Taboleiro dixital

Miguelanxo Prado acaba de ser galardoado co Premio Nacional de Cómic do 2013, premio outorgado polo Ministerio de Cultura cun dotación de 20.000 € e o recoñecemento que iso significa. A súa obra Ardalén foi a merecedora desta distinción, pero tamén é un premio que recoñece tantos anos de traballo dedicados á banda deseñada.

Cremos que esta é unha boa ocasión para que vos animedes a ler ou reler as súas obras. Tedes moitas delas na biblioteca e tamén información sobre o autor e a súa obra nestas ligazóns: unha reseña de Ardalén escrita por Agustín Fernández Paz ou nesta noticia da TVE ou na entrevista de VTelevisión.

Durante as Xornadas Culturais tivemos a visita de César Cambeiro, coñecido actor carnotán a quen lle agradecemos a súa colaboración co noso centro.

Se queredes saber algo máis del, aquí vos deixamos esta pequena presentación:

O 30 de xaneiro conmemórase o Día escolar pola Paz e a Non Violencia e, desde a biblioteca, queremos animarvos a participar de novo nesta celebración.

Convocamos un CONCURSO DE CARTEIS POLA PAZ no que toda a comunidade educativa puido participar. Logo do fallo colgamos aquí os carteis.

Se queredes máis información, podedes consultar a páxina do Seminario Galego da Educación para a Paz.

No blog da Asesoría de Bibliotecas escolares de Galicia tedes unha relación de materiais seleccionados por distintas bibliotecas galegas. Impresionante tamén a recompilación de materiais que nos ofrece Asunción desde o CEIP de Mazaricos.

Graciñas a todas estas persoas que comparten o seu traballo!

Este venres 25 conmemórase o Día Internacional contra a Violencia de Xénero.  Haberá unha sesión de traballo na biblioteca a 2ª hora para 2º de ESO e a 3ª hora para 1º da ESO.

• Luns 4 á tarde no Concello: Concerto pro-excursión de 4º
• Martes 5: Visita a Ponteceso (1º e 2º)
• Domingo 10 a  Xoves 14: Viaxe de 4º a Berlín