha ollada?

       
 AGARRAME LA CHURRA (1995)  BULE-BULE (1994)  A GANCHA (2010-2013)  A GRAMALLEIRA (1988-1991)
       
 O BICHO (1990-1991)

 O CAPADOR DO POBO  (1990-97)

 O NOSO (2009)  REBELIÓN EN EL AULA (1992)

 

SEMANA DA CIENCIA 2017: MARIA SALOMEA SKLODOWSKA

Outro fermosísimo retrato 
realizado polo alumnado
de Bacharelato Artístico.

A directora do instituto do Carril, Rosa Gómez,  presentou a semana da ciencia 2017 dedicada este curso a homenaxear a Maria Sklodowska-Curie.

Organizada e coordinada por Bibliomalveiras,  a semana comezou o 7 de novembro, día no que se celebra o 150 aniversario do nacemento desta gran científica. Varios elementos converxen nela: este ano celébrase o 150 aniversario do nacemento de Marie Curie, o instituto do Carril está ubicado na rúa Marie Curie,  e ademais o mes de novembro está dedicado á ciencia en galego en toda a rede de bibliotecas das escolas públicas de Galicia. 

Detrás das persoas que falan nos vídeos pódese apreciar o cartaz creado por alumnado do Bacharelato artístico e presentado pola súa profesora, Águeda.  Pola súa banda, a profesora de Lingua e Literatura Galega, Teresa Escariz, leu en voz alta a biografía de Marie Curie. Para completar o retrato desta muller senlleira e da súa época unha alumna de Bacharelato, Elena Rodríguez Ouviña,ofreceunos unha interpretación ao violín do Concerto nº2 de Henryk Wieniawsky.

(Para ampliar os vídeos, fai clic para reproducir e despois preme no logo de Youtube)

A axenda desta xornada de presentación estivo centrada na faceta máis íntima e persoal de Marie Curie cunha lectura pública de varios fragmentos do seu diario, escrito entre 1906  e 1907 que reflexa o dó polo pasamento do seu home, Pierre Curie. A lectura faise en varias linguas: o francés, lingua orixinal na que ela escribíu o texto, o galego, o castelán, o portugués, o euskera,  o alemán, o inglés, o italiano e por último o valenciano. Esa mesma tarde o un membro do departamento de Bioloxía e Xeoloxía, Xela, e máis un profesor que ata o ano pasado formou parte do mesmo departamento, Manuel Chouza, deron unha charla ao alumnado de ciencias de 3º, 4º da ESO e 1º e 2º Bacharelato co título Contra o ninguneo das mulleres científicas impúxose Marie Curie

                       

Durante esta mesma semana o alumnado de Cultura Científica de 4ºESO preparou unha charla destinada ao alumnado de 3ºESO sobre a contribución á ciencia de 18 mulleres científicas. Ademais de pasar polas aulas de 3ºESO deixaron as fichas destas 18 mulleres nunha exposición no primeiro andar do noso centro.

Podes seguir con máis detalle as actividades da semana das ciencias no blog de Bibliomalveiras premendo nas seguintes ligazóns:

MARIE CURIE ENCHE BIBLIOMALVEIRAS DE CIENCIA

Con motivo do 150 aniversario do nacemento de Maria Salomea Sklodowska, coñecida como Marie Curie, Bibliomalveiras preparou moitas actividades para a dar a coñecer no noso centro educativo esta figura tan importante do ámbito científico. E non só desde a súa faceta científica da que se encargará profesorado e alumnado de ciencias senón tamén como ser humano a través da lectura do deu xornal íntimo e dunha exposición de documentos persoais.

Para mostra un botón:  velaí a fermosa imaxe do cartaz que luce na entrada do instituto realizado polo alumnado de Artes. Seguiremos atentos ás actividades desde o blog de Bibliomalveiras.

PRESENTACIÓN DO NOVO LIBRO DE ANTÓN BLANCO EN BIBLIOMALVEIRAS

O noso ex-alumno Antón Blanco pasou por Bibliomalveiras para responder ás preguntas dun equipo formado por alumnado de 1º de Bacharelato. E así foi como se desenvolveu a presentación do seu libro A oseira,  dun xeito dinámico e interesante. Aquí queda o vídeo da presentación para que todas as persoas interesadas que non puideron asistir.

Esta é a ligazón ao blog de Bibliomalveiras para obteren información máis polo miúdo.

 

ACTOS DO DÍA DA MULLER

Bibliomalveiras acolleu este mércores 8 de marzo de 2017  esta performance do alumnado de Música e Artes Escénicas a prol da muller e do seu legado en moitos casos menosprezado e case esquecido.

Testemuña desta homenaxe é a árbore chea de follas con reseñas da vida e obra de mulleres extraordinarias que todo o mundo pode ver e consultar en Bibliomalveiras.

Outra das iniciativas deste día foi a colocación nas escaleiras de fotocopias coas vidas de 100 mulleres galegas, unha publicación que a Xunta puxo á disposición de todo o mundo e que é un documento interesante para toda a sociedade galega.

Outra das catividades promovidas por Bibliomalveiras foi a participación de todo o alumnado nun concurso sobre mulleres excelentes en diferentes campos como a ciencia, as artes, a educación, a literatura, etc. O alumnado participou moi activamente no mesmo.

Ademais diso o noso centro educativo sumouse á iniciativa de gardar uns minutos de silencio polas 21 mulleres asasinadas a causa da violencia machista no que vai de ano. Unha alumna do centro leu un comunicado ao que todo o mundo pode expresar o seu acordo asinando nos taboleiros situados na entrada principal do instituto.

Para coñecer en detalle  estas e outras inciativas levadas a cabo no día da muller visitade o blog de Bibliomalveiras.

BOAS FESTAS!

 BIbliomalveiras quere desexarvos unhas felices festas:

O IES do Carril quere desexar a todo o mundo un 2017 cheo de éxitos e de bo traballo.

NADAL EN BIBLIOMALVEIRAS

Este ano Bibliomalveiras sorprendeunos cunha felicitación de Nadal ben especial chea de bós desexos.  Pola súa banda o club de lectura Tira da páxina tamén fixo a súa particular árbore de Nadal cunhas recomendacións de lectura para estas datas.

Podes ver máis recomendacións de lectura aquí , recomendacións de cine aquí e máis imaxes da biblioteca aquí. Asimesmo podedes seguir a evolución do encerado coa reflexión Antes de morrer quero... aquí

Para ampliar fai clic nas imaxes

 

 

 

 

 

 

 

 

 

 

 

 

 

 

 

O BACHARELATO ARTÍSTICO PASOU POLA BIBLIOTECA

Por segunda vez en pouco tempo, o alumnado de Bacharelato Artístico escolleu a Biblioteca escolar como o lugar idóneo para unha fermosa actuación que deixou a todo o mundo sorprendido. Sen queredes podedes ver as performances que xa están no blog de Bibliomalveiras. Neste vídeo podedes ver a actuación do día 2 de decembro.

O BACHARELATO ARTÍSTICO PASOU POLA BIBLIOTECA

Por segunda vez en pouco tempo, o alumnado de Bacharelato Artístico escolleu a Biblioteca escolar como o lugar idóneo para unha fermosa actuación que deixou a todo o mundo sorprendido. Sen queredes podedes ver as performances que xa están no blog de Bibliomalveiras. Neste vídeo podedes ver a actuación do día 2 de decembro.

O ESPAZO VERDE DO I.E.S. CARRIL

Con moita emoción por parte de alumnado e profesorado, presentouse oficialmente o libro O espazo verde do I.E.S Carril,  froito do esforzo combinado dun equipo formado por alumnado de 1ºESO do curso 2015-16, profesorado de Bioloxía, profesorado de Artes, dirección do centro e o equipo de biblioteca escolar. Son cincuenta páxinas destinadas sobre todo á utilización académica nas aulas de bioloxía pero tamén historia viva do noso centro educativo que toda persoa interesada pode consultar. Os asistentes ao acto de presentación puideron escoitar a algúns membros do equipo explicando en que consistíu a súa aportación. Para finalizar, os asistentes recitaron todos xuntos o himno á árbore e un poema de Cabanillas O carballo que aparece no poemario Da terra asoballada (Vilagarcía de Arousa, 1917).

VER GALERÍA DE FOTOS

Podedes atopar un exemplar de O espazo verde do I.E.S Carril en PDF listo para ler e/ou imprimir premendo na portada do libro ou no menú lateral publicacións. Premendo nos xornais podedes ler a nova na prensa de hoxe:    

       

       

Distribuir contido


by Dr. Radut