Bacharelato no IES de Fene

O bacharelato é unha etapa educativa de ensinanza non obrigatoria que comprende dous cursos académicos e ten como finalidade a formación xeral dos alumnos así como a súa orientación e preparación para estudios universitarios e formación profesional específica de grao superior.

O IES de Fene abre a túa formación ás modalidades de bacharelato Científico-Tecnolóxico e o bacharelato de Humanidades e Ciencias Sociais.

O bacharelato consiste en dous cursos. No primeiro curso terás 6 materias comúns: Educación Física, Filosofía e Cidadanía, Lingua Galega e Literatura, Lingua Castelá e Literatura, Lingua Estranxeira, Ciencias para o Mundo Contemporáneo e Relixión (opcional); tres materias propias da modalidade e escollerás tamén unha optativa.  

O bacharelato permitirá que continúes ós teus estudios e que accedas a:

• Carreiras universitarias de grao medio e superior trala superación dunha proba de acceso.

• Ciclos Formativos de grao superior

BACHARELATO CIENTÍFICO-TECNOLÓXICO

O bacharelato científico-tecnolóxico está orientado a para aqueles alumnos e alumnas que procuren unha formación de tipo científico e técnico para continuar os estudios universitarios das ramas científicas e biosanitarias así como para todos os alumnos e alumnas que desexen unha formación encamiñada ós estudios universitarios de tipo técnico (enxeñerías técnicas e superiores...) e ciclos formativos superiores de formación profesional de carácter técnico e tecnolóxico. Tamén pode ser indicado para cursar os ciclos formativos superiores de formación profesional das ramas sanitarias e agraria

BACHARELATO DE HUMANIDADES E CIENCIAS SOCIAIS

O bacharelato de humanidades e ciencias sociais é o adecuado para cursar estudios universitarios (licenciatura o diplomatura) en facultades de Filosofía, Filoloxía, Dereito, Xeografía e Historia ou Humanidades e Biblioteconomía así como en Escolas de Traducción e Interpretación.