Bioloxía e Xeoloxía

Olimpíada de Bioloxía 2015


O pasado venres, día 16 de xaneiro de 2015, celebrouse a X Olimpíada de Bioloxía na Facultade de Bioloxía da Universidade de Vigo.


O IES Laxeiro estivo representado por catro alumnas de 2º de Bacharelato: Laura Sofía Machado, Claudia Piñeiro, Mª José Presas e Laura Suárez. Estas compañeiras tiveron a ocasión de coñecer por dentro unha Facultade, visitar laboratorios e aulas, escoitar charlas sobre ciencia e unha conferencia sobre o cine aplicado ao estudio dos ecosistemas, participar en probas e, o máis importante, confraternizar con alumnado doutros centros o que lles deixou un grato recordo.



En definitiva, unha boa experiencia que agranda máis, se cabe, o seu desexo de achegarse canto antes ao mundo universitario.


Visita ao parque experimental de Sotavento

Como xa ven sendo tradicional, o pasado mércores 9 de abril de 2015 o alumnado de 1º de Bacharelato da modalidade  de Ciencias e Tecnoloxía visitou o parque eólico de Sotavento, situado na Serra da Loba. Nesta visita puideron afianzar os seus coñecementos de física e tecnoloxía acerca das enerxías renovables. 

Como en anos anteriores, fomos recibidos e moi ben atendidos polo persoal deste parque, que é moito máis que unha central de produción de enerxía eléctrica, senón que funciona como unha aula divulgativa das vantaxes das fontes de enerxía renovables e de promoción de condutas sostibles e respetuosas co medio, tan necesarias para fomentar na cidadanía un consumo enerxético responsable.

Esta actividade estivo organizada polos departamentos de Física e Química, Bioloxía e Tecnoloxía

Olimpíada de Bioloxía 2014

O pasado venres, día 17 de xaneiro de 2014, catro alumnas de 2º de Bacharelato deste centro presentáronse á IX edición da Olimpíada de Bioloxía na súa fase Galega, que se celebrou na Facultade de Bioloxía da Universidade de Santiago de Compostela.


Andrea Calviño, Paula Castro, Laura Fernández e Tania Ferradás tiveron ocasión de coñecer a compañeiros doutros centros (107 en total) e confraternizar con eles ao longo de todo ese día, onde ademais das probas, bocatas, comida, visitas aos laboratorios da Facultade e unha conferencia sobre Etoloxía encheron a xornada e deixaron un bo recordo e unha agradable experiencia nestas futuras universitarias.


Para ver algunhas das fotografías que se fixeron cicla no enlace.

Día da Ciencia en Galego

O pasado día 4 de Novembro de 2013 celebrouse o día da Ciencia en Galego.

Nesta ocasión estivo dedicado ás figuras de Isaac Díaz Pardo, intelectual, pintor, escritor e filántropo galego. A Florence Nightingale, enfermeira inglesa que coas súas medidas de hixiena nos hospitais contribuiu ao desenvolvemento da mediciña moderna. E a Richard Buckminster Fuller, arquitecto estadounidense que revolucionou o mundo da construción con materiais lixeiros e as súas famosas cúpulas xeodésicas.

Desde o IES Laxeiro fixémoslles unha pequena homenaxe realizando carteis de cada un dos persoeiros honrados neste día, que quedaron ao longo de toda a semana expostos para toda a Comunidade Educativa. Tamén realizamos obradoiros de cúpulas xeodésicas con palliñas dos refrescos de plástico e un mural para celebrar este día.

Nas fotografías vese unha mostra deste acontecemento.

Viaxe por Asturias e Cantabria

 

O último fin de semana do mes de xuño de 2013, os alumnos do centro Rubén Carballude e José Manuel Lorenzo acompañados polo profesor Luís Jar, realizaron unha viaxe cultural por terras de Asturias e Cantabria.

Esta viaxe entraba dentro do 1º premio de Investigación Científica Luis Freire 2013, que gañou Rubén Carballude co traballo: "A que velocidade se moven os caracois?".

Nela tivemos ocasión de ver o xardín botánico de Xixón, as covas de Tito Bustillo e o Soplao, o museo asturiano dos dinosaurios e as vilas de Candás, Ribadesella e Cangas de Onís.

Unha viaxe que premia o esforzo e bo saber destes dous alumnos, e que os enche de folgos para o próximo curso que esperemos estea tan cargado de agradables sorpresas como o estivo este que remata.

Nas fotografías pódese observar unha pequena mostrar das experiencias vividas nesta viaxe.

2º Premio no Proxecto A21EG dentro do Plan Proxecta

O día 19 de xuño de 2013, un grupo de 10 alumnos/as de 1º de ESO do IES Laxeiroacompañados polo profesor Luís Jar Pereira, participou na Xuntanza Española da A21EG en Pontevedra.

Este grupo de alumnos/as foi selecionado para expoñer o traballo "O teu contorno: Cóidao e cóidaste" a alumnado de diferentes centros de ensino secundario de seis Autonomías do Estado Español.

Neste encontro fixeronse co 2º Premio desta Xuntanza para os centros participantes dentro de Galicia e que formaban parte do Plan Proxecta. Asemade tiveron ocasión de comentar e departir con alumnado de Castilla La Mancha, País Vasco, A Rioxa, Cataluña e Canarias sobre cuestións medioambientais e sustentabilidade.

Programacións, criterios de cualificación e contidos mínimos de ESO e Bacharelato para o curso 2013-2014

Nos seguintes arquivos adxuntos tedes as programacións, criterios de cualificación e mínimos esixibles nas distintas materias impartidas polos membros do Departamento de Bioloxía e Xeoloxía do IES Laxeiro no curso 2013-2014.

1º Premio de Investigación científica Luis Freire na súa XV edición

O pasado sábado día 8 de xuño de 2013, o alumno de 4º de ESO Rubén Carballude Reboredo, gañou a XV edición do premio "Luis Freire" de investigación científica en ESO. Con anterioridade quedara finalista xunto a outros catro traballos de centros de Santiago, Cambre e Viana do Bolo.

No traballo: "A que velocidade se moven os caracois?", calculou a velocidade destes animais despois de crearlles un hábitat para observar os seus costumes, base para deseñar as actividades de cálculo dos valores de velocidade. O traballo foi dirixido polo profesor do Departamento de Bioloxía e Xeoloxía, Luís Jar Pereira, e ámbolos dous disfrutarán dunha viaxe a finais do mes de xuño por terras de Asturias e Cantabria, para visitar museos, covas e restos arqueolóxicos.
Nas fotografías pódese ver a Rubén co profesor e o diploma, e outros compañeiros do IES David Buján de Cambre e o seu profesor que lograron o 2º Premio desta edición. No ficheiro adxunto veredes un resumo deste traballo que se incorporou á revista do centro "Kcharela"

1º Premio de investigación científica Luis Freire na súa XV edición

O pasado sábado día 8 de xuño de 2013, o alumno de 4º de ESO Rubén Carballude Reboredo, gañou a XV edición do premio "Luis Freire" de investigación científica en ESO. Con anterioridade quedara finalista xunto a outros catro traballos de centros de Santiago, Cambre e Viana do Bolo.

No traballo: "A que velocidade se moven os caracois?", calculou a velocidade destes animais despois de crearlles un hábitat para observar os seus costumes, base para deseñar as actividades de cálculo dos valores de velocidade. O traballo foi dirixido polo profesor do Departamento de Bioloxía e Xeoloxía, Luís Jar Pereira, e ámbolos dous disfrutarán dunha viaxe a finais do mes de xuño por terras de Asturias e Cantabria, para visitar museos, covas e restos arqueolóxicos.

Nas fotografías pódese ver a Rubén co profesor e o diploma, e outros compañeiros do IES David Buján de Cambre e o seu profesor que lograron o 2º Premio desta edición. No ficheiro adxunto veredes un resumo deste traballo que se incorporou á revista do centro "Kcharela".

2º premio no Rallie de Ciencias

Un grupo de 8 alumnos/as de 4º ESO acadaron o 2º premio na Final do Rallie de Ciencias sen Fronterias, celebrada o 10 de Abril en Santiago. Aquí podedes ver algunhas fotos.

Distribuir contido