Escolares

CONTACONTOS EN INGLÉS E GALEGO

Na tarde do 16 de xaneiro, estiveron na biblioteca Tim Bowley e Charo Pita, para contarlles aos rapaces de 4º da ESO e 1º de Bacharelato contos de todo o mundo en inglés e galego.

CHARLA "AS SIMPLIFICACIÓNS SOBRE A LINGUA GALEGA" A CARGO DE M. NÚÑEZ SINGALA

Manuel Núñez Singala estivo cos alumnos de 3º da ESO (grupos B, C e D) e de 4º da ESO (grupos B e C) para falarlles das simplificacións e estereotipos que existen sobre a lingua galega.

CONCURSO DE LECTURA, RECITADO E CONTACONTOS DE TEXTOS DE CUNQUEIRO-ENTREGA DE PREMIOS

O 11 de xaneiro na Biblioteca, durante o 2º recreo, farase a entrega de premios aos gañadores do concurso de lectura en alto, recitado e contacontos de textos de Álvaro Cunqueiro. Asimesmo proxectarase o anaco do programa da TVG "A revista" no que sae esta actividade.

EXPOSICIÓN MULLERES E MATEMÁTICAS

Desde o mes de xaneiro, temos expostos no corredor da planta baixa do edificio anexo os traballos realizados polos alumnos do profesor Lobato sobre a aportación das mulleres ao campo das matemáticas.

MAXIA DE FIN DE TRIMESTRE

Como parte das actividades de fin de trimestre, o 21 de decembro actuou no noso centro o famosísimo mago rianxeiro Alán Golías e deixounos a todos abraiados cos seus trucos e xogos de mans.

SEMANA DO COMERCIO XUSTO

Como xa ven sendo habitual, na semana anterior ás vacacións de Nadal celebramos a Semana do Comercio Xusto coa colaboración da Asociación Panxea de Santiago de Compostela. Os nosos alumnos coñeceron outras formas de consumo e de produción a través dunha serie de actividades:

- Posto de venda de produtos de comercio xusto de distinto tipo: alimentos, agasallos, libros, etc, xestionado polos alumnos.

- Exposición de carteis sobre a produción e comercialización do café na entrada do centro.

- Obradoiros acerca do comercio xusto, o consumo responsable e o aforro enerxético a cargo de membros da Asociación Panxea para os alumnos de 4º da ESO.

CONCURSO DE LECTURA, RECITADO E CONTACONTOS DE TEXTOS DE CUNQUEIRO

Entre o 24 de outubro e o 3 de novembro tivo lugar na biblioteca un concurso de lectura en alto, recitado de poemas e contacontos de obras de Álvaro Cunqueiro, organizado polo EDLG. Esta actividade celebrouse nos recreos e contou coa participación do alumnado, profesorado e outros membros da comunidade educativa.

ANO INTERNACIONAL DA QUÍMICA

Para conmemorar o Ano Internacional da Química, o Dpto. de Física e Química organizou unha serie de actividades que nos acheguen a esta disciplina:

  • Exposición de carteis "Entre moléculas", elaborados polo CSIC. FOTOS.
  • Lecturas recomendadas sobre a química, nun dos puntos de lectura da biblioteca. FOTOS.

CHARLA CON MANUEL NÚÑEZ SINGALA (SERVIZO NORMALIZACIÓN USC)


O luns 4 de abril visitounos Manuel Núnez Singala, director do Servizo de Normalización Lingüística da USC. Falounos dos prexuizos, do doado que é caer neles e de como afectan ás nosas actitudes cada a lingua. FOTOS

SAÍDA AO AUDITORIO DE GALICIA (DEPARTAMENTO DE MÚSICA)

                                                


O día 17 de marzo os alumnos de 3º da ESO (grupos C e D) e 4º da ESO (grupos B e C) foron ao Auditorio de Galicia, en Santiago de Compostela, nunha saída organizada polo Departamento de Música. Alí participaron nas seguintes actividades:


  • Concerto didáctico "En torno a Bach", a cargo da Real Filarmonía de Galicia.

  • Visita guiada á exposición de fotografía "Korda: coñecido, descoñecido".

  • Distribuir contido

    DOCUMENTOS DO CENTRO

    TIL

    Plurilingüismo

    •  CADERNO DE COMUNICACIÓN

    Violencias de Xénero (25N)

    Eventos

    « Novembro 2020 »
    LunMarMérXovVenSábDom
    1
    2345678
    9101112131415
    16171819202122
    23242526272829
    30

    INFORMACIÓN COVID-19

    Consulta aquí a evolución da COVID-19 no centro

    Plan de adaptación á situación COVID-19

     

    Plan de continxencia

    Erasmus+

    felixmuriel.erasmusplus@gmail.com

    ERASMUS+FELIXMURIEL(TWITTER)

    erasmusplusfelixmuriel (INSTAGRAM)

    CONVOCATORIA FCT 2019-2020 ...

    BASES MOVILIDADE (consulta)

    CONVOCATORIA 19-2(consulta)

    SOLICITUDE  (consulta)

    CONVOCATORIA ENTREVISTA PERSOAL (consulta)

     

     

    SCRIPTA MANENT

    ENDL (Norm. lingüística)

    Usuarios conectados

    Agora mesmo hai 0 usuarios e 9 invitados conectados.

    TITORÍA ENTRE IGUAIS

    RIANXO RADIO

    REMEMBERING CANADA

    CALENDARIO DE ALUMNADO CON PENDENTES

    Poden consultar as datas e horarios das probas de pendentes do curso 2020-2021.