4º ESO. TECNOLOXÍAS
Indice de contidos:
Unidade 1. ElectrónicaUnidade 2. Electrónica dixital
Unidade 3. Tecnoloxía da comunicación
Unidade 4. Control e robótica
Unidade 5. Control por ordenador
Unidade 6. Pneumática e hidráulica
Unidade 7. Instalacións
Unidade 8. Historia da tecnoloxía
Materiais e recursos didácticos:
- Libro de Tecnoloxía 4ºESO, de Ed.Santillana.
- Wiki do departamento de Tecnoloxía.
- Blog de aula.
- Materiais en aula virtual.
Avaliación e cualificación
A cualificación do alumnado será continuada ó longo do curso, xa que o proceso de ensino - aprendizaxe en tecnoloxía é o bastante interactivo como para que nos poidamos dar unha idea precisa de cada alumno e alumna así como de cada grupo. Avaliaranse e valoraranse os tres tipos de contidos, actitudinais, conceptuais e procedimentais.
► No relativo a o cómo e cándo avaliar, as ferramentas a utilizar son:
a) Observación na clase: Comportamento, participación, actitude e traballo persoal.
b) Caderno e documentos elaborados polos alumnos e alumnas: A través destes elementos pódese avaliar directamente unha serie de datos importantes, como a expresión gráfica e escrita, a orde, a limpeza, a capacidade para elaborar documentos técnicos sinxelos, o uso das distintas fontes de información, etc.
c) Probas e exercicios escritos: As aprendizaxes que se pretenden facer pódense afianzar mediante a realización de exercicios escritos, probas orais, manexo do ordenador e comprobación do uso correcto dos instrumentos de medida.
d) Proxectos técnicos e traballo de aula-taller: Respecto polas normas de seguridade, comportamento e convivencia, traballo persoal e de grupo, actitude e interese.
► No relativo á cuantificación de cada un dos aspectos da programación na avaliación o criterio a seguir será:
a) Probas escritas, cadernos e documentos relativos ós contidos teóricos da programación: 40%
b) Probas escritas e traballo de aula relacionados cos contidos de informática: 30%
c) Proxectos técnicos e traballo de aula-taller: 30%
Cabe destacar que a nota media da asignatura non será nunca superior a 4 si a cualificación nalgún destes apartados non chegara a 3.
- Explicar o funcionamento dun circuíto electrónico e distinguir os seus compoñentes.
- Coñecer o transistor e o seu funcionamento.
- Montar circuítos con motores, condensadores, relés, transistores e díodos.
- Describir o funcionamento de circuítos electrónicos nos que se introducen portas lóxicas.
- Elaborar táboas de verdade identificando sensores con variables booleanas e actuadores con funcións.
- Explicar a importancia dos drivers ou buffers nun circuíto.
- Explicar o proceso de fabricación de circuítos integrados.
- Explicar a evolución dos circuítos integrados e a súa influencia en todos os ámbitos da sociedade.
- Deseñar circuítos con portas lóxicas que cumpran unha determinada función.
- Describir esquematicamente os sistemas de telefonía con fíos, radio e televisión e explicar o seu funcionamento.
- Explicar como se transmite a información nos sistemas de comunicación sen fíos.
- Explicar como se leva a cabo a comunicación vía radio, televisión e teléfono.
- Destacar as vantaxes e os inconvenientes dos distintos medios de comunicación actuais.
- Explicar o funcionamento dun sistema de control de lazo pechado.
- Elaborar esquemas que mostren o funcionamento dun sistema de control automático, explicando ademais a súa función.
- Explicar o funcionamento básico dos elementos que compoñen a electrónica dun robot.
- Coñecer as técnicas básicas empregadas na construción de robots non-programables.
- Deseñar e construír un robot sinxelo dotado de varios sensores.
- Modificar o deseño dun robot co obxectivo de cambiar a súa resposta fronte a determinados estímulos.
- Distinguir os principais elementos de entrada e saída dun sistema de control.
- Describir as características dunha controladora e prestarlles especial atención ás súas saídas e entradas, tanto analóxicas coma dixitais.
- Utilizar a controladora para examinar o funcionamento dun sistema a través do ordenador.
- Elaborar procedementos sinxelos de control cunha linguaxe de programación de alto nivel.
- Elaborar diagramas de fluxo.
- Elaborar programas que controlen as entradas e saídas dunha controladora.
- Manexar sinxelos circuítos electrónicos a partir dun ordenador e unha controladora.
- Explicar a función de cada un dos elementos que constitúen un circuíto pneumático e de un circuíto hidráulico.
- Elaborar e interpretar circuítos pneumáticos e hidráulicos mediante a simboloxía adecuada.
- Utilizar software de simulación de pneumática e hidráulica para elaborar sinxelos circuítos con compresores, cilindros, válvulas etc.
- Describir as funcións dos principais elementos das instalacións de auga, gas, electricidade, calefacción e comunicacións.
- Coñecer as regras de conservación enerxética calorífica nun fogar.
- Enumerar as vantaxes da arquitectura bioclimática.
- Relacionar a evolución da tecnoloxía coa historia da humanidade.
- Identificar os principais avances técnicos ocorridos ao longo da historia.
- Explicar cales foron as consecuencias sociais e económicas derivadas da aparición dalgúns inventos clave: a máquina de vapor, o ordenador persoal, o automóbil ou Internet, por exemplo.
- Explicar cales son os problemas ambientais derivados da actividade tecnolóxica. Clasificalos tendo en conta:
- Problemas globais do planeta.
- Problemas nacionais.
- Problemas locais.