Curro de Mougás

Enviado por iesproval o Dom, 2009-06-14 14:47

Curro de Mougás 2009Sabemos que no noso centro hai moitos seguidores dos curros. Aquí tedes un fermoso albúm do de Mougás

( categories: )

Rafting no Miño e concerto no Juan María

Enviado por iesproval o Sáb, 2009-06-06 00:00

Rafting no MiñoO día 2 de xuño  2010 os alumnos de música de 1º e 2º de bacharelato, acompañados por seis alumnos de 4º ESO, fixeron unha actuación musical no Colexio de Educ. Especial Juan María de Nigrán. A xornada foi moi especial, pois ademais de tocar tratábase de que os alumnos dos dous centros convivíran e compartíran unhas horas e experiencias. Os alumnos do Juan María representaron unha obra de teatro e ao remate alumnos e profesores dos dous centros, acompañados polo alcalde de Nigrán Efrén Juanes e as concelleiras de xuventude Puri  e de educación Estela, compartimos uns pinchos e unhas bebidas en alegre armonía.

O mércores 3 de xuño os alumnos de 2º e 3º da ESO fixeron unha saída didáctica programada polo seminario de Educación Física. A saída consistiú nunha actividade de Carreira  de Orientación e un descenso do Miño facendo Rafting.
O día estivo bo,  e todos gozamos da natureza e da fermosura do río Miño e a emoción do descenso nas balsas neumáticas.

Dia das Letras Galegas en Proval

Enviado por iesproval o Lun, 2009-05-18 15:15

O venres, 15 de maio para commemorar o día das letras galegas, celebráronse varios actos no IES Escolas Proval. Ás 11,30 h. un concerto dos alumnos de música do 2º curso de  bacharelato do IES Auga da Laxe. Ás 12,50 h. unha actuación do director teatral e narrador de historias, Quico Cadaval que perante unha hora e media explicou e contou, dun  xeito moi ameno e ilustrativo, as orixes dos contos populares e a  nosa tradición da narración oral. Previamente, Elba e Eva, alumnas de 4º da
Eso fixeronlle unha entrevista para por na nosa páxina webb.
Os alumnos e profesores asistentes aos actos saíron moi satisfeitos despois dunha mañán moi completa de formación e diversión.

Na sección Galerías hai un pequeno album con fotos dos actos.

( categories: )

Fotos da Semana da Ciencia 2008-2009

Enviado por iesproval o Lun, 2009-05-11 13:31

Semana da CienciaNa sección Galerías xa se poden ver algunhas fotos das actividades da Semana da Ciencia.

( categories: )

Entrevista a Francisco Anguita Virella

Enviado por iesproval o Mér, 2009-03-25 18:59

Francisco AnguitaO pasado día 5 de marzo estivo en Proval o Doctor en Ciencias Xeolóxicas pola UCM, Francisco Anguita Virella para dar unha conferencia (Darwin y la geología) aos alumnos e alumnas de bacharelato. O científico respostou amablemente a un cuestionario que lle pasaron alumnos participantes na IV edición de "El País de los Estudiantes" para o seu periódico dixital "Sin Rodeos"

(Foto do profesor Virella tomada de Magonia, blog de El Correo Digital)

( categories: )

Fallo do Concurso de Fotografía e Debuxo

Enviado por iesproval o Ven, 2009-03-13 17:11

Traballo diario

Esta é a foto premiada no concurso de  fotografía e debuxo sobre o tema "A muller e o traballo". O seu título é "O traballo diario" e as autoras son Anabel e Raquel, de 4º da ESO. Parabéns.

O xurado decidíu dar dous accésit ás fotos "Igualdade nas túas mans"  de Marta e Aurora, 3º de ESO e "Traballando xuntos" de Diego Carneiro, 4º  da ESO. Noraboa tamén para estes alumnos e alumnas. 

( categories: )

Concurso de Fotografía e Debuxo

Enviado por iesproval o Mér, 2009-01-28 20:06

Concurso debuxo e fotografíaA Biblioteca convova un concurso de  Fotografía e Debuxo sobre o tema "A Muller e o Traballo" dirixido a tódolos alumnos e alumnas do Centro. O prazo de entrega de traballos vai do 9 de febreiro ao 3 de marzo.

As fotos ou debuxos terán que levar un título e, se queredes, un comentario explicativo. Para saber máis pódese descargar o cartel que aparece como ficheiro adxunto (pdf)

( categories: )

Entrevista a Séchu Sende

Enviado por iesproval o Ven, 2009-01-23 19:29

Entrevista a Séchu SendeO 17 de novembro estivo no instituto Séchu Sende para falarnos do seu libro Made in Galiza e para motivarnos a falar galego.
Despois de escoitalo, de ler e comentar con el algúns relatos da obra, as alumnas de 1º de bacharelato Miriam Veiro e Raquel Táboas, fixéronlle unha interesante entrevista.

Cantigas, 3º de ESO

Enviado por iesproval o Ven, 2008-12-12 18:56

salterio

OBRADOIRO DE CANTIGAS DE AMIGO

Os alumnos e as alumnas de 3º B da ESO deixaron por un día o hip hop,o reggeton e outros estilos urbanitas e convertéronse en xograres medievais. Imitando a súa arte, tal Martin Codax ou Meendinho, compuxeron cantigas de amigo ao máis fiel estilo trovadoresco. Refráns, paralelismos, leixaréns, dobres, mordobres… non houbo segredos para eles. Velaí vai unha pequena escolma.

CANTIGAS A ESGALLA

As cantigas que abaixo mostrar-se han

é boa proba do que en 3º da ESO fan.

E son trovadores!

Mostrar-se han aquí cantigas a esgalha

como proba de librar tan dura batalha.

E son trovadoras!

Boa proba do que 3ºda ESO fai

é esta arte de trovar tan guay.

E son trovadores!

Proba é esta de librar dura batalha

co paralelismo e leixaprén e outra xentalha.

E son trovadoras!

 

Os traballos dos alumnos e alumnas de 3º pódense ver nas Galerías dos Departamentos


 

( categories: )
Distribuir contido