Día da poesía / Día de Rosalía

Este ano o noso recital poético tivo lugar o venres 28 de febreiro durante a 3ª hora da mañá.

Moitas grazas a todo o alumnado, profesorado e persoal do Concello de Carnota que participades!

Entroido 2020

A partir do recreo do venres 21 de febreiro tivo lugar o festival de entroido do IES Lamas de Castelo.

Actuaron as comparsas de 1º, 2º e 3º de ESO, resultando gañadora a comparsa de 2º.

O alumnado de 4º levou a cantina e repartíronse saborosas orellas.

 

Froita na escola

Hoxe comezou o primeiro período de consumo de froita fresca entre o alumnado do IES Lamas de Castelo para fomentar hábitos de consumo saudables desde o centro educativo.

Ao longo de dez días serviranse: uvas, mandarinas, laranxas, plátanos, peras e kiwis.

Bo proveito!

           

     

 

3 de decembro

O 3 de decembro celébrase o Dia internacional das persoas con discapacidade.

Para dar visibilidade a este día, fixéronse as seguintes actividades:

- O alumnado de 1º e 2º ESO acudiu á unidade de educación especial do noso IES para coñecer : o funcionamento, a organización e os materiais cos que se traballa nela.

Unha nena e tres nenos de 2º ESO, foron os/as alumnos/as voluntarios/as encargados/as da exposición.

- O alumnado de 3º e 4º ESO visitou o Centro ocupacional de Aspadex (Cee) e participaron activamente dos seus talleres.

Moitas grazas a todos/as pola participación e, en especial á Asociación ASPADEX pola súa acollida!

 

 

 

 

Actividades

 

CURSO 2019/2020

CHARLA "BIODIVERSIDADE E CONSERVACIÓN"

O venres 14 de febreiro tivo lugar para o alumnado de 4ºESO a charla "Biodiversidade e conservación" enmarcada no Programa A Ponte entre o Ensino Medio e a Universidade. Esta actividade foi organizada polo Departamento de Bioloxía e Xeoloxia, en colaboración co Departamento de Orientación, e pensada dentro do obxectivo iniciado no curso 2017/2018 de dar a coñecer a biodiversidade galega, a súa importancia e a necesidade de conservala.   

Nesta ocasión contamos coa docente universitaria Teresa Rodríguez que puxo o seu gran de area na tarefa de concienciar ao alumnado da importancia que ten a actividade humana á hora de lograr ese obxectivo, destacando o valioso e didáctico enfoque da charla desde a contorna máis próxima ao centro.

CHARLA E BUSCA MICOLÓXICAS

O pasado martes 26 de novembro desenvolveuse no centro, para o alumnado de 1ºESO, unha charla e busca micolóxicas impartidas por axentes forestais. Esta actividade, organizada polo Departamento de Bioloxía e Xeoloxía en colaboración co departamento de Actividades Complementarias e Extraescolares, estruturouse en dúas partes:

A primeira parte foi unha explicación teórica sobre a importancia dos fungos nos ecosistemas grazas ao seu papel de descompoñedores e, polo tanto, a necesidade das boas prácticas na súa recollida. A segunda parte da actividade consistiu nunha saída para ver algunhas setas in situ e explicar algunha característica relevante das mesmas.

Con esta actividade, e outras realizadas en cursos previos como a saída ao Monte Pindo e á lagoa de Xalfas en Louro, continuamos aproximando ao alumnado do noso centro ao patrimonio ambiental máis próximo e á súa biodiversidade, así como á necesidade de conservalo.

        

 

 

 

Prevención da violencia de xénero - 1º e 2º

18/11/2019 08:40
18/11/2019 09:30
Europe/Madrid

Orientación

18 de novembro

1º e 2º

De 8:40 a 9:30

Prevención da violencia de xénero

Instituto

Imparte: CIM de Muros

 

As  actividades relacionadas coa prevención da violencia de xénero inclúen esta charla do Centro de Información á Muller de Muros e outra o martes 19 para 3º e 4º.

Magosto-plantación castiñeiros

   

Aproveitando a celebración do magosto o venres 8 de novembro, o Departamento de Bioloxía e Xeoloxía xunto co Departamento de Actividades Complementarias e Extraescolares e o alumnado voluntario de 1º ESO plantaron castiñeiros no patio do instituto.

O noso alumno da Unidade de Educación Especial aportou unha pintura da folla do castiñeiro (Castanea sativa).

Practicando a disciplina positiva

O próximo luns 4 de novembro celebrarase a primeira charla deste curso ás familias organizada polo Departamento de Orientación do IES Lamas de Castelo en colaboración co Centro Autonómico de Formación e Innovación (CAFI) e o centro de atención psicolóxica, educativa e xestión de actividades (Aquelar), baixo o título "como educar con afecto e firmeza".

Será impartida pola psicóloga Begoña Rial Calvo en horario de 16.00h a 18.00h na biblioteca do instituto.

Contamos coa vosa participación.

 

Presentación do curso escolar 2019/2020 ás familias

A reunión de presentación deste curso ás familias terá lugar o vindeiro luns 30 de setembro de 2019 na biblioteca do IES Lamas de Castelo.

Comezará ás 18.15h cunha reunión conxunta de benvida para dar a coñecer o funcionamento xeral do instituto e presentar a todo o profesorado. A continuación, cada titor/a explicará polo miúdo as características do seu grupo.

Listaxe definitiva e reparto de Fondo libros

Listaxe definitiva

 Os libros poderán ser recollidos desde o luns 16 de setembro a partir das 12.00 da mañá.

Distribuir contido