IN MEMORIAM AGUSTÍN FERNÁNDEZ PAZ

"Todas as historias se tecen cos fíos da vida" e na historia moit@s rapaces e "rapazas", lectores e lectoras galeg@s (e non só) hai e haberá fíos tecidos por Agustín Fernández Paz.

Cando "a néboa escura" e o "aire negro" se acheguen na "noite de voraces sombras" o Agustín poñeranos "unha lúa na fiestra" mentras nos conta ó noso carón "contos por palabras". As "cartas de inverno" chegarán coma o "soño do merlo branco" cun "tren cargado de misterios" pra alegrarnos o corazón.

Porque non temos "o corazón de pedra" e cremos nos "fantasmas de luz" sabemos que existen as "amizades secretas" que habitan nos andeis das nosas casas e bibliotecas. E "lonxe do mar", no "centro do laberinto" de cada un de nós, "os gardiáns do bosque" e "as fadas verdes" afastarannos d"as fronteiras do medo".

"Non hai noite tan longa" que impida chegar á "praia da esperanza". E "desde unha estrela distante" o noso Agustín virá "cos pés no aire" sentado nunh"a nube de cores". Nin "as fantasmas do corredor" nin "os corredores de sombras" borrarán "o rastro que deixamos" e saberemos por sempre, como se fose un mantra ou o lema esculpido na nosa tumba, que "o único que queda é amor"; amor sen dúbida e sen tregua pola lingua, a cultura, os libros e a imaxinación o que nos deixa Agustín Fernández Paz.

A biblioteca e todo o IES Lois Peña Novo de Vilalba no seu recordo e agradecemento.

Nota: todo o texto entre comiñas son frases e/ou títulos de Agustín Fernández Paz. As imaxes coas que ilustramos este recordo son do neno Agustín estudando e de romaría na súa Vilalba natal ademais dun retrato máis recente, todas recollidas na súa páxina web oficial.

Resolución estadías do Erasmus +

Xa está resolto o proceso de selección de canditados para a mobilidade KA-102 de recén titulados, dentro do Programa Erasmus+.

Quedan admitidos Pablo Blanco Díaz e Ángel Vázquez Domínguez. Pódese ver a resolución completa no arquivo adxunto.

 

Guardar

Guardar

Prazos do proceso de admisión en Ciclos Formativos

Xa se poden presentar solicitudes para acceder a ciclos formativos. Tes na imaxe e no adxunto cales son os prazos e poden obter máis información e axuda na secretaría do noso IES.

 No adxunto podes descargar a información en pdf.

 

Fin de curso

Chegamos ó remate do curso e cómpre ter en conta unhas datas:

-A entrega de notas será o xoves 23 xuño ás 14h.

-As reclamacións, o luns 27 e o martes 28 de 10 a 14h.

-O acto de graduación, o mércores 29 ás 20h.

Boa sorte!

Guardar

Guardar

Manuel María en códigos QR en Vilalba

Hoxe presentamos publicamente un traballo que mostra a interrelación e o esforzo en común que conseguimos acadar este ano nunha Vilalba escolar unida arredor de Manuel María. Nos 28 recursos que aparecen neste mapa hai nen@s recitando, un concerto de Mini e Mero, varias representacións teatrais, videopoemas, soños, carteis, unha vida ilustrada de Manuel María, a construción da gaiola dos soños no IES Lois Peña Novo...
O mapa hai que abrilo en Google Maps. Cada estreliña corresponde a un lugar físico no Concello de Vilalba onde hai un cartel con QR (están nas fachadas de espazos públicos e institucionais). Cada estrela ten o nome da ubicación e unha imaxe do propio QR, así que, se abres o mapa co ordenador, podes escanear os QR co móbil e abrir os recursos. Tamén se pode abrir co móbil e ler os códigos con outro móbil, en amor e compañía⁠⁠⁠⁠ ;-)
A coordinación e a creación dos códigos QR e do mapa foi cousa da biblioteca do IES Lois Peña Novo, que tamén gravou e/ou montou varios dos vídeos doutros centros ademais dos propios do Lois Peña Novo e os tres vídeos que agrupan os carteis "As palabras do Manuel María nas nosas mans" de son obra do alunnado de tódolos centros. Mais este é un traballo colaborativo entre tódolos centros escolares de Vilalba e, en último termo (ou primeiro), do seu alumnado. Beizón para todos eles: CEIP Insua Bermúdez, CEIP Mato Vizoso, CEIP Monseivane, CEIP Terra Chá, CEP Castelao, Centro Ocupacional, Escola de Educación Infantil de Vilalba, Escola Infantil A Galiña Azul, IES Basanta Silva e nós, compañeiros e compañeiras do ensino público e de calidade, que desta vez tivemos como guiero e estrela a Manuel María neste camiñar esperanzado cara un mundo mellor.

Agradecémoslle ó Concello de Vilalba e á Asociación de Empresarios Sete Pontes a súa colaboración económica e/ou loxística no desenvolvemento destas actividades. E a Lois Pérez a súa idea de espallar códigos QR por Vilalba adiante, que callou en nós e foi quen de facerse realidade.

Podes ver o mapa clicando aquí.

Apertura do prazo para solicitar mobilidades no curso 2016/17 como recentes titulados/as -programa KA102- dentro do programa Erasmus+

 

Ábrese o prazo para solicitar prazas de mobilidades para titulados recentes por parte de todas aquelas persoas que, atopándose matriculadas no segundo curso dun ciclo medio no período académico 2015-16, titulen dentro deste mesmo curso. Aquelas persoas que teñan interese en acceder a elas poderán presentar instancia no prazo que vai dende mañá, día 7 de xuño de 2016 ata as 14 horas do vindeiro xoves día 16.

 

Aquelas persoas que queiran participar no proceso de selección deberán cubrir a instancia -que poderán solicitar na secretaría do centro- e achegar a documentación que estimen pertinente para que lles sexan valorados os méritos segundo os criterios de selección fixados para este proceso que se acompañan no arquivo adxunto.

  

Unha vez rematado o prazo de presentación de instancias, publicarase unha listaxe das persoas solicitantes -tanto admitidas como excluídas de ser o caso-. Contra esta listaxe provisoria poderase reclamar no prazo de dous días hábiles. No caso de haber reclamacións resolveranse no día hábil seguinte, publicándose a continuación a listaxe definitiva.

 

Contratación do servizo de cafetería para o curso 2016-2017

Denominación do contrato: Contrato de servizo de xestión e explotación da cafetería do IES Lois Peña Novo.

 

Duración do contrato: do 1 de setembro de 2016 ao 31 de agosto de 2017.

 

Os licitadores que desexen tomar parte neste procedemento poden informarse dos requisitos necesarios na dirección do centro.

 

Prazo límite para a entrega da solicitude e documentación: luns 13 de xuño de 2016 ás 14:00 horas na secretaría do centro.

 

Poden consultarse as instrucións e condicións da contratación no arquivo adxunto

Teatro na biblioteca: a Berenguela da man do CEIP insua Bermúdez

Este venres imos ter unha obra de teatro moi especial, dun autor moi especial, cunha directora moi especial e unha compañía... MOI ESPECIAL!!!

Canto lle queremos ó CEIP Insua Bermúdez!, os nosos veciños de enfronte, que son enventeir@s coma nós, que sempre nos apoian nas nosas propostas e que son exemplo do ensino público (e comprometido) de calidade!

Despois da súa estrea, comezan a súa xira mundial con parada na biblioteca do LPN! Berenguela's TOUR!

 

Exames finais de maio de 2º de Bacharelato

Calendario cos exames finais de maio para as materias de 2º de Bacharelato.

 

Exames de maio para materias de 1º de Bacharelato

Calendario coas datas e horas dos exames de maio para aquel alumnado

de 2º de BAC que pode titular e que ten algunha materia pendente de 1º.

Distribuir contido