Skip to Content

Premios e Innovación Educativa

Premios e Innovación Educativa

Novo premio á nosa alumna Isis Acea

Novo recoñecemento para a alumna do IES Escolas Proval, Isis Acea, co gallo do 25 de novembro: Día Internacional contra a violencia de xénero, pola súa ilustración “A realidade ten dúas caras, non che deixes enganar polas apariencias”.

Logo de ser galardonada recentemente en certames de debuxo escolar como no concurso de carteis organizado pola Consellería de Sanidade coa Axencia de Doazón de Sangue, Órganos e Tecidos, ou de tere acadado o premio á creatividade no concurso “Escola no Camiño”,  organizado por Faro de Vigo, Xunta de Galicia e Xacobeo, agora Isis volve ver recoñecido o seu talento artísitico nesta campaña contra a violencia machista promovida pola Consellería de Promoción do Emprego e Igualdade coa Secretaría Xeral de Igualdade.

Telerrobot en FP Innova

 Durante esta semana alumnado e profesorado do noso IES, conxuntamente co IES Ricardo Mella e co IES Politécnico de Vigo, presentan o proxecto Telerrobot con realidade virtual no Congreso FP Innova.

Trátase dun robot con capacidade de telecomando que incorpora un sistema de realidade virtual implementado polo noso alumnado de 2º de Mantemento Electrónico baixo a supervisión dos profesores Fernando Rodríguez e Ricardo Santos.

Preme na foto inferior para ver a galería deste evento

Álbum: Actividades Curso 2022-2023 -> FPInnova

Concurso de fotografía Covid e medioambiente

Premio de innovación na FP por "Telerrobot con realidade virtual"

O proxecto “Telerrobot con realidade virtual” no que participa o noso departamento de Electrónica -xunto co IES Politécnico de Vigo e o IES Ricardo Mella- vén de ser recoñecido nos Premios para o desenvolvemento de proxectos de innovación na Formación Profesional.

Premios á excelencia en 2º Bacharelato

 Parabéns á nosa alumna do bacharelato de Ciencias Elena García Herbello ao ser galardoada no Acto de recoñecemento da USC aos mellores expedientes de centros de ensino medio de Galicia.O evento desenvolveuse o 4 de xullo no Pazo de Congresos de Santiago de Compostela e nel participaron os estudantes cunha cualificación superior a 9 de media entre a parte obrigatoria da ABAU e o bacharelato.

 Lembremos que Elena xa obtivera neste curso unha matrícula de honra, ao igual ca Jaime Martínez Veiro, do bacharelato de Humanidades e ciencias sociais. Ademais tamén se presentou ás probas dos Premios extraordinarios de bacharelato que tiveron lugar o 27 de xuño.

 Preme a foto inferior para ver algunha das fotos do acto de entrega dos premios

 

Álbum: Actividades Curso 2018-2019 -> PremioExcelencia2Bac
Distribuir contido


by Dr. Radut