Día Internacional Contra a Violencia de Xénero

O pasado martes día 25 de novembro, os alumnos e alumnas dos Ciclos Formativos e 2º de Bacharelato acercáronse ó Filmax Pontiñas para ver a película "A Descoñecida" do director italiano Giuseppe Tornatore. Esta actividade estaba enmarcada dentro das actividades organizadas pola Oficina de Igualdade do Concello de Lalín con motivo do Día Internacional Contra a Violencia de Xénero.

Viaxe a Galiciencia e actividades de Tecnópole

O pasado martes día 18 de novembro o alumnado de 4º de E.S.O. viaxou a Ourense para asistir e desfrutar coas actividades programadas no proxecto Galiciencia e outras preparadas grazas ao patrocinio do parque Tecnópole e a organización de Altega. A viaxe foi preparada polos departamentos de Física e Química e Tecnoloxía.

Visita exposicións

O vindeiro xoves 13 de novembro, dentro das actividades da Semana da Ciencia, o alumnado de 3º ESO visitará en Santiago dúas exposicións relacionadas coas matemáticas:

- De como aprendemos a contar e os aparellos empregados (Facultade de Matemáticas - Campus Sur)

- Escher e as matemáticas (Sala de exposicións de Sargadelos)

Estas exposicións estarán abertas ao público en xeral ao longo de toda a semana para aqueles que esteades interesados.

 

Viaxe Fin de curso a Londres

Este xoves día 19, 41 alumnos e alumnas de 4º ESO parten de viaxe para Londres con motivo da excursión de fin de curso. Estarán acompañados por tres profesores do centro. A volta será o día 24 deste mes.

I Festival das Letras Galegas e fin de curso

O pasado 30 de maio tivo lugar no patio do Laxeiro o I Festival das Letras Galegas-Fin de curso. Houbo cancións, teatro, Parkour e moito máis durante as dúas últimas horas da mañá, coa participación masiva do alumnado e profesorado do Centro.

Semana do Medio Ambiente

Co gallo da celebración o día 5 de xuño do Día Mundial do Medio Ambiente, dende o grupo da Axenda 21 do Centro realizaremos varias actividades conmemorativas durante a semana do 2 ao 6 de xuño.

Intercambio I.E.S. Laxeiro-Lycée Champ-Blanc

No curso pasado, 2007-08, catorce alumnos do IES Laxeiro de 4ºESO e 1ºBACH. fixeron o intercambio con 15 alumnos do Lycée Champ-Blanc; a cada alumno atribuíuselle un compañeiro de intercambio co cal conviviu durante a súa estancia no país estranxeiro.

Viaxe ao Laboratorio de Metroloxía de Galicia

O alumnado de 3º da E.S.O. viaxou o martes 19 de maio ao Laboratorio de Metroloxía de Galicia (Como? Meteoroloxía?... NON, Metroloxía), no Parque Tecnolóxico de Galicia en Ourense.

A actividade estivo organizada polos departamentos de Tecnoloxía e Física e Química. Na mesma o alumnado puido coñecer de primeira man cal é a importancia das unidades e dos seus patróns, ver parte dos departamentos e aparatos de medida do laboratorio e para rematar facer xogos e obradoiros relacionados co mundo da medida. Ver fotos.

Viaxe a París do alumnado de Diversificación Curricular

Parte do alumnado de Diversificación Curricular viaxa dende o mércores 21 ata o domingo 25 de maio a París.

A actividade está organizada conxuntamente polos departamentos de Língua e Literatura Castelán e de Língua e Literatura Galega. As profesoras acompañantes serán Sara Castro e Ester González. 

Deputados por un día

O alumnado de 1º de Bacharelato ven de defender no Parlamento de Galicia a proposición de lei sobre Desenvolvemento Rural que lle valeu o premio da actividade O Parlamento: a túa casa. A defensa consistíu en simular un debate parlamentario, con tódolos elementos formais coma a exposición da lei e os turnos de réplica baixo a dirección da presidenta Dna Dolores Villarino.

Distribuir contido