You are herecontent / PARTICIPACIÓN NO "PARLAMENTO XOVE"
PARTICIPACIÓN NO "PARLAMENTO XOVE"
Este venres-14 e sábado-15 de febreiro, alumnos de Bacharelato procedentes de 24 centros educativos de toda Galicia reuniranse no edificio da Deputación da Coruña para debater. A temática elixida é o “sexismo” na xuventude e os debates preliminares xirarán en torno á seguinte pregunta: Sofren as novas xeracións un retroceso sexista e na tolerancia ás diferenzas persoais...
O equipo que representa ao IES de Melide está conformado por Uxía Ferreiro Vilariño, Pablo Vilasante González, Adrian Prieto de Dios e María González Vázquez; coordinados pola profesora María Dolores Vázquez García (Dep. Filosofía).
Máis información http://www.parlamentoxove.com/
Parlamento Xove trátase dunha competición organizada pola Dirección Xeral de Xuventude e Voluntariado (Consellería de Traballo e Benestar) na que os diversos equipos inscritos investigarán, escribirán e debaterán acerca dun tema. Realizarase en dúas grandes fases: unha clasificatoria con debates provinciais da que xurdirán oito equipos gañadores que se enfrontarán nunha segunda fase: a final. Paralelamente a elo, os equipos entregarán dossieres de investigación que contarán cun premio especial ao mellor documento.