O luns 15 de novembro, ás 12:25 horas, reunirase o Claustro en sesión extraordinaria.

A orde do día, entre outros asuntos, será:

• Eliminación do profesor especialista de audición e linguaxe
• Situación actual do Banco de Libros
• Eleccións dos representantes de nais e pais ó Consello Escolar
• Renovación dos membros da Directiva
• Estado de contas

O próximo  12, venres, ata o día 14 os alumn@s da Sección bilingüe de 2º de BAC. , e o vindeiro martes día 16 os alumn@s da materia de Debuxo Artístico de 1º de BAC realizarán, ambos os dous grupos, unha visita cultural por Madrid acompañados polos seus respectivos profesores.

BACHARELATO: unha alumna de 2º de Bacharelato do curso 2009/2010, Melisa Fuentes Martínez presentarase ao exame do premio extraordinario de bacharelato por cumprir os requisitos esixidos.

E.S.O.: Tres alumnos de 1º de Bacharelato que fixeron 4º da E.S.O. no curso 2009/2010, Sara Campos Rosende, Jorge González Fuentes, e Lucía Rodríguez Vázquez, presentaránse ao exame dos premios extraordinarios da E.S.O. ao rendemento académico, por cumpir os requisitos esixidos.

Ánimo e sorte a todos.

O venres 12 celebraremos nas dúas últimas horas da mañá o magosto. Actividades programadas: Xogos populares (actividade coordinada polo alumnado de 1º de Bac.).Exposición de cabazas na biblioteca(realizada polos alumn@s de artesanía) e proxección de DAIRAS (taller de Creación Artística do MGB ás 13.30 na sala de usos múltiples)

O xoves 11 de novembro de 12.45 h a 14.25 h. realizarase unha charla destinada a todo o alumnado de 3º ESO sobre Doazón e Transplante, unidade incluída na programación de ciencias, será impartida por persoal da Oficina de Coordinación de Transplantes(OCT) Autonómica de Galicia.  

O venres 5 de novembro pola tarde, o club de lectura NA Estrada-525 compartirá unha velada de medo cos clubes de lectura do IES Acquas Celenis de Caldas, o IES de Porto do Son, e os CPI de Portas e Cuntis. Reunirémonos no mosteiro de Carboeiro (Silleda), e acompañaranos Celso Fernández Sanmartín.

Como sabedes dende o pasado venres non funcionan as Aulas Virtuais do centro. Cando queremos entrar non recoñece o noso nome de usuario e contrasinal. Isto sucédelle a todos os usuarios do MGB, profesores e alumnos.

Dende a coordinación Tic e dende a dirección estamos a facer todas as xestións pertinentes perante a Consellería para intentar arranxar este problema, e esperamos que esta semana poda estar solucionado.

Premendo aquí podedes acceder á nota de prensa aparecida na Voz de Galicia do 29 de outubro de 2010,  na que se recolle o pase especial de "Dairas", a curtametraxe de animación premiada recentemente  polo Ministerio de Cultura, que tivo lugar no Teatro Principal da Estrada o día 30 de outubro. A nova vai acompañada dun artigo firmado pola directora do MGB, Gisèle Maïssa, que leva por título "Grazas, Dairas".

Os alumn@s de 1º ESO e 2º ESO durante os meses de novembro e decembro, na súa hora de titoría, desenvolverán uns obradoiros impartidos por monitores de habilidades sociais.

Resolución pola que se designa e se fai público o Tribunal que xulgará as probas para a concesión dos premios extraordinarios de ESO do curso 2009-2010, e se ditan instrucións para a realización das probas

Resolución pola que se designa e se fai público o Tribunal que xulgará as probas para a concesión dos premios extraordinarios de bacharelato do curso 2009-2010, e se ditan instrucións para a realización das probas.

Os membros do Taller de Creación Artística MGB darán o próximo xoves 28 ás 13.30 h. unha rolda de prensa aos medios de comunicación por recibir o Premio Crearte 2010 pola realización da curtametraxe "Dairas".