Extraescolares

O pasado fin de semana alumnado de Música do noso centro visitou a cidade de Porto acompañado polas profesoras María Varela e Esther Sánchez para participar en diferentes actividades na Casa da Música.

O xoves 24 de xaneiro, o alumnado de 2º de Bacharelato da materia de Economía e FUAX acudiron á empresa IBERLUFFA, fábrica de exponxas vexetais, en Caldas de Reis.

A visita iniciouse na área de cultivo cas explicacións do proceso produtivo dende a plantación das semillas, recoleción do froito, secado e transformación do mesmo, rematando ca organización da empresa, comercialización e distribución do produto.

O Faro de Vigo recollle a participación da alumna Nerea Neira, acompañada da profesora Irene Portas, na XIV Olimpiada de Bioloxía.

Os días 25 e 26 de outubro o noso alumnado de 1º ESO viaxou ás Fragas do Eume onde realizaron numerosas actividades físicas en contacto coa natureza. Estiveron acompañad@s polas profesoras Loly Castro e Norma Pillado.

Podedes ver tódalas fotos nesta ligazón.

O vindeiro martes 9 de outubro no 2º recreo terá lugar na sala de Usos Múltiples do centro unha reunión para o alumnado de Bacharelato interesado en participar na actividade de esquí en Andorra. Podes consultar dende esta páxina toda a información sobre a mesma.

O pasado luns 7 de maio alumnado de 4º ESO viaxou a Roma acompañad@ pol@s profesores María Paz, Norma Pillado e Mariano Casas. Estarán de volta este venres. Agardamos que desfruten a viaxe!

O pasado mércores, os alumnos de Cultura Clásica, Latín e Grego, participaron nos III Ludi Compostelani na Facultade de Filoloxía de Santiago, organizados por SEECGalicia. O MGB participou coa organización dun obradoiro de microteatro, onde se representaron escenas da adaptación da Odisea que fixo o escritor estradense Xosé Luna.

O pasado martes 6 de marzo @s alumn@s de Historia da Arte de 2º Bacharelato, acompañados pola profesora Beatriz Mera, visitaron Santiago onde realizaron distintas visitas e actividades.

O pasado martes 6 de marzo alumnado de 2º de Bacharelato, acompañado pola profesora Magaly Barreiro, visitou a Facultade de Bioloxía da USC. Agradecemos ao persoal deste centro a súa atención e dedicación en aras de achegar a ciencia ao alumnado de bacharelato do noso instituto.

O alumnado de 1º Bach realizou onte unha visita cultural para ver o Pergamiño Vindel. Á entrada do Museo do Mar varios alumnos interpretaron unha cantiga de Martín Códax. Despois asistiron a unha breve lección sobre o mundo medieval, e en particular sobre a escritura, o seu soporte e os seus autores. Durante o resto da xornada  visitouse o museo e fixéronse actividades relacionadas coas lecturas deste curso.

Dende o 27 de xaneiro ata o 3 de febreiro, un grupo de 40 alumnos e 3 profesores estivemos na estación de Grandvalira en Andorra. Aquí está o vídeo e neste álbum as imaxes!

O pasado martes 23 de xaneiro, o alumnado que curso Tecnoloxía de 4º de ESO  e Tecnoloxía Industrial I e II de Bacharelato participou dunha visita de estudos ao Concello das Pontes. Neste importante concello industrial puideron ver de primeira man o funcionamento da central térmica de carbón e a de ciclo combinado, así como importantes empresas de mecanizado de madeira (Areda) e metal (Prometal). Dende aquí dar as grazas ao departamento de turismo do Concello das Pontes polas xestións que nos facilitaron estas visitas.

A semana do 4 ao 10 de decembro trinta e sete alumn@s de 3º e 4º ESO e Bacharelato viaxaron a Grecia acompañad@s por tres profesoras. Foi unha actividade organizadas polos departamentos de Xeografía e Historia e Música.

O pasado xoves 4 de maio o alumnado de 1º de ESO viaxou a Santiago a visitar o Museo de Historia Natural da USC. Realizaron distintas actividades no propio museo e aprenderon sobre as árbores do xardín que o rodea. Estiveron acompañados pol@s profesor@s Dolores Catro, Marisa Otero e Ramón Aller.