Skip to Content

A Consellería de Cultura, Educación e Ordenación Universitaria e o Colexio Profesional de Enxeñaría en Informática de Galicia convocan o II Concurso Literario Infantil e Xuvenil sobre a Protección de Datos, un certame dirixido ao alumnado de centros sostidos con fondos públicos que cursen 5º ou 6º de Primaria ou algún dos catro cursos de ESO. O certame organízase con motivo do Día da Protección da Datos, que se conmemorou o pasado domingo 28 de xaneiro en toda Europa.
O prazo para que o centro envíe os traballos remata ás 15.00 horas do día 28 de febreiro de 2018, polo que as alumnas ou alumnos interesados deben presentalos no centro con anterioridade.

Para consultar bases, categorías e premios, podedes facelo AQUÍ.

Animádevos a participar!!


A Secretaría Xeral de Política Lingüística e a Dirección Xeral de Xuventude, Participación e Voluntariado da Xunta convocan unha nova edición do certame de declaracións de amor na rede Lingua de namorar.

Para consultar bases, categorías e premios, podedes facelo AQUÍ.

O prazo remata o 29 de xaneiro. Animádevos a participar!!


Este xoves, 21 de decembro, estivemos aprendendo a facer exquisitas galletas de Nadal, enerxéticos cócteles con 0.0% alcol e extraordinarias cremas faciais de alto valor nutritivo nuns incribles obradoiros deseñados para tal fin coa inestimabel colaboración da ANPA.

Ver imaxes


Este xoves, 21 de decembro, entregamos os doces recollidos a Cáritas. O noso máis sincero agradecemento a tod@s @s colaborador@s. Sen a vosa desinteresada acción esta actividade sería imposible.

Grazas, moitas grazas.

No seguinte enlace atoparedes tódolos memes empregados nesta campaña.

Memes


Dende o I.E.S. Fin do Camiño continuamos coas actividades de promoción da solidariedade a través de dous proxectos de aprendizaxe-servizo: 

  • FisterraDoa, no que promocionamos a doazón de sangue e que ten unha traxectoria moi exitosa grazas a vosa participación que agradecemos cordialmente;
  • e FisterraDoce, unha campaña de recollida de doces de Nadal para as persoas menos afortunadas do noso pobo.

 Os alumnos e alumnas están a desenvolver o proxecto esta edición que se realizará no centro dende o vindeiro luns 18 ata o mércores 20 de decembro, proxecto no que colaboramos con Cáritas que será a encargada de facer o reparto dos produtos.

 

Esperamos contar de novo co voso inestimabel apoio.  

 

Agradecendo de antemán a vosa colaboración e recordámosvos que podedes seguirnos no Facebook FisterraDoce. 

 

Feliz Nadal a todas e todos.

 


O día 20 de novembro, data do aniversario da Declaración Universal dos Dereitos do Neno en 1959, celebrouse o Día Universal do Neno. Este ano 2017 UNICEF animaba aos nenos e nenas de todo o mundo a prestar a súa voz para apoiar aos millóns de menores que, a diferenza deles, non poden ir ao colexio ou están desprotexidos. Por iso, algúns membros do Club de lectura reuníronse ese día para gravar un vídeo e facer así a súa pequena achega á difusión destes dereitos.

E velaquí está o resultado!!

 


Este é o título do manifesto lido polos representantes dos catro cursos da ESO do noso centro nun acto convocado polo Concello de Fisterra con motivo do Día Internacional contra a Violencia de Xénero. Ao acto, que forma parte da campaña de sensibilización "En Negro contra as violencias", asistiu alumnado e profesorado dos centros educativos da localidade para reivindicar a igualdade e o respecto entre homes e mulleres, e facer visible o noso rexeitamento ante calquera tipo de violencia machista.
Cremos que nós podemos facer moito dende a nosa profesión porque, como dicía un fragmento do manifesto lido, debemos transmitir "Educación para facernos fortes. Educación para desfacer os prexuízos e estereotipos sobre as mulleres. Educación para adquirir conciencia crítica e saír da escola convencidas de que podemos facer que o mundo cambie. Educación para esixir os nosos dereitos e que se faga todo o necesario para que ningunha muller morra asasinada."

VER IMAXES



by Dr. Radut