FacebookSíguenos en YouTube

Banda de mozas, proxección no cinema Númax de Compostela

O pasado venres, 19 de outubro, o alumnado de Francés, Igualdade e Imaxe e Son acudiu a unha nova matinée escolar programada polo cinema Númax de Compostela para asistir á proxección do filme Banda de Mozas, da directora francesa Céline Sciamma. O filme, protagonizado por catro rapazas afrodescendentes que viven na periferia parisina, impactou pola frescura e a riqueza das temáticas abordadas: o realismo social, a opresión baixo múltiples formas, as relacións familiares e amorosas e ante todo, a amizade e a liberdade.

Actividades programadas esta semana

Saídas programadas para este venres día 19 de outubro:

  • Saída organizada polo Departamento de Francés, ao Cine NUMAX de Santiago de Compostela.
  • Saída organizada polo Centro, a Traba, para a limpeza de praia e visita á lagoa e arredores.

Hora de ler

Dende a Biblioteca queremos recordarvos que o luns 1 de outubro comezamos coa Hora de Ler nos cursos da ESO. A lectura como nos cursos pasados farase en horas rotativas coa fin de que haxa un equilibrio entre todas as materias. A hora de ler rematará no mes de Maio. Colocarase nas aulas e nos corredores un calendario coa distribución horaria.

Oferta de emprego

A empresa Plexus solicita CV ao alumnado que teña o título de Ciclo Medio de Sistemas Microinformáticos e Redes. 

Xs interesadxs poden porse en contacto co Departamento de Recursos Humanos.

C/José Villar Granjel, Nº22-24.

15890 Santiago de Compostela.

Tel 902 998 095. Fax 902 995 280.

Web da empresa Plexus

Benvida. Curso 2018/2019

Benvid@s un curso máis a este portal do IES Maximino Romero de Lema. Un saúdo a todas as persoas membros da Comunidade Educativa: profesorado, familias e alumnado. Comezamos un novo curso con todo o que iso conleva: novas inquedanzas, novos proxectos, novos retos... Pasou un curso que estivo pleno de actividade cultural e formativa e que resultou ser do máis enriquecedor. Marcou un antes e un despois dentro da historia do noso Centro. O Proxecto “Feminino Plural” co seu apartado “Ao son delas” fixo posible que nos visitasen Sés, Guadi Galego, Habelas Hainas ou As Tanxugueiras que xunto con iniciativas como o supermural de Joseba Muruzábal, “Regreso á Foliada II”, fixo do curso 17-18, un curso inesquecíbel. Sabemos que todo iso non pasou desapercibido en toda a zona e fixo que durante os meses que durou o proxecto fósemos unha referencia comarcal. Pero non podemos quedarnos aí e sabemos que aínda podemos marcarnos novas metas. Coa axuda de todos: Centro, Anpa, Asociacións locais, Concello... que sempre colaboraron neste tipo de iniciativas, podemos seguir mellorando, se cabe, aínda un pouco máis.

Todo iso redundará na formación dos nosos alumnos e alumnas e fará que sexa unha educación máis inclusiva, igualitaria, integradora e o máis diversa posible.

Por último desexarvos un feliz curso 18-19 e moita forza.

O Equipo Directivo.

Horarios comezo de curso. Luns 17 de setembro.

Horarios para o luns 17:

- 11:30 h.: Recibimento a familias e alumnado de 1º da ESO.

- 12:00 h.: Presentación do alumnado de 2º, 3º e 4º da ESO e FPB 1º e 2º.

- 12:30 h: Presentación de 1º e 2º Bach. e Ciclo 1º e 2º.

Todas estas presentacións na Sala de Usos Múltiples.

Nota: Para as familias con dereito a Fondolibros. En breve se comenzará co reparto de libros asignados e coa compra dos que sexan necesario ata completar o Fondo. Grazas.

Libros de texto. Curso 2018/2019

Achegamos os libros de texto para o vindeiro curso. Consulta a relación dos mesmos nos ficheiros adxuntos.

BACHARELATO

FP BÁSICA / ESO

Distribuir contido