Escola de nais e pais: Adolescentes e novas tecnoloxías

O LUNS 12 DE MARZO ás 18:15 horas terá lugar no IES Lamas de Castelo unha charla sobre adolescentes e novas tecnoloxías.

Esta charla forma parte da escola de nais e pais que organiza o Departamento de Orientación do IES Lamas de Castelo e será impartida por Sergio García Vázquez (do Plan director para a mellora da convivencia e a seguridade nos centros educativos).

Folga xeral do 8 de marzo

Para o 8 de marzo está convocada unha folga de carácter xeral con ocasión da celebración do día da muller traballadora. Informamos do seguinte:

Por parte do alumnado non se comunicou a vontade de participar nesta folga.

Si hai profesorado que participará nunha das dúas modalidades: folga de todo o día e paro de 12:00 a 14:00. A atención ao alumnado está garantida.

En relación ao transporte escolar, recibimos comunicación de que se han manter como esenciais os servizos de entrada aos centros desde as 7.30 ata as 10.30 horas e os de saída desde as 13.30 ás 19.00 horas.

 

Charla de ASPADEX

O pasado 20 de decembro, o alumnado de 3º e 4º ESO asistiron a unha charla da asociación ASPADEX.O obxectivo da mesma foi dar a coñecer as actividades que desenvolve dita entidade para mellorar a calidade de vida das persoas con discapacidade e as súas familias.

Fenómeno meteorolóxico adverso - 10 de xaneiro

A Axencia Estatal de Meteoroloxía e Meteogalicia alertan dun fenómeno meteorolóxico adverso de NIVEL LARANXA, durante o día 10 de xaneiro de 2018, a partires das 9:00 h ata as 19:00, por fortes rachas de vento, que afectarán ás zonas de predición meteorolóxica Coruña Noroeste e Mariña Lucense. Ante a devandita situación de risco, a Comisión Escolar de Alertas acordou a suspensión de actividades no exterior e extraescolares o día 10 de xaneiro de 2018 nos centros educativos situados nos concellos das zonas de predición meteorolóxica da Coruña Noroeste e Mariña Lucense.

O IES Lamas de Castelo está situado na zona de predición meteorolóxica da Coruña Oeste, que comprende os concellos de Camariñas, Cee, Dumbría, Mazaricos, Vimianzo, Carnota, Corcubión, Fisterra, Muxía e Zas, polo que NON se ve afectado por esta suspensión de actividades.

Porén, recomendamos que se estea sobre aviso por se se producen cambios nas próximas horas.

 

Actividades de fin de trimestre

As actividades lectivas rematan o xoves 21 cunha viaxe a Vigo (Casa do Mar, para ver o Pergamiño Vindel) e a Compostela (Cidade da Cultura). O alumnado recibirá as cualificacións do primeiro trimestre antes da partida. As clases retómanse o luns 8 de xaneiro.

Escola de pais: Adolescentes e novas tecnoloxías

CANCELADA!

Esta actividade foi cancelada por motivos persoais do relator.

Dentro das actividades da escola de pais, o Departamento de Orientación do IES Lamas de Castelo organiza unha charla titulada “Adolescentes e novas tecnoloxías" que terá lugar o martes 28 de novembro ás 18:15 horas na biblioteca do instituto. Esta charla será impartida por Sergio García Vázquez, do “Plan director para a mellora da convivencia e a seguridade nos centros educativos”.

Convocatoria de folga para o 16 de outubro

Tendo sido convocada unha folga por Erguer. Estudantes da Galiza para o 16 de novembro en todos os niveis educativos, o alumnado de 3º e 4º do IES Lamas de Castelo decidiu secundala. O martes 14 a dirección enviou notas informativas ás familias de todo o alumnado a través deste.

Presentación do curso ás familias

O luns 25 de setembro celebraranse as reunións de presentación do curso ás familias, nas que se darán a coñecer as novidades do curso 2017/18 e se presentará o profesorado. Haberá unha reunión común ás 18:10 na biblioteca para dar a benvida e introducir de maneira xeral as características do instituto e a etapa educativa e, a seguir, cada titor/a explicará polo miúdo o funcionamento do centro e as peculiaridades de cada curso e grupo.

Loito polo falecemento de Miguel Bermúdez Maceiras

Cancélanse todas as clases de 1º de ESO do luns 18 en sinal de loito polo falecemento de Miguel Bermúdez Maceiras. O instituto permanecerá aberto para atender os alumnos que decidan acudir.

Cancélanse tamén todas as clases da tarde e a reunión prevista coas familias ás 18:00.

Inicio do curso 2017/18

  • As clases comezan o 15 de setembro seguindo o horario normal do centro, entre as 8:40 e as 14:10.

  • Haberá transporte escolar, nas paradas habituais.

  • O calendario escolar está aquí.
Distribuir contido