Skip to Content

IES Leiras Pulpeiro

Acordo coa Cruz Vermella: "Promoción do Éxito Escolar"

O IES Leiras Pulpeiro, a través do seu Departamento de Orientación, recén acaba de establecer un acordo coa Cruz Vermella para dar apoio escolar a varios alumnos  de 1º e 2º da ESO con dificultades de aprendizaxe. Esta colaboración enmárcase dentro do Proxecto Integral de Inclusión Social en Zonas Desfavorecidas: Promoción do Éxito Escolar.

Varios alumnos e alumnas incorporáronse xa dende hai días a esta actividade, que se desenvolve no local da Cruz Vermella situado na Rúa Aquilino Iglesias Alvariño dende o mes de febreiro de 2014. As actividades lévanse a cabo durante 2 días durante a semana e cunha duración de dúas horas cada día, é dicir, que cada alumno recibirá 4 horas de apoio á semana. A asistencia é contínua e obrigatoria, así coma o cumprimento das normas básicas de respecto e convivencia.

O obxectivo desta actividade é ofrecer un acompañamento educativo e de reforzo de materias escolares, así como un desenvolvemento e afianzamento de estratexias de estudo que contribuian a mellorar as competencias escolares básicas.

Día de Rosalía

Organizado polo Equipo de Biblioteca e o EDL do centro celebramos o Día de Rosalía cantando Airiños, airiños aires; Rosa de abril e Adios ríos, adios fontes;  seguindo a convocatoria da Asociación de Escritoras e Escritores en Lingua Galega.

Velaquí unha reportaxe gráfica do acto

Esta presentación necesita flash para ser visualizada: se está nun dispositivo móbil, soamente algúns navegadores, como Puffin Browser, poderán reproducila. Pode instalalo dende estas ligazóns: dispositivos con iOS / dispositivos con Android

Proceso de admisión para o curso 2014-2015

Queda rematado o prazo de RESERVA de posto escolar, exclusivo para o alumnado dos centros adscritos CEIP de Casás e CEIP Menéndez Pelayo.
Os alumnos/as destes dous centros terán praza escolar no IES Leiras Pulpeiro sempre que teñan formalizada a reserva mediante entrega da solicitude no seu colexio de orixe entre o 1 e o 15 de febreiro.

Curso 2014-2015: alumnado admitido con reserva de praza

Todo o alumnado PROCEDENTE DO CEIP DE CASÁS E DO CEIP MENÉNDEZ Y PELAYO que procederon a efectuar reserva de posto escolar no IES Leiras Pulpeiro dentro do prazo correspondente (1 ao 15 de febreiro) TEÑEN UNHA PRAZA asignada para o curso 2014-2015, dado que a demanda de postos escolares foi menor á oferta.

O prometido é débeda no Leiras

Comercio xusto no IES Leiras Pulpeiro

Esta presentación necesita flash para ser visualizada: se está nun dispositivo móbil, soamente algúns navegadores, como Puffin Browser, poderán reproducila. Pode instalalo dende estas ligazóns: dispositivos con iOS / dispositivos con Android
 
Hoxe celebrouse no IES LEIRAS PULPEIRO unha charla de sensibilización (“O prometido é débeda”) por parte de Judith González Gamallo, a técnica de Educación para o Desenvolvemento da ONGD Jóvenes y Desarrollo. Esta actividade está organizada polo Departamento de Relixión Católica do instituto.
 
No centro instalouse unha exposición educativa itinerante formada por tres grandes paneis que abordan catro núcleos básicos do obxectivo do milenio nº 8: Fomentar unha asociación mundial para o desenvolvemento aumentando a cooperación internacional.
 
A campaña céntrase en catro conceptos básicos: o 0,7% e a Débeda Externa como compromisos adquiridos polos países asinantes, e o comercio xusto e o consumo responsable como accións que nos implican a todas as persoas directamente e que nos ofrecen a posibilidade de actuar de xeito responsable ante a situación de inxustiza mundial.
 
As visitas por parte do alumnado do centro aos paneis expositivos acompañáronse co traballo na aula do material didáctico impreso e audiovisual e a presentación da técnica da antedita ONGD no Salón de Actos.
Trala conferencia tivemos a oportunidade de degustar produtos de Comercio Xusto ofrecidos por Jóvenes y Desarrollo, unha alternativa ao comercio convencional, xa que ten en conta valores éticos, sociais e ecolóxicos.
 
Esta actividade enmárcase dentro do proxecto de Educación para o Desenvolvemento: “O prometido é débeda en Lugo” que se está executando en Lugo coa colaboración do Concello de Lugo co obxectivo de sensibilizar á poboación, sobre todo aquela que está en idade escolar, sobre os DDHH e os Obxectivos de Desenvolvemento do Milenio e a importancia da súa consecución nos países do Sur. Dende o día 11 de xaneiro a exposición estará presente na Facultade de Maxisterio en Lugo.
Distribuir contido


by Dr. Radut