Ciencias Naturais, Ciencias Sociais, Cultura Clásica, Economía, Educación Física, Educación Plástica, Filosofía, Física e Química, Grego, Latín, Lingua Española, Lingua Francesa, Lingua Galega, Lingua Inglesa, Lingua Portuguesa, Linguas clásicas, Madeira, Matemáticas, Música, Orientación, Relixión, Tecnoloxía, Xeografia e historia

O 21 de novembro alumnas de 2º de BACH asistiron ás xornadas "A investigación en química: ciencia para un mundo mellor", organizadas polo Centro Singular de Investigación en  Química e Materiais Moleculares (CIQUS) en Santiago de Compostela. Durante a tarde, tiveron ocasión de recibir información sobre a investigación levada a cabo no CIQUS ademáis de realizar nun dos seus laboratorios a síntese do paracetamol. Tamén visitaron o centro e tiveron un pequeno coloquio con un investigador postdoutoral sobre o día a día no mundo dun investigador.

Alumnado de 4º de ESO e 1º de BACH visitou o CERN días antes do inicio do curso escolar. Ademáis de visitar o prestigioso centro de investigación de física de partículas, tamén se visitou a cidade de Xenebra, as sedes da Cruz Vermella e de Nacións Unidas e a ciudade de Lausana. O programa completo amósase baixo estas liñas nun mapa interactivo.

A CIUG (Comisión Interuniversitaria de Galicia) publicou na súa páxina web (http://ciug.gal/) as Notas de Corte para o acceso ao Sistema Universitario de Galicia (SUG) no curso 2019/2020 e tamén a Táboa de Ponderacións das diferentes materias de 2º de Bacharelato nas ABAU (Avaliación de Bacharelato para o acceso á Universidade). 

Achegamos ambos documentos para a súa descarga e consulta. 

Consulta a programación do noso Departamento para informate dos obxectivos, contidos, criterios de avaliación, etc. do teu curso.

No presente curso, o Departamento de Inglés está formado polo seguinte profesorado:

O xurado premiou o proxecto Eu presumo de galego (IES de Melide) na categoría de fomento do galego na infancia e/ou mocidade, por ofrecer un modelo de traballo de calidade para a detección de necesidades concretas en contextos galegofalantes, onde a reflexión sociolingüística e a promoción do galego entre a mocidade se insiren nun proxecto educativo transversal. Valorouse positivamente a súa flexibilidade e eficiencia, que o converten en modelo transferible tanto a contextos educativos galegofalantes como a castelanfalantes. A partir dunha actividade concreta como un concerto, o IES de Melide creou un proxecto transversal que inclúe accións relacionadas coas matemáticas, a tecnoloxía, o traballo coa madeira, a radio ou a edición de vídeo. Entregou o premio María Ortega, deputada provincial de Normalización Lingüística.

Saber máis

Comeza un novo curso e dende o IES de Melide queremos darvos a benvida a todos. Esperamos que este curso que ven cargado de proxectos novos e ilusionantes, sexa fructífero para toda a comunidade educativa.

Sabemos que co comezo do curso aparecen moitas ilusións renovadas, moitos novos proxectos e moitas novas tarefas que abordar. Pero tamén xorden medos, inquedanzas e moitos interrogantes, sobre todo no alumnado de 1º ESO que comeza a súa andadura no noso centro educativo. Co obxectivo de compartir todos estes sentimentos, de coñecer o instituto e de coñecernos  mutuamente, organizamos en colaboración co Departamento de Educación Física e de Orientación, unhas dinámicas grupais para darlle a benvida ao alumnado de 1º da ESO. Así, fomos quen de ir descubrindo dende os máis grandes aos máis pequenos recunchos do noso Centro, e tamén de construír unha Tea de Araña para comezar a tecer redes de colaboración, traballo en equipo, empatía e solidariedade.