Skip to Content

Terceiro trimestre

PRESENTACIÓN DE ENÓRMIC EN CARRIL

Parabéns a Victoria Cores, Sabela Romero e Ainara Villanueva. Os seus traballos Superleituga, Refuxiadas e Última batalla foron seleccionadas para esta nova edición de Enórmic. Os tres títulos son do máis suxestivo e xa podedes lelos porque acaba de chegar a revista  ó centro.

O 7 de xuño, as tres autoras acudiron á presentación da revista no IES González Estévez de Carril. No acto interviñeron as coordinadoras da revista, Isabel e Mari; Afra Torrado, a autora da portada; autores de cómics de distintos institutos e Antón Blasco, o autor do limiar, que enviou un vídeo porque non podía estar presente. Para cerrar o acto, un alumno fixo unha interpretación fermosísima a capela dun cantar tradicional.

Ver álbum de fotos.

 

VII CERTAME DE RELATO CURTO DA FANPA

 

Este venres celebrouse en Pontevedra o acto de entrega de premios do VII Certame de Relato Curto convocado pola Fanpa para todos os centros da provincia. A participación nesta edición acadou unha cifra récord de case 1300 textos nas diferentes categorías e a nosa compañeira Ainara foi finalista destacada na categoría de secundaria.

O premio consistiu nun diploma acreditativo, un libro de Kalandraka e unha praza para un obradoiro de creación literaria ó que acudirá o 25 de xuño en Pontevedra. Pero, segundo a propia Ainara, o mellor premio, é, sen dúbida, o de ver publicado o seu relato nun libro ilustrado por Ramón G. Trigo e amadriñado pola escritora Concha Blanco que foi a autora homenaxeada no acto de entrega. Ademais o texto sairá publicado durante o verán no Diario de Pontevedra. 

Moitos parabéns Ainara e grazas por compartir de novo as túas creacións con todos nós.

 

 

Se queres ver as imaxes preme aquí 

CARREIRA POLO TERRÓN

 

O día 16 os rapaces de 1º da ESO reunímonos cos compañeiros da Basella para celebrar o Día das Letras Galegas  cunha carreira polo Terrón. Parecía que ía chover pero decidimos ir pasará o que pasara e ó final pasámolo moi ben. Houbo premios para os  e as máis veloces de cada instituto e como non, para os mellores lemas. A cuestión estivo difícil e, de feito, houbo empate entre as máis corredoras do Faro e entre os autores dos mellores lemas da Basella. Parabéns rapaces!

 

 

Se queres máis imaxes preme aquí

 

 

 

CELEBRANDO AS LETRAS

 Parabéns a Victoria, Rubén, Sergio, Pablo, Irina, Sabela, Rodrigo, Sindo, Ainara, Carmen e Valeria polos vosos premios e grazas por compartir as vosas creacións con todos nós.

Parabéns tamén ós presentadores Rosa e Pablo.

E nós seguimos celebrando o ano dedicado a Antonio Fraguas. Comezamos o curso recollendo lendas e agora continuamos coas adiviñas. Recompilastes unha manchea delas, así  que agora  toca compartilas. Recordade que o concurso comeza esta  semana. 

                                        

TEATRO NO FARO

 

Este ano celebramos o Día das Letras Galegas dun xeito distinto grazas ó alumnado de 1º B que representou para nós dúas peciñas teatrais. A primeira era unha adaptación do relato "Oficina de obxectos perdidos" de Made in Galiza de Sechu Sende e a segunda, unha adaptación dun relato de Paula Carballeira.

 

 
Distribuir contido


by Dr. Radut