IES Escolas Proval

Esta semana o noso alumnado de 1º ESO, 4º ESO e FPBásica II puido reflexionar sobre o "tratamento da diversidade afectivo-sexual e de xénero nas aulas", grazas ás charlas impartidas por Elisabet Pérez Costas, portavoz da asociación viguesa Nós Mesmas, entidade defensora dos dereitos das mulleres lesbianas, bisexuais e transexuais.

Este mes o noso alumnado de 2º ESO, e o grupo de "Hábitos de vida saludable" de 1º ESO realizou unha saída lúdico-didáctica a Vigo; foi de patinaxe á pista de xeo de Samil, visitou a vila romana de Toralla e realizou unha visita guiada ao Museo do Mar.

Parabéns aos gañadores do torneo de fútbol, o "Rápido de avarías", integrado polos alumnos de 1º do ciclo superior de Administración e finanzas: Gonzalo Moreira, José Luis Rodríguez, Adrián Misa, Alex Hidalgo, Andrés Romero, Víctor Pérez e Pablo Veloso. Noraboa tamén para os finalistas, "Os guapos", e grazas ao resto de participantes, así como aos organizadores de 1º de bacharelato!

Infórmase ás familias de que, a partir de mañán, o alumnado de 3º e 4º ESO, bacharelato e FP Básica comezará a realizar as enquisas do proxecto ProDaes.

Dirección do IES Escolas Proval

Hoxe comeza a desenvolverse no noso centro o programa REFÓRZA-T (Reforzo, orientación e apoio) para o curso 2019-20. Este programa da Conselleria de Educación ten como obxectivo mellorar o rendemento académico do alumnado por medio do traballo ou apoio organizado fóra do horario lectivo, para a adquisición das destrezas básicas, especialmente en matemática, ciencia, tecnoloxía e comunicación lingüística.

Premendo neste enlace podes consultar o itinerario do autobús coas paradas respectivas.

ESA

2º e 4º cursos

(13 de febreiro - 19 de xuño 2020)

A presentación e inicio das clases de 2º e 4º da ESA terá lugar o próximo 13 de febreiro ás 18:30 horas na Aula Multiusos (ximnasio)

A Dirección, o Claustro do profesorado, o Departamento de Electrónica, o Persoal de Administración e Servizos e a comunidade educativa do IES Escolas Proval lamentan con triste e profundo pesar o falecemento, no día de hoxe, do profesor José Manuel Ceide López, quen impartiu docencia e maxisterio neste centro durante máis de trinta anos.

Unimos a nosa dor á da súa familia e á de todos aqueles amigos/as, compañeiros/as e alumnos/as que compartiron o seu camiño.

Descanse en Paz.

Toda a comunidade educativa do IES Escolas Proval quere expresar o seu agarimo aos familiares e achegados de Alejandro D.M. nestes momentos tan duros.

 O noso máis sentido pésame.