Skip to Content

 Lamas de Castelo s/n - 15293 - Carnota (A Coruña) - ies.lamas.castelo@edu.xunta.gal - 881867200

Horario: de luns a venres de 8:40 a 14:10 - luns tarde de 16:20 a 18:00 - recreo de 11:10 a 11:40




Magosto-plantación castiñeiros

   

Aproveitando a celebración do magosto o venres 8 de novembro, o Departamento de Bioloxía e Xeoloxía xunto co Departamento de Actividades Complementarias e Extraescolares e o alumnado voluntario de 1º ESO plantaron castiñeiros no patio do instituto.

O noso alumno da Unidade de Educación Especial aportou unha pintura da folla do castiñeiro (Castanea sativa).

Practicando a disciplina positiva

O próximo luns 4 de novembro celebrarase a primeira charla deste curso ás familias organizada polo Departamento de Orientación do IES Lamas de Castelo en colaboración co Centro Autonómico de Formación e Innovación (CAFI) e o centro de atención psicolóxica, educativa e xestión de actividades (Aquelar), baixo o título "como educar con afecto e firmeza".

Será impartida pola psicóloga Begoña Rial Calvo en horario de 16.00h a 18.00h na biblioteca do instituto.

Contamos coa vosa participación.

 

Presentación do curso escolar 2019/2020 ás familias

A reunión de presentación deste curso ás familias terá lugar o vindeiro luns 30 de setembro de 2019 na biblioteca do IES Lamas de Castelo.

Comezará ás 18.15h cunha reunión conxunta de benvida para dar a coñecer o funcionamento xeral do instituto e presentar a todo o profesorado. A continuación, cada titor/a explicará polo miúdo as características do seu grupo.

Listaxe definitiva e reparto de Fondo libros

Listaxe definitiva

 Os libros poderán ser recollidos desde o luns 16 de setembro a partir das 12.00 da mañá.

Inicio do curso 2019/20

  • As clases comezarán o 16 de setembro seguindo o horario habitual do centro, entre as 8:40 e as 14:10. Lembrade que ao cadrar en luns, teremos clase pola tarde.
  • Haberá transporte escolar nas paradas habituais.

Listaxe provisional de alumnado admitido do fondo solidario de libros de texto para o curso 2019/20

Esta listaxe corresponde ás axudas reguladas na Orde do 3 de maio de 2019 (DOG 20 de maio 2019). O procedemento depende do Servizo de Xestión de Programas Educativos da Subdirección Xeral de Centros.

O IES non decide o número de libros a emprestar nin elabora estas listaxes, só tramita as solicitudes e entrega os libros.

Calendario dos exames de setembro de 2019

 

Exames da avaliación extraordinaria de setembro

 

Os exames das materias pendentes realizaranse na mesma hora que as materias correspondentes aos cursos superiores.

Para imprimir o calendario, prema aquí.

  • Data final de devolución de libros: venres, 6 de setembro. Hai que devolver todos os libros.
  • Entrega de notas: venres, 6 de setembro ás 11.30h.
  • Remate do período de reclamacións: martes, 10 de setembro ás 10.00h.
  • Finalización do prazo de matrícula: martes, 10 de setembro.

 

 

Materiais curriculares para o curso 2019/20

Libros de texto e outros materiais para 1º de ESO ·· 2º de ESO ·· 3º de ESO ·· 4º de ESO.

4ª Charla familias

Para rematar o ciclo de charlas formativas para as familias deste curso organizadas polo Departamento de Orientación, rematamos co título "prevención de drogodependencias". Esta charla foi impartida pola farmacéutica María Vivero do Colexio Oficial de Farmacéuticos de Galicia. Coa mesma temática impartiuse na mesma mañá do día 17 de xuño unha charla para o alumnado de 3º e 4º ESO.

Queremos agradecer ás familias a súa participación e esperamos seguir contando coa súa presenza o vindeiro curso.

 

Acollida alumnado e familias

Para facilitar o tránsito do alumnado de 6º de Educación Primaria dos CEIP de Carnota e CEIP do Pindo que o vindeiro curso comezará no noso IES, organizouse o pasado 27 de maio unha xornada de portas abertas. A través desta actividade, na que participou o alumnado de 1º de ESO do IES Lamas de Castelo, demos a coñecer as instalacións, os horarios, as materias e, en definitiva, os cambios máis importantes que supón o paso de Primaria a Secundaria. A tarde rematou cunha merenda na cafetaría do centro.

A cita coas novas familias tivo lugar o 10 de xuño, facendo fincapé nos aspectos máis relevantes que van acontecer este mes: fondo solidario, matrícula...

Só nos queda desexarvos un FELIZ VERÁN!

 

Distribuir contido


by Dr. Radut