Skip to Content

IES Leiras Pulpeiro

Novas Relixión

EXCURSIÓN A QUIROGA 3º ESO 2019

 

O Departamento de Relixión Católica levou aos alumnos de 3º ESO ao Concello de Quiroga para coñecer, baixo diferentes ópticas -arqueolóxica, artística e relixiosa-, a pegada que deixaron as distintas culturas na relixiosidade popular.

 

Día do Autismo co alumnado de 3º de ESO

O alumnado de Relixión de 3º de ESO levou a cabo unha preciosa actividade para conmemorar o Día Mundial de Concienciación sobre o Autismo, que se celebrará o vindeiro 2 de abril. Os compañeiros e compañeiras elaboraron unhas preciosas frases con pictogramas para o seu compañeiro Javier e, despois de amosarllas, pegáronas en pezas de crebacabezas (o símbolo do autismo é un lazo multicolor formado por pezas dun puzzle) que finalmente colgaron no corredor principal do centro.

Álex, Adrián e Mar Mariña achegáronse logo ao precioso espectáculo multicolor.

Esta presentación necesita flash para ser visualizada: se está nun dispositivo móbil, soamente algúns navegadores, como Puffin Browser, poderán reproducila. Pode instalalo dende estas ligazóns: dispositivos con iOS / dispositivos con Android

O prometido é débeda no Leiras

Comercio xusto no IES Leiras Pulpeiro

Esta presentación necesita flash para ser visualizada: se está nun dispositivo móbil, soamente algúns navegadores, como Puffin Browser, poderán reproducila. Pode instalalo dende estas ligazóns: dispositivos con iOS / dispositivos con Android
 
Hoxe celebrouse no IES LEIRAS PULPEIRO unha charla de sensibilización (“O prometido é débeda”) por parte de Judith González Gamallo, a técnica de Educación para o Desenvolvemento da ONGD Jóvenes y Desarrollo. Esta actividade está organizada polo Departamento de Relixión Católica do instituto.
 
No centro instalouse unha exposición educativa itinerante formada por tres grandes paneis que abordan catro núcleos básicos do obxectivo do milenio nº 8: Fomentar unha asociación mundial para o desenvolvemento aumentando a cooperación internacional.
 
A campaña céntrase en catro conceptos básicos: o 0,7% e a Débeda Externa como compromisos adquiridos polos países asinantes, e o comercio xusto e o consumo responsable como accións que nos implican a todas as persoas directamente e que nos ofrecen a posibilidade de actuar de xeito responsable ante a situación de inxustiza mundial.
 
As visitas por parte do alumnado do centro aos paneis expositivos acompañáronse co traballo na aula do material didáctico impreso e audiovisual e a presentación da técnica da antedita ONGD no Salón de Actos.
Trala conferencia tivemos a oportunidade de degustar produtos de Comercio Xusto ofrecidos por Jóvenes y Desarrollo, unha alternativa ao comercio convencional, xa que ten en conta valores éticos, sociais e ecolóxicos.
 
Esta actividade enmárcase dentro do proxecto de Educación para o Desenvolvemento: “O prometido é débeda en Lugo” que se está executando en Lugo coa colaboración do Concello de Lugo co obxectivo de sensibilizar á poboación, sobre todo aquela que está en idade escolar, sobre os DDHH e os Obxectivos de Desenvolvemento do Milenio e a importancia da súa consecución nos países do Sur. Dende o día 11 de xaneiro a exposición estará presente na Facultade de Maxisterio en Lugo.
Distribuir contido


by Dr. Radut