Skip to Content

Linguas clásicas

Omnia vincit amor

Seguindo coa temática do amor como forza motriz do mundo (que moveu o concurso Odisea 2015) os alumnos e alumnas de Latín e Cultura Clásica de 4º quixeron iluminar o soto do Instituto con frases relativas ao tema. E fixérono con moito entusiasmo:

 

 

Viaxe das alumnas de Humanidades a Madrid

As alumnas de segundo de Bacharelato de Humanidades viaxaron a Madrid os días 16, 17 e 18 de decembro. Asistiron a un musical (o Rei León), contemplaron os frescos de San Antonio de la Florida, entraron no templo de Debod (de raíces exipcias e romanas), admiraron os marabillosos cadros mitolóxicos de Velázquez, Goya, Rubens e Tiziano no Prado, visitaron a Biblioteca Nacional (aínda que non nos deixaron entrar nas salas dos libros) e pasearon polo Madrid preNadal. Ah! Tamén visitaron Segovia e o seu acueducto. En suma: un bo xeito de rematar o ano.

 

 

Aquí neste enlace, temos unha panorámica da mitoloxía na Pinacoteca nacional:

Datos prácticos para as PAU

Esta presentación ten como obxectico aportar datos concretos para as probas de acceso. Se tedes dúbidas falade con Orientación, Secretaría ou a profesora acompañante. Moita sorte!

Algunhas recomendacións para as PAU...

Poderedes ler algúns consellos para a preparación das PAU neste enlace. E tranquiliños: en prazas peores toreastes...

Festival de teatro grecolatino de Lugo 2014

O martes 25 de marzo os rapaces dos Institutos de Elviña e Carballo (Parga Pondal) asistiron conxuntamente ás representacións de dúas comedias de Plauto realizadas en Lugo nas xornadas de teatro grecolatino deste ano 2014.

Alumnos e alumnas de Latín e Grego dos dous centros viviron unha xornada de convivencia e disfrutaron da magnífica posta en escena de Cásina e Amphitruo de Plauto levada a cabo polo grupo coruñés Noite Bohemia. Houbo un regalo extra: o reencontro cun antigo profesor moi apreciado polos alumnos de Elviña e un peso pesado no mundo do teatro escolar clásico.

Quedamos todos cun excelente sabor de boca e desexando repetir a experiencia en anos vindeiros. 

Deixamos algunha proba gráfica da xornada:

  

 

 

Sabías que...

No departamento de Latín e Grego empezamos o concurso “Sabías que” centrado en cuestións referentes ás pegadas que deixaron na nosa cultura as civilizacións da Grecia e da Roma clásicas. O devandito concurso forma parte dun proxecto inter centros (IES Parga Pondal, IES Urbano Lugrís e IES Elviña) e  ten o obxectivo de “prodesse et delectare”. Esperemos que os nosos alumnos, unha vez trasladados por Caronte, saiban eludir ao Can Cerbeiro e cheguen aos Campos Elíseos do coñecemento.


(Fotografía do Dr. Michael C. Scott)

As cuestións poderedes atopalas nesta dirección da nosa wiki…

Concurso Odisea 2014

Os alumnos e alumnas de latín e grego do IES Elviña participaron no Concurso On Line Odisea, organizado pola Sociedade Española de Estudios Clásicos. Este ano a edición estaba adicada ao Teatro en Grecia e Roma; os concursantes investigaron sobre aspectos mitolóxicos, sociais, institucionais e literarios da traxedia e a comedia antigas. Loitaron, disfrutaron e aprenderon:

Non conseguimos a coroa de oliveira dos vencedores pero quedamos nuns postos máis que honorables. Desde aquí mandamos os nosos parabéns a todos os navegantes: Fortuna audaces iuvat!

Distribuir contido


by Dr. Radut