Skip to Content

COMEZA O PERIODO DE ADMISIÓN CURSO 2019-20

O alumnado matriculado nun centro docente que desexe cambiar a outro centro, o alumnado que pretenda continuar estudos nun centro de adscrición cando o número de prazas dispoñibles sexa inferior á demanda, e o alumnado que solicite posto escolar por primeira vez, presentará a solicitude que deberá axustarse ao modelo normalizado do anexo II da orde de modificación.

Para informarse axeitadamente é importante que consulte os seguintes documentos

Guía práctica paso a paso (NOVO)

Lexislación aplicable:

DOG nº 245 do 26/12/2012
DOG nº 53 do 15/03/2015
DOG nº 22 do 01/02/2017

ENTREGA DE PREMIOS DE "AMOR EN SEIS LINGUAS"

Fallados os premios do concurso Amor en seis linguas. Esta actividade de Dinamización lingüística desenvólvese nas seis linguas que se apenden no centro: castelán, francés, galego, gregro, inglés e latín.

PREMIOS:

Se queres ver a entrega de premios preme nesta imaxe:

Álbum: CURSO 2018-19 -> Amor en seis linguas

UN MAR DE ARTE

De peixe en peixe, aquí tedes un concurso organizado polo departamento de Plástica; o alumnado de 4ºESO foi quen de pintar uns peixes "á maneira de..." pintores moi famosos. Podes ver o album premendo na imaxe.

Álbum: CURSO 2018-19 -> Un mar de arte

AXUDAS PARA A FORMACIÓN EN LINGUAS ESTRANXEIRAS 2019

AXUDAS PARA A FORMACIÓN EN LINGUAS ESTRANXEIRAS 2019

Para ver as prazas disponibles preme na imaxe.

No Diario Oficial de Galicia (DOG) saíu publicada a ORDE do 4 de febreiro de 2019 pola que se convocan axudas para a realización de actividades de formación en linguas estranxeiras no ano 2019, destinadas ao alumnado dos centros docentes sostidos con fondos públicos, en réxime de concorrencia competitiva.

As solicitudes presentaranse preferiblemente por vía electrónica a través do formulario normalizado dispoñible na sede electrónica da Xunta de Galicia, https://sede.xunta.gal no prazo comprendido entre o 21 de febreiro e o 20 de marzo de 2019.

O contido desta orde e a información complementaria atoparase na páxina da internet http://www.edu.xunta.es/axudasle

AGARIMOSA ACOLLIDA DA NOSA CAMPEOA DO MUNDO DE PESCA MAR-COSTA

O martes 19 de febreiro incorporouse ás clases a profesora de francés Rosa López. Estivo 15 días ausente con motivo da súa participación no mundial de pesca costa-mar celebrado en Sudáfrica do que volveu coa medalla de ouro na súa especialidade.

Nun dos recreos alumnado que forma parte de asociacións de música e baile tradicionais quixo agasallala interpretando para ela unhas pezas de gaita e percusión. Pola súa banda, a directora do centro, Rosa Gómez, tomou a palabra para expresar a admiración que todos sentimos non só pola fazaña deportiva conseguida senón tamén polas suas calidades como profesora e como persoa. 

       

Desde o Instituto de Carril desexámoslle moitos máis éxitos na súa carreira deportiva!

Escoita a entrevista que lle fixeron o día 19 de febreiro en Radio Arousa, no programa Hoy por Hoy:

                     

Para ler a nova na prensa podes facer clic nas imaxes: 

                                                

                              

                         

   

CHARLA SOBRE PARÁLISE CEREBRAL POLO DIRECTOR DO CENTRO AMENCER

Continuamos coa ronda de aprendizaxes dende a perspectiva dos expertos. Hoxe pola mañan, dende as 10.30h.ata as 12.30h. acompañounos na bibilioteca o psicólogo e director do centro Amencer Princesa Letizia,  David Carrera.
Falounos da parálise cerebral e de como tratala co fin de axudarnos a incorporalos do mellor xeito posible ao noso evento MARZO SEN FRONTEIRAS 2019, que se  celebrará o pròximo 27 de Marzo no Recinto Ferial Fexdega
 
Este ano é o segundo no que se incorporan  rapaces e adultos con parálise cerebral.Foi toda unha  aprendizaxe. Simplemente, temos que ver as súas capacidades, nunca as limitaciòns. Mariola, a acompañante de David este ano, foi todo un exemplo para nós. Moitisimas gracias aos dous e un pracer recibirvos no noso centro. 
 
Non só aprendimos deles senón que tamén nos decatamos das barreiras arquitectónicas que o noso centro ofrece para estas persoas.  Se queres ver  imaxes ampliadas do encontro podes ver o album de fotos. Se queres ver un pase de diapositivas  podes facer clic nesta imaxe:
Álbum: CICLO SUPERIOR (TSAAFD) -> Charla sobre a parálise cerebral

O ALUMNADO DO CICLO SUPERIOR REALIZOU UN CURSO DE RCP

Como todos os anos, este luns os profesionais sanitarios do Salnés acompañaronnos para o curso de RCP que capacita aos nosos alumnos para poder aplicar a RCP en caso de necesidade e coñecer o dispositivo DESA. Este curso é obrigatorio para todos aqueles que traballen nunha piscina e como socorristas.

De maneira altruista, dende hai 11 anos, veñen a impartir esta sesiòn cunha duración de 4 horas no que son avaliados tanto desde o punto de vista práctico como na teoría por medio dun exame teórico.

Este ano tiveron que vir tres médicos mais pois ao cambiar de ciclo,  a unidade formativa de primeiros auxilios,  pasa a ser de primeiro curso pero ainda temos o ciclo antigo onde aínda se imparte en segundo . Co cal tivemos 54 alumnos, 6 profesionais do Hospital (Julia Oubiña, Eugenio Pose, Sandra Martínez, Laura González, Carlos Pérez e Ángeles Castro Otero) e dous profesores axudantes : Luis e Conchi.

(Fonte: Canle Rías Baixas)

A nova no Faro de Vigo (clic na imaxe)

 

Ver album de fotos:

RADIOMALVEIRAS NO MES DE XANEIRO (Nº3)

Nesta nova edición falarán do día da paz, do taku zog ademais de percorrer as diferentes seccións: a otaku zone, o recuncho literario, o colectivo LGTB, o clube de lectura, os propósitos de aninovo e moitas outras cousas máis. Ademáis nesta edición participa unha nova colaboradora: Nuria Barreiro. 

CAPOEIRA BACANA PARA O CICLO SUPERIOR

Este martes día 5 de febreiro veu ao instituto un profesor de capoeira, Daniel,  que foi alumno do centro. Acompañouno Fabián, un discipulo. Deu dúas sesions moi dinamicas aos grupos do ciclo e foi unha gran experiencia para todos nós.
 
Esta actividade é unha formacion complementaria para o evento MARZO SEN FRONTEIRAS que se celebrará o 27 de MARZO en FEXDEGA xa que formará parte dunha das estacións.
 
Aquí quedan unhas imaxes da clase:se queres velas mellor fai clic aquí . Se prefires botar unha ollada rápida fai clic na imaxe para ver o álbum.
Álbum: CICLO SUPERIOR (TSAAFD) -> Capoeira Bacana 2019

Programa nº2 de Radiomalveiras

COUSAS DO NADAL

 
     Autor Radiomalveiras
Título Cousas do Nadal
2
Data Decembro 2018
Tipo Programa de radio

 

Contido do programa

  • [00:00] Presentación 
  • [00:50] Entrevista a Papá Noel
  • [08:00] Sección de chistes malos
  • [10:00] Equipo de investigación: A orixe do Nadal
  • [11:10] Receita de cociña: Bacallao con coliflor
  • [11:54] O colectivo LGBT
  • [14:00] Radioteatro: Medea de Eurípides
  • [23:30] Sección literaria: 
    • Yo, Simon, Homosapiens
    • Ciudades de papel
    • La ladrona de libros
    • Maravilloso desastre
  • [26:30] Concurso: completa a letra
  • [27:30] Receita de cociña: vieiras ao forno
  • [29:00] Despedida

 

SESIÓN DE CROSSFIT DO CICLO SUPERIOR (TSEASD)

O luns 10 de decembro os alumnos de 1º TSEASD  desenvolveron unha sesión práctica de Crossfit impartida polos técnicos Antia e Antón no centro Old Metal CrossFit de Vilagarcia  como parte da sua  formación no modulo de Valoración da Condición Física e Intervención en accidentes.

Podes ver o album aquí, premendo na foto ou na galegía de imaxes

Álbum: CICLO SUPERIOR (TSAAFD) -> Crossfit 2018

ELECCIÓNS AO CONSELLO ESCOLAR

Clic para ver/descargar o documento

III SEMANA DA CIENCIA: AS ERUPCIÓNS VOLCÁNICAS

No marco das actividades da III Semana da Ciencia, o alumnado de Ciencias de 4ºESO preparou unha presentación con maquetas para explicar como suceden as erupcións volcánicas.

III SEMANA DA CIENCIA: MATESCHEF

No contexto da III Semana da Ciencia, oa lumnado de matemáticas participou nun divertido concurso, MATESCHEF, no que tiñan que facer un pastel. Pra facelo tiñan que calcular cantidades e tempos. Mellor velo en vídeo.

2ª parte

Distribuir contido


by Dr. Radut