Este xoves, día 7 de marzo, o alumnado de primeiro de Administración e finanzas visitou a sede central do grupo galego Industria de Diseño Textil, S.A. (Inditex). en Arteixo. Puideron ver in situ o despliegue loxístico co que conta esta empresa, así como comprobar como xestiona dende alí a moda de medio mundo.
É o primeiro grupo europeo de confección de roupa e a terceira empresa do sector a nivel mundial. Está composto por case un cento de compañías de deseño, fabricación e distribución téxtil. Amancio Ortega, o home máis rico de España (e de Europa) é o fundador e o accionista maioritario. O seu presidente actual é Pablo Isla.
Inditex ten máis de 7.000 tendas en todo o mundo e posúe as marcas Massimo Dutti, Bershka, Oysho, Pull and Bear, Stradivarius, Zara, Tempe e Uterqüe, e tamén a marca de baixo custo Lefties. En marzo de 2015 Inditex acadou un valor en bolsa de 89.761 millóns de euros, sendo a segunda empresa do IBEX-35, despois do Banco Santander.
A maioría da produción atópase en países con man de obra barata como Marrocos, China e Turquía, malia que boa parte da produción continúa en España e Portugal, en particular a da marca Zara. Ademais, Inditex ten unha fábrica de deseño e produción de calzado na vila de Elx.
