Xa están na nosa páxina de Facebook as fotografías de Sabores do mundo de 2019. Noraboa aos gañadores!!

As fotos da celebración do noso Magosto xa está na páxina de Facebook do noso centro. Non volas perdades: fotos magosto

Este curso académico, baixo a iniciativa do alumnado de Ciclo Medio de Electricidade, celebrarase o I Campionato de Futbito no noso centro. Os partidos xogaranse durante os recreos dos mércores e venres. No enlace que tedes a continuación poderedes ver o calendario establecido ata final de curso, así como no taboleiro de anuncios. A liga comezará este mércores 20 de novembro. 

Lembramos que o campo de futbito do centro queda entón reservado durante estes dous días (mércores e venres, agás días excepcionais) para o desenvolmento do torneo nos recreos: o primeiro recreo será o primeiro tempo do partido, e no segundo recreo xogarase o segundo tempo. En caso de chuvia, un dos tempos do partido ou o partido completo se suspenderá e se xogará outro día. Tampouco se celebrará o torneo cando haxa unha celebración no centro (Sabores do Mundo, Entroido...).

No calendario figuran cando se xogarán os partidos e os equipos que competirán. Hai que ter en conta que en cada xornada un dos equipos da liga descansará, pero todos xogarán o mesmo número de partidos, de tal xeito que isto non afectará á puntuación final. Se un equipo ten a necesidade de cambiar un partido (por exame, saída didáctica...) pode facelo, pero ten que comunicalo previamente en Vicedirección ou ao alumnado de I Ciclo Medio de Electricidade responsable da actividade. De non facelo, non se xogará o partido e sumará os puntos o equipo contrario.

CALENDARIO DE FUTBITO

Dende hai dúas semanas o noso centro expón unha interesantísima colección de cogumelos e setas no pavillón B. Se aínda non fostes ver esta exposición aínda estades a tempo.

O noso alumnado de 2º ESO foi visitar o pasado 12 de novembro o Museo Liste de Vigo. Como podedes ver nas imaxes o museo é moi interesante e sorprendente:

O profesorado seleccionado na convocatoria de dúas mobilidades de docentes do proxecto "FP Básica: un puente hacia el futuro", que se realizarán durante o mes de novembro de 2019 son:

• Dona Beatriz Fernández Bernárdez
• Dona Sonia Pérez Álvarez

Como xa moitos de vós sabedes, hai un concurso de imaxes para colaborar a lograr a igualdade e previr e erradicar esta lacra que afecta á nosa sociedade chamada violencia de xénero. Premendo na imaxe que vedes a continuación poderedes acceder ás bases do concurso. Animádevos a participar nesta iniciativa.

Por último, deixamos algunhas das fotografías que os organizadores deste concurso fixeron durante as charlas que tiveron co noso alumnado:

Os que aínda non vos achegastes á Biblioteca para ver a exposición deste ano do Samaín, non vola perdades. Como vedes nestas imaxes, ao alumnado e ao equipo de traballo de Biblioteca  quedoulles arrepiante a homenaxe aos 200 anos da publicación de O vampiro de Polidori.

CONVOCATORIA DE MOBILIDADES ERASMUS+ PARA PROFESORADO

1. Convócanse dúas prazas para realizar unha mobilidade Erasmus ao estranxeiro.
2. As dúas mobilidades son de Job Shadowing: trátase dun periodo de formación en empresas ou centros formativos.
3. A duración das mobilidades será de cinco días naturais (de luns a venres) e dous días de viaxe.
4. O instituto ten contactos en Portugal e Italia. Se os interesados/as teñen outros contactos poden recurrir a eles.
5. O centro adianta o 80% da financiación concedida. No momento de volver, entregar a documentación e facer a enquisa final requerida polo SEPIE realizarase o pago do 20% restante. Pódense consultar a financiación por países no seguinte enlace: INFORMACIÓN FINANCEIRA.
6. A continuación, especifícanse os criterios de selección de profesorado para participar nunha mobilidade Erasmus:

Será seleccionado o profesorado que máis puntuación acade.

En caso de empate valorarase o nivel do certificado de idioma aportado e o número dos mesmos. De continuar o empate, procederase a un sorteo.

Os interesados/as deben cumprimentar a carta de solicitude e entregala en vicedirección antes do 31 de outubro: DESCARGAR CARTA DE SOLICITUDE