Internet das cousas (IoT) e usos dos drons

O proxecto Aproximación didáctiva á internet das cousas (IoT) e usos dos drons do Departamento de Informática do Lois Peña Novo está desenvolvido con tecnoloxía libre, pezas mercadas soltas e montadas no noso IES e incluso hai pezas impresas con impresora 3D nas nosas instalacións. Estamos moi orgullosos do profesorado e o alumnado que nos representou estes días na feira FP Innova con este proxecto: Germán Feijoo e Juan López, Julio Trastoy e Alberto López. Como ben di Juan López, o noso centro de ensino achega tecnoloxía punteira ó ámbito rural. Non deixes de ver os seguintes vídeos, onde alumnos e profesores explican aspectos do proxecto e se amosan drons e e uns coches robot montados con Arduino e controlados por móbil.


 

 

O proxecto da Internet das cousas e o uso e aplicación dos drons foi recollido en distintos medios de comunicación nestes días nos que estivo participando na feira FP Innova. El Progreso, La Voz de Galicia, El correo gallego e a TVG no Telexornal. Aquí tedes algún exemplo en imaxes da prensa escrita (con maior resolución nos adxuntos), nunha reportaxe específica do noso proxecto en El Progreso online e no Telexornal Mediodía e no Serán.

 

 

Dectogas, a miniempresa no IES Lois Peña Novo. Xestión de arquivos e voluntariado enerxético

No suplemento da Chaira de El Progreso de hoxe saen tres actividades do noso centro: o obradoiro de xestión de arquivos audiovisuais da produtora Gaitafilms para alumnado de Administración, o programa de voluntariado enerxético de Endesa para alumnado de Electricidade e de Automoción e, en destaque, o proxecto de Miniempresa Dectogas que realiza o alumnado de Electricidade. Moita formación e iniciativa no IES Lois Peña Novo!

 

ardar

XORNADA DE PORTAS ABERTAS

O vindeiro xoves 6 de abril imos celebrar unha xornada de portas abertas no IES Lois Peña Novo. Desde as 8:45 ás 22h o centro estará aberto para calquera persoa que queira visitalo e coñecer as nosas instalacións e equipamentos, facéndose ademais exhibición dalgunhas actividades significativas, como o funcionamento dun airbag, unha instalación domótica, dunha impresora 3D ou un dron.

No IES Lois Peña Novo impártense ensinanzas de ciclos formativos de grao medio e superior, Formación Profesional Básica e educación secundaria e bacharelato para adultos. Os Ciclos son das familias profesionais de Administración e Finanzas, Automoción, Electricidade e Informática, e en todos destacan con actividades novidosas e proxectos premiados e acollidos en distintos programas como o AtréveteMiniempresasVoluntariado enerxético de EndesaErasmus+ de prácticas no extranxeiro... achegando innovación nos distintos campos: vehículos híbridos e motor de hidróxeno, domótica, paneis solares, robótica, drons e impresión 3D, Plan de Mellora de Bibliotecas Escolares, multitude de actividades culturais e de formación integral do alumnado...
 
 
 
 

PROGRAMA VOLUNTARIOS ENDESA. ENERXÍA PARA O FUTURO, NO IES LOIS PEÑA NOVO

O proxecto PROGRAMA VOLUNTARIOS ENDESA. ENERXÍA PARA O FUTURO consiste nunha invitación por parte da Endesa para colaborar activamente cos centros educativos da zona (neste caso o IES Lois Peña Novo, Vilalba, e o IES Castro da UZ, As Pontes), para achegar o mundo laboral (a realidade na empresa e os propios traballadores) ó mundo educativo (alumnado de ciclos formativos).
Dentro do proxecto realizamos distintos tipo de actividades como son as charlas do mércores 22 de marzo: "Seguridade, organización e mantemento", con Francisco José Cal García, responsable do servizo de mantemento da central de As Pontes, e Daniel Pérez Santos, responsable do servizo de prevención da central de As Pontes. E as charlas de hoxe 29 de marzo, "Motivación e mantemento nas centrais térmicas" cos ponentes Benigno Durán Novo, responsable de recursos humanos Endesa, e José Antonio Velo Fernández, responsable de mantemento Endesa. A estas charlas acudiu o alumnado do Ciclo medio de Electromecánica de Vehículos Automóbiles e do Ciclo Medio de Instalacións Eléctricas e Automáticas, cuxo departamento, o de Electricidade, xestiona este programa no noso IES.

 

GAITAFILMES IMPARTE UN OBRADOIRO NO IES LOIS PEÑA NOVO

A semana pasada acudiron ao noso instituto dous membros da produtora meirense Gaitafilmes para impartir, durante dúas mañás, un Obradoiro sobre Xestión de Arquivos Audiovisuais.

Os membros que nos visitaron da dita empresa de produción foron Andrés González, máis coñecido como Andrés Goteira, director e creativo da mesma, e Suso López, produtor executivo.

O obradoiro, dirixido ao alumnado de 1º curso do ciclo medio de Xestión Administrativa e 1º do ciclo superior de Administración e Finanzas, foi eminentemente práctico, resultando de gran interese para os asistentes, polo que se prevé repetir en vindeiras ocasións.

Gaitafilmes vén de rematar a súa primeira longametraxe, DHOGS, unha película de financiación colectiva, dirixida por Goteira e protagonizada por grandes da pantalla galega coma Morris, Miguel de Lira, Carlos Blanco, Melania Cruz…

 

 

 

 

 

Suspensión total de transporte escolar 22 e 23 de marzo

Ampliando a decisión da Consellería de suspender o transporte escolar desde hoxe ás 12 ata mañá ás 12, o IES Basanta Silva decidiu suspender totalmente o servizo tanto hoxe como mañá, polo que non haberá transporte escolar tampouco para o IES Lois Peña Novo, que usa o mesmo servizo. En función  de como vaia transcorrendo o día, avisaremos de se se suspenden as actividades lectivas, que de momento se desenvolven con normalidade.

Alerta AMARELA E LARANXA por nevadas os días 22 e 23 de marzo en Galicia

 

Dada a previsión metereolóxica, mañá mércores día 22 non haberá transporte escolar desde as 12:00 (afecta á saída dos centros) e o xoves 23 non haberá transporte ata as 12:00 (afecta á chegada ós centros educativos).

En principio as actividades lectivas desenvolveranse con normalidade agás as actividades no exterior dos centros.

En caso de complicacións a maiores, a dirección do centro poderá tomar decisións no tocante á suspensión das actividades lectivas, extremo que será comunicado a través desta web e do facebook do IES.

 

Citamos da web da Consellería de Educación e O.U.

"A Axencia Estatal de Meteoroloxía (AEMET) e MeteoGalicia alertan dun fenómeno meteorolóxico adverso por NEVADAS para os días 22 e 23 de marzo de 2017, que afectarán a tódalas provincias de Galicia

Ante a devandita situación de risco, a Comisión Escolar de Alertas acordou o seguinte:

  1. A SUSPENSIÓN do TRANSPORTE ESCOLAR por alerta LARANXA, entre as 12:00 horas do día 22 e as 12:00 horas do día 23 de marzo, por acumulación de neve de ata 5 cm de espesor, que afectará as zonas de predición meteorolóxica do Interior da Coruña, do Centro e Sur de Lugo, do Noroeste de Ourense e do Interior de Pontevedra; e entre as 8:00 horas do día 22 e as 12:00 horas do día 23 de marzo, na zona de predición meteorolóxica do Sur de Ourense.
  2. A SUSPENSIÓN do TRANSPORTE ESCOLAR por alerta AMARELA a partir das 00:00 horas do día 22 e as 12:00 horas do día 23 de marzo, por acumulación de neve de ata 15 cm de espesor, que afectarán as zonas de predición meteorolóxica da Montaña de Lugo e da Montaña de Ourense; e entre as 9:00 horas do día 22 e as 9:00 horas do día 23 de marzo, por acumulación de neve superiores aos 2 cm po riba dos 500m na zona de predición meteorolóxica de Valdeorras.
  3. A SUSPENSIÓN das ACTIVIDADES NO EXTERIOR das instalacións dos centros escolares situados nas zonas de predición meteorolóxica indicadas anteriormente (puntos 1 e 2), con seguimento das condicións climáticas.

Para o caso de que as circunstancias da localidade onde se atopa o centro supuxesen un risco superior ao declarado (amarelo/laranxa) e pasase a unha declaración de nivel superior (laranxa/vermello), as direccións poderán adoptar as decisións oportunas respecto da suspensión da actividade docente.

A información meteorolóxica poderá ser consultada a través da páxina web da AEMET (http://www.aemet.es/es/eltiempo/prediccion/avisos?w=mna)"

 

A información na web da Consellería: http://www.edu.xunta.gal/portal/node/21563

 

 

Guardar

Guardar

Guardar

Guardar

Guardar

8 de marzo desde a biblioteca do noso IES

A biblioteca do Lois preparou para conmemorar o día da muller traballadora unha nova selección de libros e películas. CHANZO a CHANZO acadaremos o RECOÑECEMENTO e a IGUALDADE. Camiño de mulleres ese mais tamén de homes. Lisístrata, Mafalda, as sufraxistas, Jane Austen, Marjane Satrapi, as mulleres da II República, Chimamanda Ngozi Adichie, María Pita, Harper Lee, as 13 rosas, Olympe de Gouges... muller a muller onte, hoxe e mañá. E con elas todas nós: Cristina, Nerea, Lorena, Carmen, Begoña, Ángeles, Esther, Miriam, Paula, María, Eva, Susana, Natalia, Yolanda, Isabel, Loli, Alexandra, Amparo... no Lois e fóra do Lois no camiño cara a IGUALDADE acompañadas tamén das que xa non poden camiñar mais están na nosa memoria e na nosa loita por rachar límites e teitos de cristal.

 

 

 

 

 

Visita do alumnado de Administrativo a Cafés Candelas e CEI-Nodus

No IES Lois Peña Novo cremos na necesidade de complementar o que se estuda no propio centro con visitas a empresas, administracións e equipamentos que poden achegar perspectivas e informacións novas. Iso fixo a semana pasada o alumnado do Ciclo Medio de Xestión Administrativa e do Ciclo Superior de Administración e Finanzas, nunha visita á empresa Cafés Candelas e ó Centro de Empresas e Innovación CEI-Nodus en Lugo.

O noso Entroido 2017

O venres 24 foi o Entroido 2017 no LPN!!!
Foi unha xuntanza moi divertida e agradable, onde catamos os doces do concurso, cantamos no karaoke e lucimos personalidades novas que tiñamos agachadas: apareceu un eléctrico Urdangarín futurista, un inspector administrativo, un mexicano que sabía cantar en portugués (e cociñar un doce co que gañou o concurso), un irlandés verdísimo, as nosas tres Rosies the Riveter (porque We can do it! e gañaron o premio ó disfraz da Volta ó mundo), unha secretaria la mar de bruxa, un ovo kinder cheo de sorpresas e representantes de todo o mundo mundial como o pingüín, o chinés, a xamaicana, V de Vendetta, a galega sulfatadora e o operario galego da construción, o avogado dos comecartos Made in Spain e a bibliotecaria con pintas de Mary Poppins... e ata un aforcado, pobriño el.
Mención especial para as nosas catro Nereas, que homenaxearon a nosa Nerea da cafetería coa súa imitación e acadaron o premio ó disfraz de temática xeral.

Máis fotos na publicación desta nova no facebook do IES.

 

 

Distribuir contido