XXVI Xornadas de Orientación Universitaria e Profesional do Concello da Coruña

Enviado por prof_mvr o Lun, 12/03/2018 - 04:55

Estas xornadas ofrecen a oportunidade de coñecer os estudos universitarios do SUG (Sistema universitario de Galicia), os ciclos formativos medios e superiores de FP, ensinanzas artísticas que se imparten na cidade da Coruña, e os estudos superiores artísticos de Galicia.

 

Cando:

 

- do 9 ao 13 de abril de 2018: ENSINANZAS UNIVERSITARIAS: unha semana de mesas informativas sobre os graos universitarios do SUG. Conta cun punto informativo, xestionado polo Centro Municipal de Información Xuvenil e o SAPE, onde asesorarse sobre aspectos de interese para as/os estudantes, de cara á toma de decisións académicas.

Lugar: Centro Universitario de Riazor (CUR).

 

- do 16 ao 19 de abril de 2018: ENSINANZAS PROFESIONAIS E ARTÍSTICAS SUPERIORES:

· unha semana de visitas aos distintos centros onde se imparten os ciclos formativos medios e

superiores, para coñecer máis de cerca estes estudos,

· e unha mesa informativa dedicada aos estudos superiores artísticos de Galicia (Deseños,

Conservación e Restauración de Bens Culturais, Arte Dramática), na EASD Pablo Picasso o

martes 17 de abril.

 

Requisitos:

· Alumnado de ESO, FP e Bacharelato (o alumnado ten que presentar a  credencial correspondente ao inicio das visitas.Esta credencial solicitarase no centro antes do día 13 de marzo.

 

Máis información:  www.edu.coruna ou no Departamento de Orientación do centro.

FORMACIÓN DE ALUMNADO MEDIADOR

Enviado por prof_mvr o Lun, 05/03/2018 - 05:19

No presente curso continuamos co proxecto de Mediación entre iguais coa finalidade de mellorar a convivencia no centro e favorecer a resolución de conflitos mediante o diálogo.

Para lograr este obxectivo é moi importante a colaboración do alumnado mediador que recibiu unha formación específica para poder axudar aos seus compañeiros/as nos problemas que poidan xurdir.

Moitas grazas á asociación ADAFAD e en especial a Cristina, encargada de impartir estes talleres de formación.

IDIOMAS DO MUNDO 2018

Enviado por prof_mvr o Ven, 02/03/2018 - 07:22

 

Aberto do 5 ao 28 de marzo o prazo de inscrición para Idiomas do Mundo 2018.

E convócase unha reunión informativa para o alumnado interesado e as súas familias o luns 12 de marzo ás 19:00h no Centro Cívico Municipal dos Mallos.

 

Entre hoxe  emañana os centros educativos de secundaria recibirán do Servizo Municipal de Educación  o material gráfico –o cartel e o folleto- da convocatoria do programa educativo municipal IDIOMAS DO MUNDO 2018, organizado pola Concellaría de Xustiza Social e Coidados, para a súa difusión entre o alumnado de 4º de ESO e 1º de bacharelato dos centros do concello.

 

O programa educativo “IDIOMAS DO MUNDO” ofrece a oportunidade a 71 alumnas/os de 4º da ESO e 1º de Bacharelato, de realizar unha actividade de inmersión lingüística no verán de 2018, en inglés, portugués, francés ou alemán, co obxectivo de mellorar a competencia nalgunha das linguas europeas máis faladas no mundo e poder acreditar de xeito oficial o nivel acadado consonte o Marco Común Europeo de Referencia para as Linguas (MCERL); ademáis de participar nunha acción intercultural aumentando a conciencia e comprensión doutras culturas e países e a educación dos participantes no respecto á diversidade e á igualdade, ao tempo que lles permita avanzar o seu desenvolvemento persoal.

 

A convocatoria e as bases (e anexos) pódense consultar na web www.edu.coruna.es/portada e o luns 5 de amarzo  habilitaráse a ficha de inscrición en liña.

ADMISIÓN DE ALUMNADO EN CENTROS SOSTIDOS CON FONDOS PÚBLICOS PARA O CURSO 2018-19

Enviado por prof_mvr o Mér, 28/02/2018 - 08:46

Prazo de presentación de solicitudes de admisión: do 1 ao 20 de marzo de 2018, ambos incluídos.

A solicitude formalizarase:

  • Directamente na aplicación admisionalumnado. Nesta páxina figura a Normativa Aplicable así como instrucións para o procedemento.

  • Ou a través do Anexo II, que se solicitará no centro educativo ou se descargará neste ENLACE 

 Só se pode presentar unha única solicitude na que se poderá facer constar unha relación de ata 5 centros por orde de preferencia.

 Consulta das prazas ofertadas no centro.

 Consulta das INTRUCIÓNS do procedemento

 

Mobilidades Erasmus+ Setembro/2018

Enviado por lcc o Ven, 23/02/2018 - 04:52

O alumnado que titulará en xuño 2018 e o que teña que facer a as súas prácticas en setembro 2018 ten a posibilidade de gozar dunha  mobilidade Erasmus+ de 90 días dentro do programa Praxeuropa que xestiona a Dirección Xeral de Formación Profesional da Xunta de Galicia.

Prégase os alumnos que  estean interesados en gozar  dunha destas  bolsas Erasmus o comuníquen a maior  brevidade en Xefatura de Estudos. 

XORNADA RECEPCIÓN PAIS/NAIS FUTURO ALUMNADO

Enviado por prof_mvr o Xov, 15/02/2018 - 05:32

O vindeiro 6 de marzo as 19:30 na Sala de Usos Múltiples terá lugar unha reunión informativa e presentación das instalacións aos interesados en matricularse en ESO e Bacharelato para o curso 18-19

 

AXUDAS PARA A REALIZACIÓN DE ACTIVIDADES DE FORMACIÓN EN LINGUAS ESTRANXEIRAS NO ANO 2018

Enviado por prof_mvr o Xov, 08/02/2018 - 06:07

Ante a publicación no DOG do día de hoxe da Orde do 22 de xaneiro de 2018, pola que se convocan axudas para a realización de actividades de formación en linguas estranxeiras no ano 2018, destinadas ao alumnado dos centros docentes sostidos con fondos públicos, en réxime de concorrencia competitiva, xúntase cartel informativo desta convocatoria.

Pulse nesta LIGAZÓN para a súa consulta.

PROBAS DE ACCESO CICLOS FORMATIVOS FORMACIÓN PROFESIONAL

Enviado por prof_mvr o Xov, 01/02/2018 - 08:00

Publicado calendario das probas de acceso a ciclos de FP.

Pulse AQUÍ para a súa consulta

DATAS E HORARIOS EXAMES 2ª AVALIACIÓN CICLOS DISTANCIA 17-18

Enviado por prof_mvr o Ven, 26/01/2018 - 05:17

No ADXUNTO pódense consultar as datas e horarios dos exames da 2º avaliación nos ciclos de educación a distancia.

Listaxe definitiva: Asignación de mobilidades programas Erasmus+ 2017

Enviado por lcc o Mar, 23/01/2018 - 14:36

Dáse publicidade a listaxe definitiva do alumnado seleccionado, tanto para as mobilidades que ten adxudicadas o IES Fernando Wirtz no seu propio programa, como as adxudicadas no consorcio PRAXEUROPA, xestionado pola Subdirección Xeral de FP, da Dirección Xeral de Educación, Formación Profesional e Innovación Educativa. Os alumnos sinalados efectuarán a súa estancia formativa no período marzo-xuño 2018.

Distribuir contido