Secretaría

Novas datas para a celebración das probas de acceso a ciclos

Enviado por iesproval o Xov, 2020-05-28 10:47

Publicadas novas datas para a celebración das probas de acceso a ciclos formativos de grao medio e de grao superior de Formación Profesional para a convocatoria 2020, por mor da situación provocada pola pandemia do Covid-19.

CICLOS MEDIOS: realización da proba o 10 de xuño. Sede: CIFP Valentín Paz Andrade (Vigo)

CICLOS SUPERIORESrealización da proba o 11 de xuño. Sede: IES de Teis (Vigo).

( categories: )

Cita Orientación

Enviado por iesproval o Lun, 2020-05-25 13:03

Se desexan concertar unha cita co orientador do centro, Fernando Blanco, para consultar calquera dúbida relativa aos estudos, rogamos que soliciten cita previa a través do seu correo electrónico feblanco@edu.xunta.es, tanto para a atención telefónica como presencial.

( categories: )

Fondo libros e material escolar para o curso 2020/21

Enviado por iesproval o Mér, 2020-05-20 12:11

Aberto o prazo para que as familias soliciten axudas para libros, vales para material escolar e acceso aos Fondo Solidario de libros de texto para o vindeiro curso escolar 2020/21.

Presentación solicitudes: ata o 19 de xuño 2020 

Listaxe provisional: 10/07/2020

Listaxe definitiva: 14/09/2020

Forma de presentación:

  • Vía electrónica (máis recomendada): Deberá cubrir a solicitude accedendo á aplicación fondo de libros e logo gardala para obter así o "número de solicitude". Logo necesitará acceder á sede electrónica da Xunta rexistrándose na Chave 365 (válido para calquera trámite que teña que facer coa Administración). Unha vez cuberto o formulario e adxunta a solicitude, o centro recibirá no seu correo electrónico un aviso desta presentación electrónica.
  • Vía presencial: Deberá cubrir a solicitude accedendo á aplicación fondo de libros e presentar na secretaría do centro o impreso da solicitude debidamente cumprimentado e asinado (Anexo I e Anexo II), no ordenador ou manualmente, acompañado da fotocopia do libro de familia e da documentación necesaria. Lembre que só se cubrirá unha solicitude por familia. 

         ATENCIÓN: nas solicitudes cómpre pór o código do centro que é 36015184.

 

DOCUMENTACIÓN OBRIGATORIA:

1. Anexo I debidamente cuberto e asinado polo SOLICITANTE que é un PROXENITOR (NON O ALUMNO/A).

3. Anexo II cuberto e asinado por todos os membros da unidade familiar.

4. FOTOCOPIA dos DNI/NIE de todos os membros da unidade familiar.

5. Copia do libro de familia ou equivalente onde figuren todos os membros computables (incluso a 1ª folla).

6. A sentenza xudicial e/ou convenio regulador onde conste a atribución da custodia do/a menor. (En caso de separación ou divorcio).

OUTRAS SITUACIÓNS FAMILIARES:   ver “DOCUMENTACIÓN QUE SE PRESENTA” na PÁX. 2 do Anexo I-continuación

En todo caso, os documentos deberán ser válidos e eficaces no momento da súa presentación, e reflectir a situación persoal, familiar e económica a 31 de decembro do 2018, agás no caso de violencia de xénero, en que se aplicará o disposto na lexislación específica.

 

Normativa: Orde do 12 de maio de 2020 pola que se regula a participación no fondo de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2020/2021 (código de procedemento ED330b) (Diario Oficial de Galicia do 19 de maio de 2020)

 

Calendario cos días e horas de entrega das solicitudes no centro se optan pola vía presencial e non pola recomendada (telemática):

 

AVISO

DE CONFORMIDADE COAS MEDIDAS EXISIDAS POLA AUTORIDADE SANITARIA E PARA GARANTIR A SEGURIDADE DO ALUMNADO.

NON SE RECOLLERÁ DOCUMENTACION DE FONDO DE LIBROS OS DÍAS 8, 9, 10, 11 e 12 DE XUÑO

 

 

( categories: )

Convocatoria Extraordinaria 1º-3º ESA

Enviado por iesproval o Ven, 2020-05-15 12:04

Na seguinte táboa podedes ver a convocatoria extraordinaria de 1º e 3º curso da ESA (Educación Secundaria de Adultos):

1. ÁMBITO DE COMUNICACIÓN

Proba por videoconferencia ou correo electrónico

29 maio: 18:00 h.

2. ÁMBITO CIENTÍFICO-TECNOLÓXICO

Proba por videoconferencia ou correo electrónico

29 maio: 19:00 h.

3. ÁMBITO SOCIAL

Proba por videoconferencia ou correo electrónico

29 maio: 20:00 h.

Para máis especificacións, premede en cada ámbito: Comunicación, Científico-tecnolóxico e Social.

( categories: )

Calendario de recuperación de pendentes

Enviado por iesproval o Xov, 2020-05-14 18:04

Xa podedes consultar o calendario e o tipo de probas previstas por cada departamento para a recuperación de materias pendentes premendo no enlace:

( categories: )

I Certame de micropoemas

Enviado por iesproval o Dom, 2020-05-10 09:19

Os Equipos de Dinamización da Lingua Galega do IES Escolas Proval e do IES Terra de Turonio organizan o “I Certame de Micropoemas Beatriz da Serra”, destinado a todo o alumnado dos centros do Val Miñor de entre 9 e 20 anos. Outorgaranse dous premios por categoría: a) 4º, 5º e 6º de primaria; b) 1º, 2º e 3º da ESO e FPBásica; c) 4º da ESO, bacharelato e ciclos. Podedes consultar as bases neste enlace.

Animádevos, tedes até o 17 de maio para entregardes os vosos poemas a poesiaminhora@gmail.com

( categories: )

Solicitude Admisión Curso 2020/21

Enviado por iesproval o Xov, 2020-05-07 23:00

Restablécese o prazo para a presentación das solicitudes de admisión de alumnado en centros docentes sostidos con fondos públicos, para o curso 2020/2021, polo tempo que restaba cando se declarou o estado de alarma.

Prazo de admisión11 de maio - 18 de maio 

Prazo para a presentación da documentación para a baremación: 11 de maio - 26 de maio 

Formas de presentar a solicitude: 

  • Na secretaria do centro de luns a venres en horario de 10:00 a 13:00 h.
  • De xeito telemático a través da aplicación admisionalumnado.

AVISO IMPORTANTE: Por motivos de seguridade sanitaria recomendamos a opción telemática; e, no caso de asistiren presencialmente, rogamos que respecten as distancias de seguridade e as medidas de hixiene necesarias.

Se necesitan solicitar información relacionada con este proceso de admisión ou se teñen calquera outra dúbida sobre a xestión do centro, poden chamarnos ao número 886 110 367.

Quen debe presentar a solicitude:

(Só para alumnado novo non adscrito, que non estea matriculado no IES Escolas Proval no actual curso)

  • Alumnado de Primaria que non tivese feito a reserva neste centro en febreiro.
  • Alumnado que queira facer o bacharelato nese centro tras ter cursado 4º ESO noutro.
  • Alumnado que estea estudando noutros centros e que queira realizar aquí o curso vindeiro.

Publicacion da listaxe privisonal: antes do 9 de xuño.

Reclamacións contra as listaxes provisionais: nun prazo de 3 días hábiles contados desde o seguinte ao da súa publicación. 

Publicación das listaxes defintivas: ata o 26 de xuño.

Formalización da matrícula ordinaria na ESO e bacharelato: do 1 ao 10 de xullo. Prazo extraordinario: do 1 ao 10 de setembro.

 

 

( categories: )

Aviso IES Escolas Proval

Enviado por iesproval o Xov, 2020-05-07 11:42

( categories: )

Instrucións para a realización da ABAU

Enviado por iesproval o Xov, 2020-05-07 00:22

Publicada a Resolución do 28 de abril de 2020, pola que se modifica a Resolución do 26 de febreiro de 2020 pola que se ditan instrucións para a realización, dentro do curso 2019/20, da avaliación de bacharelato para o acceso á universidade (ABAU) para o curso 2020/21.

 

( categories: )
Distribuir contido