Secretaría

Matrícula 2º e 4º ESA

Enviado por iesproval o Lun, 2019-11-25 20:01

O prazo para matricularse en 2º e 4º da Educación Secundaria de Adultos será do 8 ao 17 de xaneiro de 2020.

( categories: )

En loita contra a violencia de xénero

Enviado por iesproval o Dom, 2019-11-24 19:29

Co gallo do Día Internacional contra a violencia de xénero, o noso centro vén desenvolvendo estes días diferentes actividades encamiñadas a sensibilizar o alumnado e conciencialo sobre a necesidade de erradicar os malos tratos que sofren as mulleres acotío.

Deste xeito, a semana pasada asistimos á perfomance de María Vallina, Anástrofe, co apoio do concello de Nigrán e da Deputación, e participamos no vídeo do Club Baloncesto Nigrán "Un balón por cada vítima". Elaboramos, así mesmo, un gran mural co título "Os nomes silenciados" en homenaxe ás máis de cincuenta mulleres asasinadas e aos seus fillos e fillas, tamén vítimas da violencia machista. Ademais, elaboramos e colocamos cartelería en cada recuncho do centro, e reflexionamos xuntos nas aulas.

Nos recreos da semana do 25-N leremos textos literarios dentro da campaña "Palabras que son berros" e proxectaremos audiovisuais co fin de seguir reivindicando o papel da muller na sociedade e a súa loita contra as inxustizas.

Con todo, o noso labor a prol das mulleres non rematará no mes de novembro, senón que desde o Equipo de Igualdade seguiremos deseñando iniciativas para visualizar unha lacra social que, por desgraza, vai en aumento, e asemade educando para que a nosa xuventude non mire cara a outro lado nos casos de violencia contra as mulleres...

( categories: )

Outono de cogomelos

Enviado por iesproval o Mar, 2019-11-19 17:37

Como todos os anos polo outono, alumnos e alumnas de 1º ESO recolleron cogomelos, clasificáronos e mesmo os ilustraron, axudados polo profesorado de bioloxía, xunto a outros expertos/as na materia. Entre as vinte e cinco especies analizadas, destaca a peculiar Chlathus archeri, con fasquía de estrela de mar vermella de catro puntas, máis coñecida popularmente como "man do demo". Xa podedes ver a galería de fotos da exposición premendo na imaxe de abaixo...

Parabéns polo voso traballo!

Selecciona esta foto

para ver o álbum

desta actividade

 

 

 

 

( categories: )

Anástrofe

Enviado por iesproval o Sáb, 2019-11-16 20:54

No marco das actividades que estamos desenvolvendo co fin de concienciar o noso alumnado sobre a necesidade de erradicar a violencia de xénero, insírese a performance que nos ofreceu María Vallina o pasado 11 de novembro: Anástrofe

Selecciona a foto para

ver o álbum desta

actividade

Con esta representación pechouse a cuarta edición do programa da Deputación de Pontevedra "Mulleres en acción. Violencia zero". Na compaña das deputadas Isaura Abelairas e Raquel Giráldez -alén do alcalde, Juan González, e das concelleiras de igualdade, Patricia Diego, e de educación, Marina Vidal-, profesorado e alumnado puidemos interactuar coa artista asturiana nunha simbólica peza de "inversión" ata reflexionarmos sobre o noso papel na sociedade fronte a violencia que sofren as mulleres desde as tarefas máis cotiás; porque, en definitiva, non podemos ficar pasivos ante a desigualdade, e cómpre que todos e todas nos impliquemos nun cambio necesario!

( categories: )

Anástrofe

Enviado por iesproval o Sáb, 2019-11-16 20:20

No marco das actividades que estamos desenvolvendo co fin de concienciar o noso alumnado sobre a necesidade de erradicar a violencia de xénero, insírese a perfomance que nos ofreceu María Vallina o pasado 11 de novembro. 

Con esta representación pechouse a cuarta edición do programa "Mulleres en acción. Violencia zero", promovido pola Deputación de Pontevedra para loitar contra a violencia de xénero. Na compaña das deputadas Isaura Abelairas e Raquel Giráldez -alén do alcalde Juan González e as concelleiras de igualdade, Patricia Diego, e de educación, Marina Vidal-, profesorado e alumnado puidemos interactuar coa artista asturiana e reflexionar, nesta simbólica peza Anástrofe, sobre a necesidade de "inversión" do noso papel pasivo na sociedade fronte a violencia machista e a obriga de implicarnos na loita das mulleres desde as tarefas máis cotiás, porque todos e todas somos partícipes dun cambio necesario!

Próximos días non lectivos

Enviado por iesproval o Mar, 2019-10-29 16:59

Lembrámoslles que ata o martes 5 de novembro non se reanudarán as clases. Velaquí os días non lectivos establecidos no calendario escolar 2019-20:

  • xoves 31 de outubro: Día do Ensino
  • venres 1 de novembro: Día de Todos os Santos
  • luns 4 de novembro: Día non lectivo elixido polo centro 

 

 

( categories: )

Adxudicación de prazas de transporte escolar

Enviado por iesproval o Sáb, 2019-09-28 22:49

Publicada a listaxe de adxudicación de prazas de transporte escolar. Os solicitantes poderán consultala na cortiza que está ao lado da conserxería.

( categories: )

Ciclos formativos: Inicio das clases

Enviado por iesproval o Ven, 2019-09-20 13:19

As clases comezarán o luns 23 de setembro no seguinte horario:

  • C.F. grao medio XESTIÓN ADMINISTRATIVA (diúrno): 8:45 h. Aulas 18 e 19.
  • C.F. grao superior ADMINISTRACIÓN e FINANZAS (diúrno): 8:45 h. Aula 9.
  • C.F. grao medio INSTALACIÓNS DE COMUNICACIÓNS (modular): 19:00 h. Taller 3 (1º curso)/Taller 5 (2º curso)/Aula 11 (3º curso)
  • C.F. grao medio INSTALACIÓNS DE COMUNICACIÓNS (diúrno): 8:45 h.
  • C.F. grao superior MANTEMENTO ELECTRÓNICO (diúrno): 8:45 h.
  • C.F. grao superior SISTEMAS DE TELECOMUNICACIÓNS e INFORMÁTICOS: 15:45 h. Taller 1 (1º curso) / Taller 3 (2º curso)

           

( categories: )

Fondo solidario de libros de texto e material escolar: listaxes definitivas

Enviado por iesproval o Xov, 2019-09-19 22:50

Xa podedes consultar a listaxe definitiva de admitidos e excluídos no fondo solidario de libros de texto e na adquicisión de vales para material escolar correspondentes ao curso 2019-2020.  

 

( categories: )

Listaxe de admisión a FP Básica 2019-20

Enviado por iesproval o Ven, 2019-09-13 11:05
  • Prema no arquivo adxunto para ver a listaxe de admisión a 1º de FP Básica no ciclo de Informática e comunicacións
  • As reclamacións a esta listaxe poden tramitarse os días 16 e 17 de setembro
  • No caso de seren admitidos, lembren que o prazo para a formalización da matrícula é do 13 ao 20 de setembro
( categories: )
Distribuir contido