Skip to Content

TABOLEIRO DE ANUNCIOS

                                                                          

 

COMUNICADO DE DIRECCIÓN SOBRE O CAMBIO DE DENOMINACIÓN DO CENTRO

NOVOS HORARIOS 2º BACH (corrixido)

FONDO SOLIDARIO DE LIBROS E AXUDAS 22/23

NOTAS INFORMATIVAS FIN DE CURSO

PROTOCOLO COVID-19 (20/05/2022)

 

 ACTIVIDADES

                                                                          

RUTA DOS FAROS PARA O ALUMNADO DO CICLO E O DE 4ºESO

O martes día 3 de maio, o alumnado de 4º da ESO e máis o de 1º do ciclo técnico superior de AF realizaron parte dunha das rutas dos faros, a que vai dende Laxe a Camelle.

Unha ruta de aproximadamente 16 km para desfrutar da natureza e das fermosas vistas que temos nas nosas costas! Bonita experiencia!

Ademais toda a rapazada foi quen de realizar todo o percorrido!

Ver o album de fotos da xornada
 

OLIMPIADA GALEGA DE MATEMÁTICAS

O pasado xoves día 21 de abril tivo lugar en Pontevedra, no IES A Xunqueira 1, a fase de zona da Olimpiada Galega de Matemáticas para o alumnado de 2ºESO.
Do noso centro participaron @s seguintes alumn@s:

          Pablo Dasilva Gómez
          Mar Ameneiro Franco
          Joel Durán Mazorra
          Estela Tubío García.

A proba consistía en resolver cinco problemas, usando o razonamento e máis os contidos traballados na clase. O alumnado desfrutou moito desta experiencia, na que recibiron un diploma pola súa participación. Ben feito!!

Ver album de imaxes

DÍA DO LIBRO 2022

O alumnado de 1ºESO e 2ºESO xunto coa súa profesora de Lingua Galega, María Roma,  organizou unha exposición con motivo do Día do libro. Acompañando á foto da portada dos seus libros favoritos, cada alumno escribiu un pequeno resumo dos mesmos.

VER EXPOSICIÓN

VISITA A SANTIAGO DO ALUMNADO DE ARTES

Excursión a Santiago o 21 de abril para visitar parte do casco histórico e mercado de abastos de Santiago,o museo de arte contemporánea, CGAC ao que pertencen estas imaxes, e a Catedral.
O alumnado demostrou moito interés en todas os lugares visitados. Aprendimos a observar, e a xogar cos coñecementos que aprendimos na aula. Unha experiencia para repetir o próximo curso!

Ver o album de fotos da visita ao CGAC

CONCURSO DE CALIGRAMAS PARA CELEBRAR O DÍA DA POESÍA


1ºPremio:

Mortadelo e Filemón (o número 78) de Raúl Otero Diz 3ºESO C

2º Premio:

O número 32. Alba López González 1ºBAC C

3º Premio:

O número 69. Sandra Otero Fernández. 3ºESOB

Accesit:  

  •    O espello de Paula Ríos García de 1ºBAC C.
  •    O libro de Mariña Alonso Beloso 2ºESO B.
  •    Bob Espoja de Brais Lorenzo Iglesias. 3ºESO C.                  Ver os traballos premiados
  •    O corazón de Laura García Andújar de 3ºESO B.
  •    A rosa de Lucía Rodríguez Couto de 3ºESO A.

ENTREGA DE PREMIOS DO CONCURSO DE HAIKUS

Hoxe, día 30 de marzo de 2022, tivo lugar a entrega de premios do concurso de haikus para celebrar o Día da poesía co noso alumnado de 2ºESO, 3º ESO e 4ºESO no 2º trimestre. Un haiku é un tipo de poesía xaponesa que ten tres versos de cinco, sete e cinco sílabas, respectivamente.

Aqui temos o cadro de gañadores do concurso.  Parabéns para todas/os !

 Clic aquí para ver o álbum
1º premio 2º premio

Iria Torres Loureiro 2ºESO B

Mariña Alonso Beloso 2ºESO B

Xiyao Hu Zhu 2ºESO A

Yago Bouzada Sobrino 2ºESO A

Noa Santiago Falcón 4ºESO C

Alicia García Ramallal 4ºESO C

PARTICIPACIÓN NA NOVA EDICIÓN DO PARLAMENTO XOVE

Este ano celebrouse a 13 edición do certame Parlamento Xoven no que participou un grupo de alumnas do noso instituto acompañadas pola súa profesora de Historia, Teresa Rodríguez. Quedaron no 8º lugar, nunha edición na que pasaban 8 equipos dos 22 que foron. A nosa alumna Noa recibiu unha mención á mellor oradora.Parabéns para todo o grupo.

Para quen queira máis información sobre este certame pode consultar este sitio web.

O Parlamento Xove é unha competición na que os diversos equipos inscritos investigarán e debaterán sobre un tema formulado pola organización. A dificultade da actividade está en que só cinco minutos antes de cada encontro dialéctico procederase ao sorteo da postura a adoptar por cada equipo, ‘a favor’ ou ‘en contra’, en relación á cuestión formulada.

O obxectivo deste programa é potenciar as habilidades individuais e en grupo, entre as que destacan o desenvolvemento da capacidade de selección de información, a expresión escrita, a expresión oral, a orixinalidade, a argumentación razoada, o traballo en equipo ou a convivencia. Así mesmo, Parlamento Xove fomenta a lectura, a escritura, o emprego das novas tecnoloxías con fins informativos e culturais e o respecto polas ideas dos demais.

 

Preme sobre as fotos para agrandalas
 

 

ACTIVIDADES POLO 8 M, DÍA INTERNACIONAL DA MULLER

O grupo de igualdade do noso instituto programou varias actividades arredor do 8M, Día Internacional da Muller. Velaí a nota de prensa publicada para tal ocasión:

Informamos de que no marco da conmemoración do 8M o alumnado de 4º ESO e 1º de bacharelato do IES O Carril participou o venres 18 de marzo pola mañá nun encontro cos colectivos feministas “O Soño de Lilith” e “Feministas de Catoira” no auditorio municipal de Vilagarcía.

Daisy Alcalde e Alejandra Muñiz, representantes da asociación vilagarciana “O Soño de Lilith”, e Vanessa Pérez e Cristina Longo, voceiras de “Feministas de Catoira”, expuxeron a traxectoria das dúas asociacións, as súas motivacións e os obxectivos fundamentais do seu traballo para a concienciación a prol da igualdade e responderon ás preguntas dun alumnado que se amosou participativo e moi interesado. Explicaron e defenderon un feministo transversal onde a loita feminista vai da man da ecoloxía, do antirracismo e da defensa dos dereitos LGTBI+. Subliñaron, pois, a importancia de construír un mundo máis xusto sen opresións e no que as diferenzas non supoñan desiguais oportunidades, tratos ou dereitos.

 

Este acto veuse a sumar ás actividades que nesta semana organizou o grupo de Igualdade do instituto do Carril, que acolle neste momento a exposición da V Edición de Festivala: mulleres creando, facilitada pola asociación “O Soño de Lilith” coa colaboración do concello de Vilagarcía.

 

Entre outras actividades, o alumnado de 2º ESO tivo a oportunidade de coñecer o labor e as reivindicacións da asociación de mariscadoras “Amarcarril” da man de Inma Otero, Rita Vidal e Pupe Jueguen, que visitaron o centro o pasado xoves 17, achegando materiais divulgativos e mesmo ferramentas de traballo.

Os actos do 8M completaron o coñecemento da situación actual das mulleres coa análise da historia dos seus dereitos. Esta quere ser graficamente plasmada nun estudo do alumnado de 3º ESO, que está a elaborar a “Liña do tempo dos dereitos das mulleres” para reflectir o difícil camiño da reivindicación.

Para ver o album de fotos da exposición e dos encontros cos colectivos feministas e as representantes das mariscadoras de Amarcarril podes facer clic nas imaxes

     

NOVA EDICIÓN DO CONCURSO DE FOTOGRAFÍA MATEMÁTICA

Para descargar fai clic sobre a imaxe

XORNADA SOBRE XESTIÓN DE REFUGALLOS PARA 1º E 2º BACHARELATO DE FRANCÉS

No marco dun traballo sobre écoloxía e medioambiente, o alumnado de Francés de 1º e 2º de Bacharelato visitaron o xoves 17 de marzo pola mañá o Punto Limpo e os composteiros do Piñeiriño onde puideron coñecer de primeira man como se tratan ou reciclan os distintos tipos de residuos e como se transforman os orgánicos en compost.  Na visita ao Punto Limpo, o alumnado estivo acompañado polo xefe do servizo de Medioambiente do Concello, os mestres composteiros e o concelleiro de Obras e responsable do servizo de recollida de lixo e limpeza, Lino Mouriño.

Para ver o album de fotos, clic aquí

Fotografía: Facebook do Concello de Vilagarcía

ENCONTRO DO ALUMNADO DE 1ºESO COA ESCRITORA ANDREA MACEIRAS

Hoxe, 21 de marzo, celebrouse un encontro entre Andrea Maceiras, autora de A folla azul e as súas lectoras e os seus lectores de 1°ESO.

Ver album de fotos

CELEBRAMOS O DÍA DE ROSALÍA

O alumnado de 2ºESO fixo unha breve e apaixonante viaxe pola vida de Rosalía de Castro da man de Dani Barreiro, que combinou música e poesía co seu espectáculo “Rosalía en catro poema e catro cancións”.

Ver album de fotos do recital
 
O EDLG e o Departamento de Galego, coa axuda da nosa rapazada, elaboramos esta liña do tempo da vida e obra de Rosalía de Castro. Ver a liña de tempo
 

Chapas gañadoras no concurso celebrado con motivo do Día de Rosalía no noso instituto do Carril. Para ver máis clic en "album de fotos".

ALBUM DE FOTOS

GAÑADORAS/ES DO CONCURSO DE CARTAS DE AMOR EN CINCO LINGUAS

O 4 de marzo foi a entrega de premios  do concurso "Amor en cinco linguas"

Ver album de fotos da entrega de premios

CADRO DE HONRA

Inglés

  • Alba López González 1º BAC C
  • Alicia García Ramallal 4ºESO C
  • Xiyao Hu Zhu 2ºESO A

Lingua Castelá

 

  • Mauricio José Guldrís Peña 1ºESO C
  • Cristina dos Anjos dos Santos 4ºESO B
  • Paula Ríos García 1º BAC C

Latín

 

  • Ana Ponte Veloso, Brais Giménez Otero,Evelyn Freiría Conde, Marta Martínez Alfonsín, Miguel Ángel de la Torre Rodríguez, Nicol Lois Jiménez e Yasmim da Cruz (1ºBAC C)

Galego

 

  • María Jamardo Campos 1ºBAC B
  • Yago Bouzada Sobrino 2ºESO A
  • Antía Pilar Rodríguez Blanco 3º ESO C

Francés

 

  • Xiyao Hu Zhu 2ºESO A
  • Xián Moure Paz 3º ESO C
  • Belén Rey Correa 1º BAC B


Parabéns para todas/os !

ENTREGA DE PREMIOS DE POESÍA "XAQUINA TRILLO"

Aquí tedes as fotos da entrega de premios á nosa flamante gañadora do 3º Premio de poesía Xaquina Trillo convocado polo concello de Vilagarcía.

Ver album de fotos


    

ENTROIDO 2022

Este ano o Entroido veu cheo de forza e de cor. Aquí vos deixamos imaxes e vídeos da festa celebrada o 25 de febreiro. No concurso de disfraces os premios quedaron distribuídos como segue:

1ºPremio: 2ºESO B 2ºPremio : 2ºBAC C 3ºPremio: 1ºESO A
Accésit: 1ºBAC B

Accésit: 3ºESO A

Accésit: 4ºESOC

Para ver as fotos en grande fai clic aquí

 

Distribuir contido


by Dr. Radut