Skip to Content

 Lamas de Castelo s/n - 15293 - Carnota (A Coruña) - ies.lamas.castelo@edu.xunta.gal - 881867200

Horario: de luns a venres de 8:40 a 14:10 - luns tarde de 16:20 a 18:00 - recreo de 11:10 a 11:40




Fin de curso 2018/2019

  • As actividades lectivas rematan o día 21 de xuño. Ese día realizaranse actividades especiais dentro do horario habitual.
  • A entrega de notas será o 25 de xuño ás 10.00h. Non haberá transporte escolar.
  • A devolución de libros do fondo solidario terá lugar os días 20 e 21 de xuño na secretaría do centro.
  • O prazo de reclamacións comezará no momento da entrega de notas e esténdese até ás 10.00h do 27 de xuño. Ese mesmo día resolveranse as resolucións ás reclamacións.
  • O prazo de matrícula comeza o 25 de xuño e remata o 10 de xullo.
  • Horario de secretaría:

          - xuño: de 9.00h a 14.00h

          - xullo: de 10.00h a 13.00h

          - agosto: correo electrónico ies.lamas.castelo@edu.xunta.gal

                       teléfono 881867200

Fondo solidario de libros e axudas para o material 2019/20

Publicada a Orde de 3 de maio de 2019 (DOG 20 de maio de 2019) pola que se regula a participación no fondo solidario de libros de texto e se convocan axudas para material escolar destinadas ao alumnado matriculado en ESO para o curso escolar 2019/20.

Adxúntase a seguinte información:

O prazo para presentar as solicitudes é do 21 de maio ao 21 de xuño (ambos inclusive).

Xornadas culturais 2018/19

     

O martes 14 de maio, empezaron as xornadas culturais do IES Lamas de Castelo cunha saída para todo o noso alumnado á Lagoa das Xalfas (Louro).

Alí, realizáronse dúas actividades:

  1. Pequena ruta guiada por Sonia, empregada do Concello de Muros, para explicar aspectos biolóxicos e xeolóxicos do lugar.
  2. Xincana para traballar a xeolocalización (tarefas de interpretación de escalas, mapas, compás, etc.)

Velaquí imos deixar unha pequena mostra en imaxes do moito que se fixo: obradoiros (cestería e papiroflexia), charlas (Isidro Dozo da Ed. Catroventos, Federación Galega de Xordos/as, Doazón e Transplantes, oferta IES da zona e mesa redonda de experiencias profesionais), visitas (taller de Nacho Porto e Galiña Azul), experimentos científicos, busca de libros ao ar librecúpulas de Leonardo e ata degustación de produtos.

 

    

25 de abril

Traballo feito polo alumnado de 1º ESO que cursa a materia de portugués (primeira vez que se imparte) para conmemorar o levantamento militar do 25 de abril, denominado Revolución dos Caraveis.

Actividades para maio

Arrancamos o mes de maio con forza. A continuación, detallamos o máis salientable:

  • As xornadas culturais deste curso terán lugar os días 14, 15 e 16.
  • O venres 17 é festivo (Letras Galegas) e o luns 20 foi aprobado polo consello escolar como día non lectivo propio do centro. Non haberá clase.
  • O luns 27 pola tarde celebrarase a xornada de portas abertas para o alumnado de 6º de Primaria do C.E.I.P do Pindo e C.E.I.P de Carnota.

Apadriñamentos lectores

Seguimos cos apadriñamentos lectores na Escola Infantil Galiña Azul do Concello de Carnota, e xa son os terceiros que facemos neste curso. Desta volta, foron os nosos alumnos e alumnas de 4º de ESO: Alba, Claudia, Fran, María, Rebeca, Uxía e Xurxo, acompañados/as da profesora Renée. Tiveron lugar no recreo de onte, mércores 24 de abril.

 

Velaquí algúns dos títuloseleccionados dos fondos da nosa biblioteca:

 

Obradoiro de imaxe corporal

Quérote Máis achegouse onte, 10 de abril, ata a mocidade de Carnota co seu obradoiro formativo sobre imaxe corporal e autoestima, da man da psicopedagoga, Isabel. Foron dúas sesións extraordinarias co alumnado de 3º de ESO.

3ª charla ás familias

Continuando co ciclo de charlas organizadas polo Departamento de Orientación, o luns 8 de abril contamos coa presenza de Marta Conde, matrona do centro de saúde de Muros.

Impartiu unha interesante formación ás familias sobre como falar de sexualidade cos seus fillos e fillas.

Moitas grazas a Marta polos seus coñecementos e a súa profesionalidade!

Viaxe de 4º de ESO a Ámsterdam

Os alumnos e alumnas do IES Lamas de Castelo veñen de facer a viaxe de fin de etapa de 4º de ESO correspondente ao curso 2018/19.

Do 28 de marzo ao 1 de abril visitaron a cidade holandesa de Ámsterdam e os pobos de Zaanse Schans, Edam, Volendam e Marken, na compaña dos profesores Modesto Fontán e Uxío Formoso.

Foron cinco días de intensa actividade cun completísimo programa! Visitaron: Madame Tussauds, museo científico NEMO, museo Van Gogh, Rijksmuseum, museo de Ana Frank e Ámsterdam Arena.

Tamén disfrutaron do espectáculo Dungeon "Mazmorras de Ámsterdam" e dos paseos en barco polos canais e en bicicleta polo Vondelpark.

Ben seguro que non o esquecerán!

 

 

 

 

 

 

 

 

 

 

 

Apadriñamentos lectores

No recreo do xoves 27 de marzo, tiveron lugar os segundos apadriñamentos lectores deste curso ao alumnado da Galiña Azul do Concello de Carnota. Desta vez, foron un grupo de alumnos/as de 1º de ESO: Diana, Iker, Laura e Manuel xunto coa profesora Mariluz.

Para saber máis sobre os apadriñamentos lectores

 

Distribuir contido


by Dr. Radut