Observade o mosaico colectivo baseado en figuras xeométricas que realizou o alumnado de 1º ESO na aula de Plástica e que atoparedes polos corredores do Leliadoura; fixádevos como imitan os azulexos comúns que todas e todos coñecemos, pero iso si, estes teñen estilo propio. Con isto traballaron o bo emprego da regra, do escuadro, do cartabón, do compás, a combinación de cores e a limpeza no trazo. Pois si que resultou frutuosa esta actividade.
Pero a cousa non quedou aquí; e é que como a profe de Plástica é a mesma que a de Francés, en 2º ESO tamén traballaron a xeografía francesa e o vocabulario do tempo e do futuro. Para rematar, realizaron un parte meteorolóxico cun mapa representativo. Aquí o tedes:
