Entroido 2021

O pasado 12 de febreiro, o noso IES, quixo celebrar, a pesar da pandemia, o Entroido.

Para iso, en primeiro lugar pediu ao alumnado que viñese disfrazado da casa para poder facer un concurso de disfraces por diferentes niveis (1º ciclo da ESO, 2º ciclo da ESO, Bacharelato, Ciclo Superior e tamén a título individual)

O profesorado quixo unirse a festa e moitos se disfrazaron en modo conxunto de coches de choque. A 1ª hora da mañá, tres membros do claustro foron facendo pequenas carreiras por todas as aulas do centro para tentar de facer a xornada un pouco máis festeira. Ademais, entre as 11 e as 12:30, un pequeno T-Rex estivo paseando tanto polas aulas como polo patio facendo algunhas trasnadas.

Deixámosvos un pequeno vídeo con algunhas fotos e momentos do día.